سؤال بالنسبه لتغيير تيل فرامل الجيل التامن ارجو ا لافاده من الجميع

مساء الخير ياجماعه
بافكر جديا اغير تيل الفرامل الامامي خارج التوكيل نظرا لعدم الرضا الكامل عن فرامل الفابريقه ( نظرا لاني باجري زياده شويه و عايز حاجه توقفها اسرع )

و بعد بحث بالتعاون مع صديقنا العزيز مصطفى كامل تم تحديد نوعين للاختيار:

1-EBC الاخضر وهو غير متوافر و غالي التمن حوالي 900 جنيه و تفضل زميلنا يوكو بالاستعداد في المعاونه في استيراده

2-Hawk الازرق امريكي و يباع عند عادل وجدي ب 650 جنيه مقارب تكلفة التوكيل و تم التأكد انه اعلى كفاءه من الاصلي و تم تجربته من قبل في السيفيك حسب كلامهم و تأكيدهم انه بيحسن اداء الفرامل

تفتكروا رأيكم ايه هل ده هيجيب نتيجه

و ياريت وحوش الجيل التامن لو كان حد جرب تيل معين غير بتاع التوكيل يقول لنا عن انطباعه

و سؤال لسمسم دلوقت انا اتأكدت ان فرامل الجيل التاسع احسن من الجيل التامن طب ايه الفرق؟
هل تم اضافة نظام للفرامل ولا هم عدلوا بس في خامات التيل او الطنابير فلو كده الواحد يجيب تيل 2012

هو هيحسن معك الفرامل بس مش بالصورة الكبيرة اللى هتكون مرضيه عموماً طلما التيل الـ Hawk سعره قريب من الاصلى يبقى جربه وشوف هترتاح معه ولا لأ

مع انى افضل عشان تحس بفرق و لو الميزانية تسمح تجيب طنبورتين وتيل امامى رياضى EBC

كلام مظبوط و الميزانيه هنا هي اللي هاتحكم
ميزانيه معقوله يبقي خش EBC ROTOR قدام و التيل الاحمر و را و قدام
لو الميزانيه مخرمه خرمين تلاته يبقي الروتور مع التيل الاخضر سيريز ٣٠٠٠ (بس بلاش التاني ده لان لك الناس بتشتكي من صوته)
انما لو الميزانيه بقت مصفه يبقي هوك HB418Z.646 ابو علبه زرقا و ده الافضل للعربيات الغير معدله
و للاسف انت قلت انك مش لاقي الاحمر و الاصفز (و موضوع توافرهم ده قصه تانيه)
و الهوك ده شغال برده (تحسن نسبي علي السرعات العاليه و الواطيه احسن من الستوك شويه و low dust ,low noise)

بس لو تفتكر يا استاذ هاني انا مشكلتي ما كانتش مع فرامل العربيه الستوك. انا متكيف معاها علي كده
انا كانت مشكلتي في الستوك هو الصووووووت بتاع الرجرجه علي السرعات العاليه لما الفرامل بتسخن اوي

اقتباس:

---

المشاركة الأصلية كتبت بواسطة hany63

مساء الخير ياجماعه
بافكر جديا اغير تيل الفرامل الامامي خارج التوكيل نظرا لعدم الرضا الكامل عن فرامل الفابريقه ( نظرا لاني باجري زياده شويه و عايز حاجه توقفها اسرع )

و بعد بحث بالتعاون مع صديقنا العزيز مصطفى كامل تم تحديد نوعين للاختيار:

1-ebc الاخضر وهو غير متوافر و غالي التمن حوالي 900 جنيه و تفضل زميلنا يوكو بالاستعداد في المعاونه في استيراده

2-hawk الازرق امريكي و يباع عند عادل وجدي ب 650 جنيه مقارب تكلفة التوكيل و تم التأكد انه اعلى كفاءه من الاصلي و تم تجربته من قبل في السيفيك حسب كلامهم و تأكيدهم انه بيحسن اداء الفرامل

تفتكروا رأيكم ايه هل ده هيجيب نتيجه

و ياريت وحوش الجيل التامن لو كان حد جرب تيل معين غير بتاع التوكيل يقول لنا عن انطباعه

