الفيــــــــوم تستغيـــــث

**koshary** · 10-04-2012 08:23 AM

المشاركة الأصلية كتبت بواسطة me_medoo

شوفو لسه كنا بنتكلم في ايه ، قفلت الكمبيوتر طلعت اشوف الحادثة الي تحت بيتنا توك توكين. بيتمخطرو على الصبح وبيتمرقع قام دخل واحد فيهم في العربية الانسر بتاعت جرنا تحت الناس مسكت سواق التك تك وكل واحد نازل بالبيجاما على شلوت وبونيات انتا منين يابني انا من الفيوم ويافرحت الراجل صاحب العربية. بعربيتو الجديدة الي راكنه على جنب واتشلفطتت

ههههههههههه طيب تعمل ايه فى اللى اكصدامه اتكسر والفانوس اتكسر والشفة اللى تحت الفانوس انتهت والاسبويلر اتخلع هههههههههههه عيل ب مكنة فيومى برضو دخل فيها بس ده كان شارب ومدرمغ تمااااااااام ( للعلم عربية خالى لانسر 98 ) بس الحمد لله الواد راح المستشفى مطلعش الا بعد اسبوعين وصلح العربيه على حسابو

الا صحيح معلش سؤال سئيل هو حضرتك ساكن فين

**me_medoo** · 10-04-2012 08:23 AM

فمش بس الفيوم الي بتستغيث احنا الي واللهي بنستغيث ، خدو عيالكم الله يابرك لكم عندكم واحنا لو عاوزين بانزين هنبعتلكم بانزين وسولر لغايت عندكم بس متخليش حد من العيال دي يطلع بره الفيوم

**beckeryahia** · 10-04-2012 08:29 AM

المشاركة الأصلية كتبت بواسطة windofchange

بس سؤال يا بكري باشا حضرتك متأكد ازاي ان اصحاب البنزينة هما السبب فالازمة؟ وصحيح يرجالة فالقاهرة هنا ممنوع العامل بالبنزينة يديك بنزين في جركن 4 او 5 لتر ويقلك التموين وغرامة وحوارات كده...مع العلم في بنزينات بتدي بمزاجها

حضرتك اصحاب البنزينات بيشاركو في افتعال الازمة بكذا طريقة اولا انهم يحطو نص الحصة اللي جيالهم بس او يمتنعو غن استلام حصتهم خوفا علي البنزينة من التخريب , او يستلمو خصتهم كاملة ويمتنعو عن تموين العربيات لحد اما يبقي صف طويل عريض فية علي الاقل 100 عربية و100 موتوسيكل , او يسمحو بالجراكن انها تملي ودول طبعا بلطجية بياخدو البنزين يبيعوة ب 4 جنية اللتر , او يقولك البنزينة شطبت عند 70% ويبيع الباقي في السوق السوده

**me_medoo** · 10-04-2012 08:29 AM

حبيبي واللهي يا كشري ساكن في الشيخ زايد سابقاً ودلوقتي بقة اسمها الفيوم الجديدة على وزن القاهرة الجديدة ههههههههههه

**me_medoo** · 10-04-2012 08:31 AM

انا بلاحظ دلوقتي الميكروبصات بقو يحطو قف فوق الشبكة وعليه جركن بانزين قاااد كده معنا كده ان السوق السودة شغاله على ودنها

**koshary** · 10-04-2012 08:35 AM

المشاركة الأصلية كتبت بواسطة me_medoo

حبيبي واللهي يا كشري ساكن في الشيخ زايد سابقاً ودلوقتي بقة اسمها الفيوم الجديدة على وزن القاهرة الجديدة ههههههههههه

ياباشا فى الشيخ زايد ومبتاخدش بالك منى انا اصلا على طول فى الياسمين جمبك وبحب اجى زايد مخصوص علشان المنزل الخطير اللى عندكو ده كأنى فى دريم بارك باخدو 140 بحس بأحساس فظيييع بصراحه ( عيل انا صح ههههههههههههه ) انتا هتعرفنى من طريقة سواقتى اصلا تحس ان علاء ولى الدين سايق هاهاهاهاها الله يرحمه ويغفر للجميع

**koshary** · 10-04-2012 08:37 AM

المشاركة الأصلية كتبت بواسطة me_medoo

انا بلاحظ دلوقتي الميكروبصات بقو يحطو قف فوق الشبكة وعليه جركن بانزين قاااد كده معنا كده ان السوق السودة شغاله على ودنها

