| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 45

  1. #1

    الصورة الرمزية Kareem Fawzy

    رقم العضوية : 81610

    تاريخ التسجيل : 30Sep2010

    المشاركات : 2,966

    النوع : ذكر

    الاقامة : مدينة نصر

    السيارة: لايوجد

    السيارة[2]: Hyundai Elantra 2007

    دراجة بخارية: لايوجد

    الحالة : Kareem Fawzy غير متواجد حالياً

    افتراضي تقرير مصور و مفصل وبالصور عن صيانة ال40000 الف كم لهيونداى النترا 2007 - Facebook Twitter whatsapp انشر الموضوع فى :

    hasad">



    النهاردة معادنا مع تقرير جديد من تقارير قسم العمالقة
    نجوم هيونداى



    تقرير صيانة ال 40,000 كم لهيونداى النترا 2007

    هو صحيح الصيانة اتأخرت شويتين يعنى عملتها على 46 الف وشوية بس على ما اتوفر معايا كاشات

    وكمان بردو التقرير اتأخر بس دة لظروف خارجة عن ارادتنا

    مبدئياً كدة ومن غير شتيمة
    قطع الغيار اللى اتفكت من العربية دى الفابريكا يعنى راكبة فى العربية بقالها 5 سنين
    وانا عرفت لية ما سدتش مع اشرف

    هههههههههههههههههه


    بداية اليوم كان يوم جمعة طلعت على التوفيقية وبعد لف كتيير قوى
    كنت بلف على قطع الغيار قطعة قطعة

    دخلت على ابراهيم البنا
    واشتريت منه فلتر الهواء اصلى ماركة موبيس ب 50 جنيه



    ودة الفلتر بعد ما فتحته



    واشتريت منه فلتر البنزين ب115 جنيه اصلى Genuine Parts



    ودة الفلتر نفسه بعد ما فتحته من العلبة




    وبعد كدة روحت اشتريت فلتر التكييف من واحد جوا المول اللى على الشمال بس مش فاكر اسم المحل جبت فلتر التكييف ب35 جنيه بس مش اصلى لانى سألت على الاصلى لاقيته ب180 جنيه طبعاً اغلى من فلتر البنزين فمشترتوش
    معلش يا جماعة مصورتش فلتر التكييف

    وجبت من عنده سير المجموعة ب55 جنيه كورى ماركة Domgil
    Made in Korea
    وتقريباً هو هو الاصلى بس جه من غير علبة




    وبعد كدة اشتريت جركن مياة خضراء اسبانى IADA
    ب30 جنيه




    واشتريت 3 كيلو زيت فتيس موبيل الكيلو ب28 جنيه يعنى الاجمالى كان 84 جنيه




    وبعد كدة سألت على البوجيهات لاقيت ان البوجيهات الngk ب55 جنيه
    والاصلى فى التوكيل اللى هى ngk بردو بس عليها Hyundai
    Genuine Parts ب65 جنيه
    ففضلت اشرتيها بصراحة
    لانه بيدينى ضمان عليها لو طلع البوجيه فيه رطوبة ولا حاجة فانا اشتريت ضمان 3 شهور او 5 الاف كيلو ب10 جنيه بس



    بعد كدة طلعت على مركز الخدمة روحت الساعة 3
    بدأنا الشغل فكينا الفبرا اللى على الموتور

    والصور من هنا مش عايز حد يتريق لانى مكنتش متخيل ان العربية بالحالة دى ابداً









    وبعد كدة كانت الصدمة الكبرى وهى فك البوجيهات القديمة
    ودة شكل البوجيه المسكين اللى كان راكب



    طبعاً انا مش متخيل ازاى عربيتى كانت ماشية وعمرها ما عطلت ولا اتأخرت فى الدوارة
    ههههههههه
    اصيلة يا بت

    وبعد كدة فكينا فلتر الهواء القديم



    ودى مقارنة بسيطة بين الفلتر القديم والفلتر الجديد



    طبعاً فرق سماء وارض

    وبعد كدة فكينا فلتر التكييف القديم





    ياعينى عليك يا صدرى من التراب اللى كان بيدخل فيك :))