و سؤال لسمسم دلوقت انا اتأكدت ان فرامل الجيل التاسع احسن من الجيل التامن طب ايه الفرق؟
هل تم اضافة نظام للفرامل ولا هم عدلوا بس في خامات التيل او الطنابير فلو كده الواحد يجيب تيل 2012

---

هانى باشا اخبارك اية يارب تكون بخير

هو فعلا فرامل الجيل التاسع احسن واشد من فرامل الجيل الثامن ودة بسبب :

1- وجود نظام معزز للفرامل بيقوى الفرامل لما تضغط عليها اكتر ودة فى الحالات الفجائية

2- الخامة والطنابير اتحسنوا عن الاول فبقت الفرامل اقوى دة غير انها مابقيتش بتسخن وبتصفر زى الاول

وفعلا نفس المقاس والتيل بتاع السيفيك 2010 هو بتاع 2012 بس زى ماقولت لحضرتك الاختلاف فقط فى الخامات + نظام تعزيز الفرامل عند الكبح المفاجىء

اقتباس:

---

المشاركة الأصلية كتبت بواسطة semsem kane

هانى باشا اخبارك اية يارب تكون بخير

هو فعلا فرامل الجيل التاسع احسن واشد من فرامل الجيل الثامن ودة بسبب :

1- وجود نظام معزز للفرامل بيقوى الفرامل لما تضغط عليها اكتر ودة فى الحالات الفجائية

2- الخامة والطنابير اتحسنوا عن الاول فبقت الفرامل اقوى دة غير انها مابقيتش بتسخن وبتصفر زى الاول

وفعلا نفس المقاس والتيل بتاع السيفيك 2010 هو بتاع 2012 بس زى ماقولت لحضرتك الاختلاف فقط فى الخامات + نظام تعزيز الفرامل عند الكبح المفاجىء

---

انا بخير طول مانت بخير
يعني الواحد لو راح التوكيل و يقول ركبوا لي من تيل 2012 الدنيا هتتحسن؟ ولا هيحطوا القديم برضه؟
وهل فيه اختلاف في البارت نمبر بين تيول 2010 و 2012 ؟
ولا نجرب الهاوك بتاع عادل وجدي؟

اقتباس:

---

المشاركة الأصلية كتبت بواسطة hany63

انا بخير طول مانت بخير
يعني الواحد لو راح التوكيل و يقول ركبوا لي من تيل 2012 الدنيا هتتحسن؟ ولا هيحطوا القديم برضه؟
وهل فيه اختلاف في البارت نمبر بين تيول 2010 و 2012 ؟
ولا نجرب الهاوك بتاع عادل وجدي؟

---

+111111111

ايه ياجماعه محدش من ملاك الجيل التامن غير التيل قبل كده سواء في التوكيل او بره؟

ايه ياجماعه الموضوع من امبارح و مافيش غير اتنين اللي ردوا
طب زعلان منكم زعل الشهور (بلاش السنين عشان دي تبع احمد)
ده الموضوع لو كان في قسم نيسان كان زمان السيرفر هنج

ما احنا لسه ما غيرناش يا استاذ هاني زي ما انت عارف
بس ات ما قلتلناش التيل عندك فاضله كام كيلو تقريبا؟
يعني مستعجل علي القرار و لا ممكن يستني شويه؟

اقتباس:

---

المشاركة الأصلية كتبت بواسطة hany63

ايه ياجماعه الموضوع من امبارح و مافيش غير اتنين اللي ردوا
طب زعلان منكم زعل الشهور (بلاش السنين عشان دي تبع احمد)
ده الموضوع لو كان في قسم نيسان كان زمان السيرفر هنج

---

اتمنى مكون من ضمن القائمة السوده اللى هتزعل منها
انا على قدى ولست من ملاك الجيل التامن ( ربنا يكرم )

على العموم متهيألى اكتر واحد هيقدر يفيدك هيثم كمال
لأنوا العربية كانت معاه من الزيرو برضوا بس من 2007
بس هو دخولو بقى قليل شوية اليومين دول

اقتباس:

