والحل إيه ؟

**gaaz** · 10-04-2012 12:42 AM

هههههههههههههههههه
انا عن نسبالي ممكن اجي عشان الممرضة الحلوة
وادفع فلوس كمان هههههههه
انا نايب عضم على فكرة ولو كنت في اسكندرية مكنتش قصرت معاك والله
ومن غير فلوس خالص حتى لحد ما الدنيا توقف على رجلها
ربنا ييسرلك الامور ان شاء الله ويفتحها في وشك

**A7MED_PHARMA** · 10-04-2012 01:48 AM

المشاركة الأصلية كتبت بواسطة gaaz

هههههههههههههههههه
انا عن نسبالي ممكن اجي عشان الممرضة الحلوة
وادفع فلوس كمان هههههههه
انا نايب عضم على فكرة ولو كنت في اسكندرية مكنتش قصرت معاك والله
ومن غير فلوس خالص حتى لحد ما الدنيا توقف على رجلها
ربنا ييسرلك الامور ان شاء الله ويفتحها في وشك

انا في الزقازيق يادكتور
وربنا يكرمك

طيب قولي..هو الاتفاق في الحالات الي زي دي بيكون إزاي ؟

**A7MED_PHARMA** · 10-04-2012 04:00 AM

ربنا يجايزك خير يادكتور
القصة ومافيها...إن صعب دكتور غريب ينزل بلد ارياف مش بلده ويشتغل فيها
الا لو كان نازل تبع حد من البلد يعمله دعايا(زي الوضع بتاعي كده)أو تبع جمعية خيرية تعمله دعاية برضوو

البلد بتاعتنا فيها ميزة
انها قرية كبيرة..حواليها عزب صغيرة بتصب فيها
البلد كان فيها 5 أطباء باطنة وأطفال..و2 اسنان
فجأة
بقوا 2 بس باطنة وأطفال..و1 أسنان

وكل الــ 5 كانوا شغالين ....... الــ 4 الي سابو البلد سابوها لأسباب ان واحد سافر والتاني اتجوز بره واشتغل بره والتالت توفاه الله والرابع فتح في مدينة

طيب
انا دلوقتي في أول 5 ايام شغل
الرات اليومي كان 3 كشوفات في اليوم
3 كشوفات في أول ايام شغل....أنا شايف انها كويسة((ولا أنا غلطان؟؟ ))

انا متوقع مثلا ان الرات المعقول بــيكون 15-20 كشف

طيب
انا دلوقتي لو جبت طبيب إمتياز .. وقولتلت تعالى معايا 4 ساعات في اليوم..وشغلك اليومي قليل أو كتير هيكون ثابت على 50 ج
هل يوافق؟
انا بتكلم على طبيب جديد زيرووو .. خبرته تقريبا محدودة
يعني أنا هقعد أعرفه أ ب تعامل مع الناس.وهقعد أعرفه الاصناف كلها
وبدايلها
وإيه بيتكتب لإيه..وإمتى يكتب الجيل الاول من الانتي بايوتك..وإمتى يكتب الجيل التالت
كده يعني

مش فكرة غني هعدل عيه..فكرة إني بقالي 7 سنين شغال في المجال..وعندي خلفية طبية محترمة والحمد لله

يعني تصدق

انا ممكن أروح أنا العيادة أكشف فيها...ههههههههههههههههههه� �ه
بس الناس عارفاني فمش هينفع ههههههههههههههههههههههههه ههههههههههه

فقولي؟
50 ج يومي لطبيب إمتياز ..مقبولة ليه ؟

ولو الرات وصل لــ 10 كشوفات مثلا يوميا..وده مقبول كبداية .. (الكشف بــ 11 ج)
ممكن ياخد نسبة وليكن 25 %
يعني كده يوصل لــ 75 ج يوميا في 3-4 ساعات شغل ؟

وهجيبله بت حلوة تخدم عليه..وعليا أنا كمان ههههههههههههههههه

**A7MED_PHARMA** · 10-04-2012 04:56 AM

والله يادكتور
جاري حاليا التربيط مع نايبة نسا من ميت غمر

بس دي لسه قدامها وقت شوية .. وانا ماينفعش بعد الاعلانات والدعايا دي اقفل ولو ليوم واحد

انا ممكن أضطر لأساليب تانية لحد ماجيب الدكتورة دي ..ولحد ماشوف طبيب تاني
بس مش عاوز
ربنا يستر

**أبو صلاح** · 10-04-2012 09:40 AM

انا في ملاحظة لازم اقولك عليها
علشان تعرف تنجح اي مشروع لازم تكون عامل حسابك على راس المال ان يكون متضمن :
1- تكلفة تأسيس المكان (وده اللي انت عملته)
2- سيولة لمواجهة مصاريف اول سنة بالكامل دون توقع ارباح
يعني على سبيل المثال التاسيس (أثاث + معدات + مصاريف قبل بداية النشاط) 5000ج

وتكلفة الشهر عندك (مرتبات -لازم يكون في حد ادنى لكل طبيب يوميا - إيجار - كهرباء - خلافه) 5000 يبقى السنة 60 الف جنيه

يبقى قبل ما تفتح مكان زي ده يكون معاك على الاقل 65-70 الف جنيه

الارقام دي بتختلف من مشروع لآخر

بس ما ينفعش تفتح مشروع زي ده ومش معاك فلوس تدفع مرتبات
واجر ثابت للاطباء لانه اصلا مش حابب سواد عيونك علشان يستحملك وخصوصا انك على كلامك سهل جدا من الصبح يفتح عيادة

والله الموفق

**gaaz** · 10-04-2012 11:47 AM

نصيحه عن تجربة بلاش موضوع الطرق التانية ده
عشان انا مرة وان في امتياز كنت شغال مع واحد في عيادة انا كنت ماسك طبيب عام استقبال
وهو كان المفروض انه دكتور نسا
حصلت مشكله معانا وفي حاله تعبت جامد
جابووني وعملولي مشكلة عشان بشتغل وانا امتياز وده ممنوع بس كانت مشكلة صغيرة الحمدلله عشان وانا امتياز مفيش عليه مسؤليه
الدكتور بقى جابوه واتضح انه ماكانش معاه تصريح مزاولة المهنه
الراجل اتوقف من النقابة واتسجن ست شهور ودطلع بكفالة عشرتلاف جنية بعد التراضي مع اهل المريضة
انا حبيت انقل الموقف عشان العظة بس