    وبعد كدة جت اللحظة العصيبة وهى فك طرمبة البنزين علشان الفلتر جوا التنك
    وطبعاً العربية علشان اول مرة حد يمد ايده فيها الطرمبة مكنتش عايزة تتفتح اصلاً



    الفنى مسك شاكوش ومفك ويدق علشان تتفك

    وبعد شغل بتاع نص ساعة مثلاً علشان يقدروا يفكوا الطرمبة
    طلعت في ايديهم



    طبعاً الفلتر بجد انا استغربت هو عامل كدة لية
    الفلتر يا جماعة كان بينزل سائل اسود مش بنزين فيه شوائب بجد حاجة اخر قرف



    واكيد ظاهر الفلتر بالسائل الاسود



    يتبــــــ،،ـــــــــــع


  2. #2

    الصورة الرمزية Kareem Fawzy

    رقم العضوية : 81610

    تاريخ التسجيل : 30Sep2010

    المشاركات : 2,966

    النوع : ذكر

    الاقامة : مدينة نصر

    السيارة: لايوجد

    السيارة[2]: Hyundai Elantra 2007

    دراجة بخارية: لايوجد

    الحالة : Kareem Fawzy غير متواجد حالياً

    افتراضي -

    وبعد كدة ركبنا الفلتر الجديد وقفلنا

    وجينا لمرحلة رجلاش فرامل اليد
    وعرفت من الفنى ان الفرامل بتترجلش من الطمبورة مش زى عربيتى زمان من جوا الكابينة من اليد نفسها





    والفتحة اللى الفنى مدخل فيها المفك دى هى الرجلاش بتاع اليد

    وبعد كدة جت مرحلة تغيير زيت الفتيس

    ونزل الفنى فك الطبة من تحت وصفى الزيت كله
    وكانت الصاعقة بقا وهى لون الزيت



    اكيد الزيت اللون الاساسى بتاعه هو الاحمر
    بس المفاجئة ان لونه كان اسود محروق بالمنظر دة

    وبعد كدة حطينا الزيت من فوق عند المقياس بقمع



    وهنا كان المهندس صاحب المركز هو اللى بيحطهولى بصراحة وانا خطفت الصورة دى على غفله منه
    هههههههههههه

    وبعد كدة جت مرحلة تغيير مياة الرادياتير
    واستغربت جداً لما فكينا الكوعه ولاقينا المية نازلة بلونها العادى مفيهاش حاجة
    بس بردو كان لازم تتغير

    معرفتش اصور صور علشان بصراحة المية كانت بتنزل بسرعة جداً وخوفت اتغرق من قوة اندفاعها

    وبعد كدة جت مرحلة تربيط العفشة
    ربط العفشة كلها تمام

    وجيت ادخل جوا العربية يا جماعة لاقيت بصراحة منظر اسعدنى جداً



    وهو نفس نظام التوكيلات ومراكز الخدمة المعتمدة بالظبط
    علشان مفيش اى شحم يجيي على الفرش من ايد الصنايعية

    بعد كدة الموتور اتغسل وبعد ما كان منظره كدة





    بقا شكله كدة





    وبعد كدة دخلنا جوا علشان نشوف هيظهر error فى الفتيس ولا لا
    علشان لو تفكروا المشكلة اللى كانت حصلت معايا فى الفتيس
    وحطناها على الكمبيوتر ساعتها وظهر error
    فكنا حابين نتأكد ياترى الدينا تمام ولا لا
    وحطيناها على الجهاز
    ودة شكل الجهاز





    والحمدلله العربية مسجلتش اى اعطال خالص

    وبعد كدة الواد مسحلى العربية من برا بفوطة زفرة وكانت زى الفل الحقيقة
    وانا خرجت مبسوط
    وجيت ساعت الحساب