---

المشاركة الأصلية كتبت بواسطة moustafa_kamel

ما احنا لسه ما غيرناش يا استاذ هاني زي ما انت عارف
بس ات ما قلتلناش التيل عندك فاضله كام كيلو تقريبا؟
يعني مستعجل علي القرار و لا ممكن يستني شويه؟

---

العلم عند الله انا عامل 25000 كم فمتهيألي على وشك

اقتباس:

---

المشاركة الأصلية كتبت بواسطة hamdymsr

اتمنى مكون من ضمن القائمة السوده اللى هتزعل منها
انا على قدى ولست من ملاك الجيل التامن ( ربنا يكرم )

على العموم متهيألى اكتر واحد هيقدر يفيدك هيثم كمال
لأنوا العربية كانت معاه من الزيرو برضوا بس من 2007
بس هو دخولو بقى قليل شوية اليومين دول

---

زعل ايه راجل هي الناس الحلوه يتزعل منها برضه انا كنت بانكوشكوا بس
وفعلا اكتر اتنين هيفيدوا استاذ هيثم و استاذ احمد سامي اللي بشوفه في كل الاقسام ماعدا قسم هوندا وبقترح نغير الاسم و نسمي نفسنا بي ام عشان يرجعلنا

اقتباس:

---

المشاركة الأصلية كتبت بواسطة hany63

العلم عند الله انا عامل 25000 كم فمتهيألي على وشك

---

اوبا

طيب ما تركب ال هوك و تعملنا تقرير :Ob_mak1[1]:
الحق اجري انا بقا :7_6_5v[1]:

اقتباس:

---

المشاركة الأصلية كتبت بواسطة Moustafa_Kamel

اوبا

طيب ما تركب ال هوك و تعملنا تقرير :Ob_mak1[1]:
الحق اجري انا بقا :7_6_5v[1]:

---

طبعا ياباشا الجري نص الجدعنه الظاهر هاضحي بنفسي في سبيل العصابه :angry26:
على العموم انا كنت رايح اركب الهاوك بعد العيد بس قلت نطرح الموضوع عشان لو كان حد جربها قبل كده او يتقال رأي تاني و اهو الكل يستفيد
واظن جالك كلامي بخصوص الموضوع اللي اقترحت عليا نعمله و انا مارضيتش كان زماننا اتنقطنا :angry26:

اقتباس:

---

المشاركة الأصلية كتبت بواسطة hany63

طبعا ياباشا الجري نص الجدعنه الظاهر هاضحي بنفسي في سبيل العصابه :angry26:
على العموم انا كنت رايح اركب الهاوك بعد العيد بس قلت نطرح الموضوع عشان لو كان حد جربها قبل كده او يتقال رأي تاني و اهو الكل يستفيد
واظن جالك كلامي بخصوص الموضوع اللي اقترحت عليا نعمله و انا مارضيتش كان زماننا اتنقطنا :angry26:

---

هههههههه
يلا ولا يهمك.و عموما عيد سعيد
بس تركبه بعد العيد علي طول علشان تلحق تجربه و تقولنا علي النتيجه قبل ما ارجع:049: :44:

حضرتك الي ركبو ebc في اقسام تانيه زي فيات ورينوبيشكرو فيه جدا فاعتقد هيبقى نفس الكلام في هوندا على اعتبار خامه التيل واحده بس في ناس كانت بتشتكي انه بيصفر وبيحتاج يتنضف كل شويه

اقتباس:

---

المشاركة الأصلية كتبت بواسطة HISHAM80

حضرتك الي ركبو ebc في اقسام تانيه زي فيات ورينوبيشكرو فيه جدا فاعتقد هيبقى نفس الكلام في هوندا على اعتبار خامه التيل واحده بس في ناس كانت بتشتكي انه بيصفر وبيحتاج يتنضف كل شويه

---

ما هي دي مشكلتي الاساسيه معاه و ده اكيد التيل الاخضر
ده غير لو ركبت الروتور ال EBC اسمع احلي اصوات لما تفرمل علي سرعه عاليه
علشان كده مهم برده انه يبقي low noise
و عموما كل ال EBC فيه نسبه معدن و نسبه الياف علشان كده بيصفر علي السرعات الواطيه (اقل من ٣٠ لغايه ما العربيه تقف)و ممكن ياكل الديسكات الاصليه اسرع
(ما عدا نوع او نوعين من الاحمر و نوع الاصفر علي ما اعتقد هما اللي ما فيهومش اي نسبه معدن نوهائي

