نهايـــــــة عصر تسليك الرادياتير للأبد؟؟؟

**tarekjwal** · 09-04-2012 08:07 PM

[warning]كانت عربيتي من نوع شيري A11 بموتورها الفورد اسكورت بتسخن جامد لدرجة ان الزيت بتاع الموتور كان بيخف خالص من السخونة ويبقي مافهوش لزوجة خالص وتنور معايا لمبة الزيت وللعلم انا باصلح عربيتي بنفسي لكن رحت لميكانيكي واتنين كلهم قالولي ان وش السلندر وحش وعامود الكامة فية خلوص بيهرب الزيت لما تسخن العربية وكنت بلاقي الخراطيم بتاعة القربة والرادياتير تتنفخ لدرجة الأنفجار واللي قالي العربية عايزة تاخد هوا وعايزة يتسلك الرادياتير وكلام عجيب
لغاية لما لقيت الحل ؟؟؟؟؟؟؟؟؟
اقسم بالله العظيم حطيت 4 معالق بودرة ملح الليمون في مياة القربة من بالليل وسبتهم لتاني يوم الصبح ودورت العربية 10 دقايق وبطلتها وفرغت المية وحطيت مية نضيفة
واتحلت كل المشااااااااااااااااااااا اااكل ب 2 جنية بس
شكرا
طارق اسيوط
01008331244

**belladona** · 09-04-2012 08:12 PM

سؤاال بس المتور بتاع حضرتك فورد وانت شيري حضرك مرخص المتور داا ؟؟ شكرا

**Ahmed_Ramadan** · 09-04-2012 08:19 PM

أنا مش فاهم حاجة ؟؟!!

**mada3030** · 10-04-2012 02:32 PM

ولا انا يعنى دا عمل كانه بلوك سيل وقفل كل الخلوصات المهربه
ومعنى كده ان انت كان الجوان عندك بيهرب والماده دى سدت التهريب دا لو هيا بتسد فعلا بس خلى بالك دا حل موقت

**tarekjwal** · 10-04-2012 04:45 PM

اولا الشيري موتورها الطبيعي هو هو فورد اسكورت بس انجكشن
ثانيا اللي انا حطيتة دة بديل لتسليك الرادياتير بالطريقة التقليدية اللي هي الفك والتسليك بمية النار وتحط فية سيخ علشان لوفي سدد
علي فكرة ملح الليمون مادة قلوية قدرتها عالية علي ازالة الصدأ وبتتحط علي اي حاجة المونيوم او حديد بتعملة عملية جلي وتنظيف لكن علي الرادياتير النحاس مش عارف علشان ماجربتش
شكرا
طارق اسيوط

**فادى محمد** · 10-04-2012 05:59 PM

عملت نفس تجربه حضرتك بس باستخدام خل خام (الخل اللي بيستخدم في المطبخ بس تركيز عالي قوي) وميه الدوره نزلت سودااااااااا من الصدا ,ملح الليمون نفس تاثير الخل المركز.