    طلعلى فاتورة معتمدة تضمن الصيانة 5000 كم او 3 شهور ايهما اقرب
    وكانت اجمالى التكلفة
    80 جنيه صيانة ال 40,000 كم + 50 جنيه مصنعية تغيير سير مجموعة
    =
    130 جنيه
    وعملى خصم 10%


    يبقى كدة كل المصاريف اللى اتدفعت

    50 جنيه فلتر هواء
    115 جنيه فلتر بنزين
    65 جنيه بوجيهات ngk اصلى
    35 جنيه فلتر تكييف
    55 جنيه سير مجموعة
    30 جنيه جركن مياة 5 لتر ماركة IADA
    84 جنيه 3 كيلو زيت فتيس mobil
    117 جنيه مصنعيات الصيانة

    ----------------------------------------------

    الأجمالى = 551 جنيه

    اتمنى التقرير يكون عجبكم
    ومعلش مقولتش على المكان علشان ميعتبرش دعايا ويتحذف او مخالفة لقوانين المنتدى
    ممكن اللى محتاج العنوان ورقم التليفون يبعتلى على الخاص
    وبلاش يكتب هنا فى الموضوع انه محتاج العنوان
    اى استفسارات تبقى على الخاص يا جماعة بعد ازنكم

    اتمنى يكون التقرير عجبكم يا جماعة
    وانتظروا منى تقرير اخر عن حاجة كدة اشترتها

    واقعدوا بالعافية :))


  3. #3

    الصورة الرمزية Ayman-Ahmed

    رقم العضوية : 62792

    تاريخ التسجيل : 20Feb2010

    المشاركات : 2,961

    النوع : ذكر

    الاقامة : Almaza/Nasr City

    السيارة: الحمد لله

    السيارة[2]: New Accent

    دراجة بخارية: None

    الحالة : Ayman-Ahmed غير متواجد حالياً

    افتراضي -

    الف مبروك يا كريم وشغل نضيف جدا.

    [marq="3;right;3;scroll"]لا حول ولا قوة الا بالله العلى العظيم
    [/marq]


  4. #4

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,814

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    الف مبروك وربنا يحمبها إن شاء الله .


  5. #5

    الصورة الرمزية abou-yahia

    رقم العضوية : 13633

    تاريخ التسجيل : 26Jun2008

    المشاركات : 5,636

    النوع : ذكر

    الاقامة : Cairo

    السيارة: Optra 2007 AT

    السيارة[2]: Pegeout 406 2004

    دراجة بخارية: لا يوجد

    الحالة : abou-yahia غير متواجد حالياً

    افتراضي -

    مبروك الصيانه

    نصيحتي ليك زيت افتيس لو حتحط موبيل حط aft 320
    او حط فالفولين لان زيت الفتيس بتاعه تخليقي

    فلتر التكييف هات الاصلي
    عشان المضروب مبيكونش كربون وبعد فتره بيغير من ريحه العربيه

    وشكرا



    afrtow سابقاً
    [B]
    [gdwl] الإمام الشافعي
    إني رأيت وقوف الماء يفسده * * * إن ساح طاب وإن لم يجرِ لم يطبِ
    والأُسد لولا فراق الأرض ما افترست * * *والسهم لولا فراق القوس لم يصبِ
    والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]


  6. #6

    الصورة الرمزية atyam

    رقم العضوية : 78267

    تاريخ التسجيل : 22Aug2010

    المشاركات : 430

    النوع : ذكر

    الاقامة : egypt

    السيارة: الحمد لله على واحدة

    السيارة[2]: Hundai RB 2012

    دراجة بخارية: لا

    الحالة : atyam غير متواجد حالياً

    افتراضي -

    ماشاء الله وعقبال صيانة ال100 الف ياباشا

    بس متنساش العربيه كده تانى دنا صعب عليا شكل البوجيه :)

    والمركز شكله شغل عالى ;)


  7. #7

    الصورة الرمزية Kareem Fawzy

    رقم العضوية : 81610

    تاريخ التسجيل : 30Sep2010

    المشاركات : 2,966

    النوع : ذكر

    الاقامة : مدينة نصر

    السيارة: لايوجد

    السيارة[2]: Hyundai Elantra 2007

    دراجة بخارية: لايوجد

    الحالة : Kareem Fawzy غير متواجد حالياً

    افتراضي -

    اقتباس المشاركة الأصلية كتبت بواسطة ayman-ahmed مشاهدة المشاركة
    الف مبروك يا كريم وشغل نضيف جدا.