علشان كده انا شايف ان الهوك كقيمه مقابل المال كويس لان الراتينج بتاعه في كل حاجه مقبول الا لو كنت ناوي علي التيل الاحمر :ma:)

هانى ياشا ، باعتذر عن التاخير فى الرد بس انا كنت فى شرم ومدخلتش على المنتدى من اول امبارح، بص يا باشا عن تجربة نوع التيل مش هيفرق معاك فى الفرامل كتير زى ما انت متوقع ، المشكلة فى العربية دى على ما اعتقد هو التايمينج بتاع ال اي بى اس مش فى نوع التيل ، اعتقد انك هتفهم كلامى لانك راكب العربية وجربت فراملها المفاجئة ، بمعنى اصح انك لو ماشى بالعربية ودوست الفرامل للحد اللى ميشتغلش معاه ال اي بى اس هتلاقى الفرامل افضل بمراحل .

اقتباس:

---

المشاركة الأصلية كتبت بواسطة haythamkmal

هانى ياشا ، باعتذر عن التاخير فى الرد بس انا كنت فى شرم ومدخلتش على المنتدى من اول امبارح، بص يا باشا عن تجربة نوع التيل مش هيفرق معاك فى الفرامل كتير زى ما انت متوقع ، المشكلة فى العربية دى على ما اعتقد هو التايمينج بتاع ال اي بى اس مش فى نوع التيل ، اعتقد انك هتفهم كلامى لانك راكب العربية وجربت فراملها المفاجئة ، بمعنى اصح انك لو ماشى بالعربية ودوست الفرامل للحد اللى ميشتغلش معاه ال اي بى اس هتلاقى الفرامل افضل بمراحل .

---

نورت الموضوع و الله يا استاذ هيثم عشان تحط النقط على الحروف
طبعا انا فاهم كويس قصدك وبعمل كده بس ليا ملاحظتين تانيين لما بكون ماشي في الزحمه (سنه سنه) وبدوس درجه خفيفه العربيه ما بتهديش اصلا فلازم ادوس حته كمان ولو عايز اوقفها بسرعه حتى وانا ماشي بطيء لازم اوصل للمنطقه اللي فيها الفرامل بتحجر!!! فقلت يمكن نوع التيل يحسن النقطه ديه

الملاحظه التانيه اللي هي الرجرجه لما الواحد يدوس فرامل بعد ال 120 وقلنا ان ده بسبب ان الطنابير بتسخن فيمكن يكون التيل الغالي يفرق برضه

اقتباس:

---

المشاركة الأصلية كتبت بواسطة hany63

نورت الموضوع و الله يا استاذ هيثم عشان تحط النقط على الحروف
طبعا انا فاهم كويس قصدك وبعمل كده بس ليا ملاحظتين تانيين لما بكون ماشي في الزحمه (سنه سنه) وبدوس درجه خفيفه العربيه ما بتهديش اصلا فلازم ادوس حته كمان ولو عايز اوقفها بسرعه حتى وانا ماشي بطيء لازم اوصل للمنطقه اللي فيها الفرامل بتحجر!!! فقلت يمكن نوع التيل يحسن النقطه ديه

الملاحظه التانيه اللي هي الرجرجه لما الواحد يدوس فرامل بعد ال 120 وقلنا ان ده بسبب ان الطنابير بتسخن فيمكن يكون التيل الغالي يفرق برضه

---

على حد معلوماتى البسيطة بالنسبة لموضوع الرجرجة على 120
حضرتك لازم تروح التوكيل تخليهم يكشفوا على الطنابير
لأن معنى الرجرجة ان الطنابير مريجة ...
ولو فيها مشكلة لازم تتغير على حساب الضمان

اقتباس:

