الموضوع: نقاش عن العفشه..

السلام عليكم ورحمه الله وبركاته

ازيكم يا اعضاء نايل موتورز انا عندي موضوع كده اتمنى كل الاعضاء تشارك فيه بخبراتها ياريت كلنا نستفيد من بعض

ببساطه ان كل واحد يدخل يذكر العربيات الي ركبها وكان بيغير عفشتها كل كام الف كيلو


لاني بسراحه حاسس اني مش طبيعي مش عارف ليه


انا كان معايا نيو اكسنت العربيه كملت اول 50 الف كيلو في سنه كنت مغير ال اربع مساعدين والاربع سوست وكل التيش والبارات بس المقصات لا كل الناس قالتلي الرقم ده قليل اوي وانت مبهدل العربيه وهاينها وحرام قولت مش مشكله قعدت 50 الف كيلو كمان في سنه كانت العفشه متغيره برضو كلها بس بزياده المقصات مش عارف العيب مني ولا من الطرق ولا هل في طريقه ممكن الواحد يعملها

وقعدت بيها لحد 150 الف كيلو وبرضو روحت مغير المساعدين والتيش والبارات مع اني قعدت بيهم سنتين مش سنه ال 50 الف دول وبعت العربيه والعربيه كانت عفشتها واقفه بس هي كانت مسستمه نفسها كل 50 الف كيلو الاقي المساعدين بقوا على الارض ووالدي عايش في الامارات وهو الي كان بيجيب لي الحاجات كلها اتجنن بقى يقولي الناس هنا بتضحك وتتريق عليا ميعرفوش ايه اللي انا جايبه ده كل سنه الحاجات دي يبني معمره مش بتتغير


والغريب ان ليا صديق تاني معاه نيو اكسنت برضو عفشتها كانت بتتهان وبيغير لها الحاجات دي

مع اني في مره سوقت نيو اكسنت ماشيه 50 الف كيلو في معرض كانت عفشتها مش زيرو كانت احسن من الزيرو

جبت النترا 2005 كانت جايه جوز المساعدين اليمين معقولين والشمال كويسين كانت عايزه جلب
قعدت معايا سنه عملت بيها 30 الف كيلو كانت العفشه كلها على الارض وغيرت كل ح0اجه مساعدين كبالن مقصات جلب تيش كل الي نفسها فيه غيرته ومقعدتش شهر واحد وفجاه اخدت نقره العربيه قعدت تشخلل تاني


ودلوقتي معايا صني والله ما قعدت 3 شهور وحاسس اني هغيرلها العفشه كلها قريب مع اني واخدها يوزد مفيهاش الهوا


انا مش عارف العيب منين مني ولا من الطرق بس انا اعمل ايه انا لا بجري ولا بحرق مشيي كله في الطبيعي بس الطرق كلها نقر مفصلات حفرات مستخبيه بنفس لون الطريق

هل للدرجه دي النقره في البلد دي ممكن تبوز مساعد جديد


اتمنى الكل يشاركني بخبرته واراؤه في الموضوع ده ياجماعه