عرفت معلومة مهمة النهارده بالصدفة !!

**moh19227** · 10-04-2012 01:17 AM

عديت النهارده علي معرض جنبينا علشان عمي شاف عربيه هناك وعجباه -- جاك صيني -- تمنها 115 الف ووالدي بردو شافها معاه ومقتنعين بيها جدا
المهم قالولي ع العربيه قولتلهم لا وابن عمي بردو مش موافق , قالولنا طب عدوا علي المعرض بصوا بصه كده قلت خلاص اوك -- ابن عمي الصغير قالي ان في النترا هناك -- قلت في سري لما اروح اتفرج عليها
المهم عدينا ع المعرض وسالنا ع العربيه لقيناها اتباعت
وابص يمين شمال فين الالنترا يابني , راح صاحب المعرض صدمني وقالي لا في اكسنت بس
قلت خلاص اتفرج عليها
ركبت العربيه معجبتنيش اوي يعني كرسي السواق عالي ودماغي تقريبا لازقه في السقف مع ان طولي عادي
ابص علي تقفيل الابواب من جوه بردو مش قد كده
قولتله ممكن المفتاح علشان اتفرج علي العدادات وتوزيع اللمبات
قالي اتفضل رحت حاطط المفتاح ولفيته علشان اللمبات تنور مفيش
-- بقوله اللمبات مش شغاله ليه
-- قالي اصل احنا فاصلين فيوز السرعة
-- نعم وفاصلينه ليه ؟!!!!!!!!!!!!!!!
--علشان عداد الكيلو متر
-- ليه
-- علشان لما حد يجي يتفرج ع العربيه ميلقيش عداد الكيلو متر عالي

-- ودي تمنها كام
-- 103
-- اوك شكرااا سلام
-- سلام
انا كنت قريت من قريب هنا في المنتدي موضوع عن التوكيلات والمعارض اللي بتفصل عداد الكيلومتر للعربيات بتاعتها علشان الزبون -- المغلوب علي امره -- لما يجي يشتري يلاقي عداد الكيلومتر قليل ويبقي فرحان
انا لما قريت كده قولت يمكن دول قله معندهمش ضمير لكن بعد اللي شفته النهارده
الخلاصه لما تروح علشان تشتري عربيه زيرو متفرحش اوي لما تلاقي عداد الكيلومتر قليل علشان ممكن اوي العربيه تكون عملت كيلوووات كتير اوي والعداد بتاعها مفصول
وفي الاخر منقدرش نقول غير حسبي الله ونعم الوكيل في التوكيلات والمعارض اللي بتعمل الحركة دي

**moustafaa** · 10-04-2012 01:24 AM

ربنا يبارك فيك على المعلومه ده
بس هو العداد الايام ده مجرد فيوز وخلاص ؟ ولا ايه

**exact** · 10-04-2012 01:34 AM

شكرا للتنبيه

**Sehsss** · 10-04-2012 01:36 AM

شكرا على التنبيه، والواحد لازم فعلا يشتري من الوكيل أو موزع معتمد

**Kareem Fawzy** · 10-04-2012 02:49 AM

واحد صاحبى اشترى عربية زيرو من معرض فى مدينة نصر
حصله موقفين مش عايز اقولك لذاذ قد اية
1- العربية اتخبطت راح التوكيل قالوله حرام عليك يا باشا عربية زيرو وترشها
طبعاً انا وهو تنحنا ازاى والعربية فابريكا والكلام دة
2- الكاوتش اتخرم روحنا نكشف عليه لاقينا الفرده فيها 3 خوابير اية رأيكم بقا فى قلة الضمير

**me_medoo** · 10-04-2012 03:18 AM

حبيب قلبي انا كنت عامل موضوع كوميدي كدة. عن المهازل الي بتشوفها في المعارض وسوق السيارات على شكل قصة ههههههه. ياريت بتص عليه. هيعجبك وتحياتي
http://www.nilemotors.net/Nile/264395-a-11.html