الموضوع: تقرير عن تغيير البوجيهات للالتو

المشاركة الأصلية كتبت بواسطة elkomyalto

السلام عليكم ورحمة الله وبركاته

الحمد لله تم تغيير البوجيهات بعد 60000 الف كيلو
وكما قلنا ان البوجيهات الفبريكه من الصعب تعويضها ولكن
المفروض تتغير بعد لا يزيد عن 40000 وايضا حسب حالة العربيه

المهم ان تجيب البوجيهات الاصليه لان هناك مضروب فى السوق كتير
وايضا تراعى المقاس والرقم بتاعه

الادوات التى تستخدم هى بسيطه عباره عن مفتاح بوجيهات سن 16

ودى صورة مكان البوجيهات فى العربيه

[img] uploaded with imageshack.us[/img]



يراعى ان البوجيه الثالث بيكون تحت الفلتر فممكن ان نحتاج الى فك العمه بتاع الفلتر

واليكم صورة البوجيهات القديمه الفبريكه بعد فكها

[img] uploaded with imageshack.us[/img]

وهذه صوره اخرى

[img] uploaded with imageshack.us[/img]




طبعا كما ترون انها محروقه تماما

.................................................. ..........................*

والان اليكم شكل ونوع البوجيهات الجديده
وهى نوعها ngk ومقاسها dcpr7e

مع الصور .......










بعض الملاحظات ::

الاحتفاظ بالبوجيهات القديمه لامكانية استخدامها مره اخرى عند الحاجه بعد تنظيفها

كما يجب تجريب العربيه بعد تغيير البوجيهات حتى ترى انها لا تقطع ولا يوجد بها ذبذبه فى الصوت

طبعا الواحد حس بالفرق بين البوجيهات القديمه والجديده بتحس ان العربيه فاقت

انتظرونى فى التقارير القادمه
واليكم تحياتى

تسلم ايديك عالتقرير ياباشا

في ملاحظات عندي سريعه:

1- البوجيهات اللي كانت راكبه دي مش بوجيهات الفبريكا
دي ديتسو وبجيهات الفبريكا ان جي كي...

2- هل ظبطت الخلوص بتاع البوجيهات الجديده قبل ما تحطهم ولا حطيتهم على طول؟؟؟ لانهم بيتباعو مش مظبوطين والمفروض يتظبطو على حسب الكتالوج عندك من 0.8 ل 0.9 والافضل على 0.85 ملم

طبعا الظبط ده عن طريق ما يعرف بالفيلر وده اداة بتتباع في التوفيقيه لا تتعدى تمنها ال10 جنيه

3-الحقيقه انا لو مكانك كنت قبل ما اطلع القدام كنت هنظف البوابه بمنظف عشان الوساخه تنزل عليهم وبعدين اطلعهم واحط الجداد على مية بيضا..

تنظيف البوابه له تأثير ايجابي جدا على نعومة الماتور واداء افضل بكتير كمان...

4- بوجيهات الان جي كي اللي انت جبتهم دول المفروض يقعدو 100 ألف كيلو وانت كل اللي ممكن تعمله انك تطلعهم كل 10 آلاف كيلو تنظفهم وتظبط الخلوص وتنزلهم تاني ومش هيفتحو بقهم ان شاء الله وعلى ضمانتي
ههههههههههههههههه

5- لون البوجيهات طالع مش طبيعي خالص!!
يعني الحرق ده غالبا نتيجه فلتر هوا مسدود جدا جدا او مردوم فعليا وكان لابد تغييره والحمد لله انك غيرت
لان اللون الاسود ده معناته حرق خليط غير متوازن من الهوا والبنزين وبالعكس الخليط ده غني بالبنزين
بس برضو واضح جدا ان الخلوص بتاعهم واسع جدا وواضح ان اللي كان بيستخدمها وحط الدينسو دول ملوش فيها يا عم الحج

ههههههههههههههههههههههه

5- نصيحتي ليك حاليا من انطباعي ومن مما ذكر اعلاه...
هات منظف رشاشات من اللي بيتحط عالتفويله وحطه عشان رواسب الكربون الاسود القديمه دي ويا سلام لو ده قريب من معاد تغيير الزيت هتدعيلي وانصحك بنوع مصري رابيدو او سبيد اكس وده لا يتعدى تمنه ال10 جنيها وبيتباع في كارفور

ثانيا
طلع البوجيهات دي واظبط خلوصها كما ذكر وهتلاحظ فرق في السحب بسبب قوة الشراره الصادره من الخلوص المقرب

ثالثا
اهتم بنضافة فلتر الهوا بحد اقصى 5 آلاف كيلو متر


وطبعا انا في الخدمه لو محتاج مساعده في اقرب وقت اكون موجود معاك باذن الله


تحياتي للجميع ودمت بود

المشاركة الأصلية كتبت بواسطة elkomyalto

حزووووووووووووووم ربنا ما يحرمنى منك يا باشا
والف شكر على الملاحظات المهمه

فعلا البوجيهات التى كانت فيها اسمها دينسو بس برضوا يابانى ونفس المقاس

بس مش عارف هل هى كويسه ولا الان جى كى

بعدين فى واحد قالى حاول تحط مره بنزين 95 علشان ينظفلك العربيه
الكلام ده صح

ولا يمت للصجه بأي صلة

التنظيف له ادواته
فبلاش اي كلام
وال 95 مش ببلاش على فكره
هههههههههههههههههه
تشتري منظف ارخص وأكفأ
وبالمناسبه
البنزين مش بيعدي عالبوابه كمقال بسيط دي متتنظفش الا بمنظف الكربيراتير
وحساس الهوا برضو

فسيبك من العك وخليك في الاصلي


الدينسو ماركة محترمة يابانيه لا غبار عليها بس الان جي كي احسن في رأيي


تحياتي