---

المشاركة الأصلية كتبت بواسطة hamdymsr

على حد معلوماتى البسيطة بالنسبة لموضوع الرجرجة على 120
حضرتك لازم تروح التوكيل تخليهم يكشفوا على الطنابير
لأن معنى الرجرجة ان الطنابير مريجة ...
ولو فيها مشكلة لازم تتغير على حساب الضمان

---

هي مش رجرجه فعليه يا استاذ حمدي
هي صوت عامل زي صوت الرجرجه و انا برده عندي نفس الموضوع و كشفت في التوكيل و كل حاجه سليمه
الصوت بيجي لما الفرامل بتسخن اوي يعني في السواقه العاديه حتي لو علي سرعه عاليه و فرملت اول مرتين تلاته بيبقي تمام
اول ما تسخن خد عندك

السلام عليكم
أنا كنت حابب أقول لحضرتك مشواري مع فرامل عربيتي سيفيك 2008 و الوكيل .
انا أشتريت العربية في 2008 زيرو و فضلت ماشيا معايا بفرملها الأصلية لحااد 30.000 كيلو و بعدين أشتكيت في الصيانة من الرعشة بعد 120 ك م فقاللولي غير التيل الأمامي و نسنفر الطنابير و عملت ده كلو في الصيانة . بعديها ماشي بالتيل الجديد ولا حاسس بتغيير في قوة الفرامل عن الأصلي الي مشيت بيه 30 الأف كيلو. المهم عملت بالعربية 40.000 كيلو و روحت التوكيل علشان الصيانة جم يقلولي التيل ألأمامي عايز تغيير لازم قلتلهم أزاى اشتري التيل ب 660 ج و اغيرةلاكل 10.000 كيلو يقولولي هيا العربية دي استهلكها عالي علي الفرامل . المهم قررت اني اغير التيل خارج التوكيل , فرحت عند محل مجدي الدسوقي في الحرفيين لقيت عنده نوع فرامل remsa قولت اجربها بما انها تصنىع اوروبى و تمنها 330 ج . و أنا بركبها لاحظت انها اتخن من التيل الي راكب في العربية علشان كدة في التركيب ملهاش backplate .
انا لسا مجربتش التيل علي سرعة اعلي من 100 كيلو و لكن بيمسك أفضل من الأصلي في السرعات القليلة و أنشاء الله لمل أجربه فوق ال 120 ك/م هقولك ايه الوضع . أسف للأطالة و شكرا

اقتباس:

---

المشاركة الأصلية كتبت بواسطة manicguy

السلام عليكم
أنا كنت حابب أقول لحضرتك مشواري مع فرامل عربيتي سيفيك 2008 و الوكيل .
انا أشتريت العربية في 2008 زيرو و فضلت ماشيا معايا بفرملها الأصلية لحااد 30.000 كيلو و بعدين أشتكيت في الصيانة من الرعشة بعد 120 ك م فقاللولي غير التيل الأمامي و نسنفر الطنابير و عملت ده كلو في الصيانة . بعديها ماشي بالتيل الجديد ولا حاسس بتغيير في قوة الفرامل عن الأصلي الي مشيت بيه 30 الأف كيلو. المهم عملت بالعربية 40.000 كيلو و روحت التوكيل علشان الصيانة جم يقلولي التيل ألأمامي عايز تغيير لازم قلتلهم أزاى اشتري التيل ب 660 ج و اغيرةلاكل 10.000 كيلو يقولولي هيا العربية دي استهلكها عالي علي الفرامل . المهم قررت اني اغير التيل خارج التوكيل , فرحت عند محل مجدي الدسوقي في الحرفيين لقيت عنده نوع فرامل remsa قولت اجربها بما انها تصنىع اوروبى و تمنها 330 ج . و أنا بركبها لاحظت انها اتخن من التيل الي راكب في العربية علشان كدة في التركيب ملهاش backplate .
انا لسا مجربتش التيل علي سرعة اعلي من 100 كيلو و لكن بيمسك أفضل من الأصلي في السرعات القليلة و إن شاء الله لمل أجربه فوق ال 120 ك/م هقولك ايه الوضع . أسف للأطالة و شكرا

---

والله انا كنت بركب رمسا فى الميجان وكان ممتاز جدا
بس سمسم حزر من كام يوم كدة من الرمسا عشان مضروب اليومين دول
فا لو مجدى الدسوقى بيجيب الأصلى يبقى هو الحل