وكمان سواقين النص نقل ساعات باخد منهم بنزين فى الرماية عندنا

**beckeryahia** · 10-04-2012 08:38 AM

المشاركة الأصلية كتبت بواسطة koshary

ههههههههههه طيب تعمل ايه فى اللى اكصدامه اتكسر والفانوس اتكسر والشفة اللى تحت الفانوس انتهت والاسبويلر اتخلع هههههههههههه عيل ب مكنة فيومى برضو دخل فيها بس ده كان شارب ومدرمغ تمااااااااام ( للعلم عربية خالى لانسر 98 ) بس الحمد لله الواد راح المستشفى مطلعش الا بعد اسبوعين وصلح العربيه على حسابو

الا صحيح معلش سؤال سئيل هو حضرتك ساكن فين

يا جماعة المشكلة مش في الناس ولا هي منين , المشكلة ان معظم الناس دلوقتي بقت حاسة بالخوف وعدم الامان وعدم الاطمئنان للاخر , واللي بيدفع بالناس لده هو ضعف التعليم لدرجة متدنية جدا ختي للي معاهم شهادات عالية , وقلة الفلوس وقلة الدخل , انا ماعتقدش ان في حد بيتولد يتمني يبقي بلطجي او حرامي او حتي مدمن وبتاع مشاكل

**koshary** · 10-04-2012 08:40 AM

المشاركة الأصلية كتبت بواسطة beckeryahia

يا جماعة المشكلة مش في الناس ولا هي منين , المشكلة ان معظم الناس دلوقتي بقت حاسة بالخوف وعدم الامان وعدم الاطمئنان للاخر , واللي بيدفع بالناس لده هو ضعف التعليم لدرجة متدنية جدا ختي للي معاهم شهادات عالية , وقلة الفلوس وقلة الدخل , انا ماعتقدش ان في حد بيتولد يتمني يبقي بلطجي او حرامي او حتي مدمن وبتاع مشاكل

ربنا يهدى الجميع ياباشا والله الواحد بيحاول يعمل اللى عليه بس فى ناس مستفزه تلاقى الواحد من دول واقف قصادك وبيبلطج وتيجى تعمل توجب معاه تلاقيه فرفور فى الاخر

**beckeryahia** · 10-04-2012 08:48 AM

المشاركة الأصلية كتبت بواسطة me_medoo

ياخسارة عليكي يا فيوم .... فعلاً طول عمرها الفيوم ملهاش بخت ، رغم انها من اجمل بلدان مصر امبارح كنت في اكتوبر ومش عاوز اقلك علي عملينو. السواقين الفيومين فيها ، عمرك شفت ياباش واحد يقف في نص الاشارة واقف بيغسل النص نقل بتاعتو ههههههههه وفي اشهر ميدان فيها ميدان الحصري والي واقف يغير زيت لعربيتو في الاشاره الي جمبها ماظر انا كان نفسي بس اخود كام صورة كده وهيا الوحيدة الي تعبر عن الموضوع وكلمت واحد من السوقين وبقلوا انتو ليه كده بتعملو كده ليه قالي ياباشا البلد الي انتا مش فيها امشي وش........... فيها
كان زمان البشوات بس هما الي يروح الفيوم كل اسبوع من المناظر الطبيعيه الي هناك وبحيرة قارون والشللات دلوقتي الواحد بقه يخاف يهوب بس على الطريق علشان يروح لها
ربنا يكون في عونكم بجد لان قلة صغيرة من ناس منحرفة عملت سمعة للفيوم حلوة قوي في مصر ، وحضرتك انتا بتطالب الحكومة انها تدخل هتدخل ازاي الحكومة وهما اغلبهم كلهم كده قرايب في قلب بعض ، وكل ما اسئل حد يقلي الفيوم دي جمهورية كده لوحدها وعايشة كده مع نفسها ههههههههه. وتحياتي ليك ياباشا والله يكون في عونكم بجد بجد واحترامي لكل حبايبنا واصدقائنا في الفيوم

ياباشا انا سنة 2004 ايام الدراسة في الكلية كنت مابصدق الاسبوع يخلص علشان اخلص من هم القاهرة وقرفها وادور عربيتي واطيييييييييييييير علي الفيوم , كنت باخد الطريق من ميدان الجيزة لحد الرماية في ساعة ونص ومن الرماية للفيوم في ساعة الا ربع , والفيوم لحد وقت قريب سنة 2008 كان عمرها ما تبقي زحمة ابدا ولو حصل زحمة كان يا تبقي حادثة يا لجنة لحد ما جة المحافظ اللي قبل دا اللي غمل ارصفة في كل شوارع الفيوم بعرض 2 متر من كل شارع وجة اللي بعده ورخص 1700 تاكسي جديد دا غير كمية المكن الصيني والريسكلات اللي انا متأكد ان عددها في الفيوم يفوق عددها في جمهورية مصر