    الله يبارك فيك يا ايمون
    تسلم يا حبيب قلبى


  8. #8

    الصورة الرمزية Kareem Fawzy

    رقم العضوية : 81610

    تاريخ التسجيل : 30Sep2010

    المشاركات : 2,966

    النوع : ذكر

    الاقامة : مدينة نصر

    السيارة: لايوجد

    السيارة[2]: Hyundai Elantra 2007

    دراجة بخارية: لايوجد

    الحالة : Kareem Fawzy غير متواجد حالياً

    افتراضي -

    اقتباس المشاركة الأصلية كتبت بواسطة akmm مشاهدة المشاركة
    الف مبروك وربنا يحمبها إن شاء الله .


    الله يبارك فيك يا باشا
    وميرسى على الدعوة الجميلة دى


  9. #9

    الصورة الرمزية Kareem Fawzy

    رقم العضوية : 81610

    تاريخ التسجيل : 30Sep2010

    المشاركات : 2,966

    النوع : ذكر

    الاقامة : مدينة نصر

    السيارة: لايوجد

    السيارة[2]: Hyundai Elantra 2007

    دراجة بخارية: لايوجد

    الحالة : Kareem Fawzy غير متواجد حالياً

    افتراضي -

    اقتباس المشاركة الأصلية كتبت بواسطة abou-yahia مشاهدة المشاركة
    مبروك الصيانه

    نصيحتي ليك زيت افتيس لو حتحط موبيل حط aft 320
    او حط فالفولين لان زيت الفتيس بتاعه تخليقي

    فلتر التكييف هات الاصلي
    عشان المضروب مبيكونش كربون وبعد فتره بيغير من ريحه العربيه

    وشكرا


    شكراً يا باشا على النصيحة الغالية دى
    ربنا يعزك يارب


  10. #10

    الصورة الرمزية Kareem Fawzy

    رقم العضوية : 81610

    تاريخ التسجيل : 30Sep2010

    المشاركات : 2,966

    النوع : ذكر

    الاقامة : مدينة نصر

    السيارة: لايوجد

    السيارة[2]: Hyundai Elantra 2007

    دراجة بخارية: لايوجد

    الحالة : Kareem Fawzy غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة atyam مشاهدة المشاركة
    ماشاء الله وعقبال صيانة ال100 الف ياباشا

    بس متنساش العربيه كده تانى دنا صعب عليا شكل البوجيه :)

    والمركز شكله شغل عالى ;)

    هههههههههههههههه
    الله يبارك فيك يا باشا
    ان شاء الله هتابعها على طول



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. تقرير عن صيانة ال 40.000 لهيونداى النترا 2009 خليجى
    بواسطة Mohab555 في المنتدى هيــونــداى
    مشاركات: 9
    آخر مشاركة: 27-05-2012, 03:26 AM
  2. مشاركات: 36
    آخر مشاركة: 10-06-2011, 12:40 PM
  3. تقرير هام مفصل وبالصور عن تركيب جهاز ( بي سي ) لنيسان تيدا
    بواسطة sedyrohy في المنتدى نيـــــــــسان
    مشاركات: 39
    آخر مشاركة: 06-04-2011, 11:18 PM
  4. تقرير مصور : صيانة 20 الف لهيونداى نيو اكسنت + الصور
    بواسطة mazagngi2002 في المنتدى هيــونــداى
    مشاركات: 21
    آخر مشاركة: 04-07-2010, 10:31 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2