انا بقى جبت تيل من مجدى الدسوقى اسمه نيسن الجمد لله بوظلى الطنابير ومقعدش 10الاف كيلو والرمسا دا مش بتاع الجيل التامن دا بتاع ال 97 بس بيركب على الجيل التامن لكن بيبقى اعلى منه شوية لازم تشيل منه جزء عشان يركب المهم غيرت الطنابير والتيل لاصليين توكيل وطبعا الحمد لله فرق كبير جدا وكمان غيرت زيت الفرامل كله وعايز اقولك يا استاذ هانى ان اللى بتحسه مع التيل انه بياخر فى المسك لما تكون ماشى سنة سنة دا فى كل السيفيك لازم تدوس اكتر شوية ولما تكون على سرعة لازم تظبط رجلك على دوسة ان ال ايه بى اس ميشتغلش لغاية عندها دا هو افضل مسك للفرامل ونصيحة منى متغيرش اى نوع غير الاصلى بتاعها لانه هيبوظلك الطنابير بسرعه جدا وكمان اطمن على التيل اللى ورا انه دايما يكون مش متاكل كتير لان ده ليه عامل كبير جدا فى قوة المسك ع البطئ

هوا كان مكتوب علي العلبة انه ينفع هوندا أكورد / أكورا xl

اقتباس:

---

المشاركة الأصلية كتبت بواسطة manicguy

السلام عليكم
أنا كنت حابب أقول لحضرتك مشواري مع فرامل عربيتي سيفيك 2008 و الوكيل .
انا أشتريت العربية في 2008 زيرو و فضلت ماشيا معايا بفرملها الأصلية لحااد 30.000 كيلو و بعدين أشتكيت في الصيانة من الرعشة بعد 120 ك م فقاللولي غير التيل الأمامي و نسنفر الطنابير و عملت ده كلو في الصيانة . بعديها ماشي بالتيل الجديد ولا حاسس بتغيير في قوة الفرامل عن الأصلي الي مشيت بيه 30 الأف كيلو. المهم عملت بالعربية 40.000 كيلو و روحت التوكيل علشان الصيانة جم يقلولي التيل ألأمامي عايز تغيير لازم قلتلهم أزاى اشتري التيل ب 660 ج و اغيرةلاكل 10.000 كيلو يقولولي هيا العربية دي استهلكها عالي علي الفرامل . المهم قررت اني اغير التيل خارج التوكيل , فرحت عند محل مجدي الدسوقي في الحرفيين لقيت عنده نوع فرامل remsa قولت اجربها بما انها تصنىع اوروبى و تمنها 330 ج . و أنا بركبها لاحظت انها اتخن من التيل الي راكب في العربية علشان كدة في التركيب ملهاش backplate .
انا لسا مجربتش التيل علي سرعة اعلي من 100 كيلو و لكن بيمسك أفضل من الأصلي في السرعات القليلة و إن شاء الله لمل أجربه فوق ال 120 ك/م هقولك ايه الوضع . أسف للأطالة و شكرا

---

يعني ايه بعد اذنك ما فيش backplate وانه اتخن من الاصلي وركب ازاي ياريت شرح بالتفصيل الممل وياسلام لو حضرتك قريب من مصر الجديده عشان تجرب عربيتي و تشوف الموضوع فارق ولا لأ
وواضح ان سيادتك مغير قريب بدليل انك لسه ماجبتش سرعة 100 او حضرتك سواقتك هاديه
وعلى فكره فعلا السيفيك بيتركبلها تيل الاكورد زي ما يوكو قال لي

اقتباس:

---

المشاركة الأصلية كتبت بواسطة hosammoner

انا بقى جبت تيل من مجدى الدسوقى اسمه نيسن الجمد لله بوظلى الطنابير ومقعدش 10الاف كيلو والرمسا دا مش بتاع الجيل التامن دا بتاع ال 97 بس بيركب على الجيل التامن لكن بيبقى اعلى منه شوية لازم تشيل منه جزء عشان يركب المهم غيرت الطنابير والتيل لاصليين توكيل وطبعا الحمد لله فرق كبير جدا وكمان غيرت زيت الفرامل كله وعايز اقولك يا استاذ هانى ان اللى بتحسه مع التيل انه بياخر فى المسك لما تكون ماشى سنة سنة دا فى كل السيفيك لازم تدوس اكتر شوية ولما تكون على سرعة لازم تظبط رجلك على دوسة ان ال ايه بى اس ميشتغلش لغاية عندها دا هو افضل مسك للفرامل ونصيحة منى متغيرش اى نوع غير الاصلى بتاعها لانه هيبوظلك الطنابير بسرعه جدا وكمان اطمن على التيل اللى ورا انه دايما يكون مش متاكل كتير لان ده ليه عامل كبير جدا فى قوة المسك ع البطئ

---

برافو عليك انا لسه باصص على الخلفي من فتحات الجنط لقيته قرب يخلص بعكس الامامي اللي لسه تخانته كويسه فغالبا هاركب الخلفي قبل الامامي توكيل و بعدين نشوف موضوع الامامي بناء على التجربه
وياجماعه خلوا بالكم ان ساعات الخلفي بيتاكل اسرع خصوصا لو العربيه فيها vsa

اقتباس:

---

المشاركة الأصلية كتبت بواسطة hany63

يعني ايه بعد اذنك ما فيش backplate وانه اتخن من الاصلي وركب ازاي ياريت شرح بالتفصيل الممل وياسلام لو حضرتك قريب من مصر الجديده عشان تجرب عربيتي و تشوف الموضوع فارق ولا لأ
وواضح ان سيادتك مغير قريب بدليل انك لسه ماجبتش سرعة 100 او حضرتك سواقتك هاديه
وعلى فكره فعلا السيفيك بيتركبلها تيل الاكورد زي ما يوكو قال لي

---

بص يا باشا التيل الأصلي ليه زي حديدة رفيعة سمكها نصف سنتيمتر بتركب ورا التيل علشان يثبت و لكن التيل ال remsa تقريبا علشان مش بتعها فالديزين بتاع التيل بيثبت من غير الباكبليت و لكن معوضوه في تخانت التيل
أنا ساكن في م.نصر لو تحب نتقابل علشان تجرب الفرامل بنفسك, أنا معنديش مانع لأني مابجريش بالعربية كتير و فعلا التيل مكملش اسبوع من تركيبة و انا تحت أمرك

اقتباس:

---

المشاركة الأصلية كتبت بواسطة manicguy

هوا كان مكتوب علي العلبة انه ينفع هوندا أكورد / أكورا xl

---

هوا فعلا للاكورد وانا اللى كتبت 97 غلط وبالنسة للتيل الخلفى لما يتغير هتلاقى فرق كبير ان شاء الله فى مسكة الفرامل

اقتباس:

---

المشاركة الأصلية كتبت بواسطة yalahwy2010

والله انا كنت بركب رمسا فى الميجان وكان ممتاز جدا
بس سمسم حزر من كام يوم كدة من الرمسا عشان مضروب اليومين دول
فا لو مجدى الدسوقى بيجيب الأصلى يبقى هو الحل

---

اقتباس:

---

المشاركة الأصلية كتبت بواسطة hosammoner

انا بقى جبت تيل من مجدى الدسوقى اسمه نيسن الجمد لله بوظلى الطنابير ومقعدش 10الاف كيلو

---

يا جماعة مجدى الدسوقى مش عارف ليه بقى للأسف بيجيب حاجات مضروبة ... أكتر من واحد اشترى منه حاجات زى تيل الفرامل كدة واكتشف انها سيئة .
عن نفسى كنت عاوز احط نيسن او رمسا زى اللى كان راكب عندى ... قالى رمسا مش موجود واقنعنى بنوع تانى جديد اسمه Lamda اغلى من الرمسا بس مش عاجبنى لان ادائه بيقل مع الحرارة .
وفيه ناس بردوا اشتكت من نيسن بعد ما اشتروه من عنده وحسوا انه مضروب ... فياريت تخلوا بالكم والاصلى فى الحالة دى هو الأئمن و الأفضل .