2012: لانسر شارك - استرا j - فورد فوكس - ستروين c4. ساعدوني في الإختيار أثابكم الله

**mokhtarm** · 10-04-2012 03:06 PM

السيارات الثلاثة لموديلات 2012...

المميز في كل منهم (من وجهة نظري المتواضعة):

اللانسر شارك: ياباني - 1600 مايفك - نظام صوتي هائل امريكي - فاتحة سقف - مفتاح بصمة - ارخصهم - متداولة - سعر بيع أحسن شوية - توكيل جديد أزعم إنه عايز يعمل حاجة - تكيف ولا أروع
استرا J : الماني - 1600 ايكوتك - تقفيل خرافي - متانة وصاج- فرامل يد الكترونية - ارخص حاجة الماني - صالون داخلي فاخر - ESP - اوتوماتيك 6 سرعات - وحدة رفع - فرش جلد - تكيف تتش ديوال زون
فورد فوكس: الماني - شكل جديد - إزاز فاميه - 125 حصان - فتيس PowerShift جديد علينا (الله اعلم بيه) - قطع غير سعرها مناسب - توكيل عايز يحسن من نفسه - وحدة رفع - دواسات
ستروين C4: فرنساوي - موتور ميني كوبر 117 حصان أظن - أوبشانز كتير - ESP - شكل جديد - الضمان بقى 3 سنين أو 100 ألف كيلو - خامات التابلوه من الكربون فيبر و كروم - عدادات ديجيتال

العيب في كل منهم (من وجهة نظري المتواضعة برضه):

اللانسر شارك: شالوا تقريبا كل حاجة لطيفة (زينون - عتب - بور التكروني) - صاج في الحلاوة - مفيش أوبشنز كتير (لا يوجد: بلوتوث - وحدة رفع - حاساسات) - شنطة متاكل منها شوية عشان الصب
استرا J : منصور !! - سعر بيع - مفيش بلوتوث - مفيش USB - قطع غيار أغلى بس معمرة - مفيش حاساسات باركينج - الانتشار مش قد كده
فورد فوكس: لسه جديدة (إنت وقرفتك) - شنطة ابعادها غلط (عميقة بس ضيقة) - سعر مبالغ فيه - الانتشار مش قد كده - فتيس الله أعلم بيه - التابلوه شيك بس خاماته بلاستيك مش قد كده
ستروين C4: عز العرب !! (بس يقال إنه بيتحسن) - اعادة بيع في الالوزة - مفيش فتحت سقف - تكيف بكر (وبأكد على كده - سيبكم من اللي كانت في اوتوماك) - معقدة (هتتجوز التوكيل إلى نهاية العمر)

ارجوكم يا شباب, نحصر الاختيار مابينهم عشان أنا والله مش ناقص حيرة, وياريت يكون الإختيار موضوعي ومسبب عشان كل كلمة حضراتكم هتقولوها هاعمل حسابها كويس. أنا مش هاممني قوي سعر اعادة البيع عشان أنا من النوع اللي مش بيغير كتير ودايما بميل للزيرو عشان يقعد بيه 5-7 سنين. يهميني إن العربية تكفي عائالتي الصغيرة وتكون أمان. وفي نفس الوقت أنا بحب الركوبة وبجري وأنا لوحدي.

جزاكم الله خيرا فينا

**mody3on** · 10-04-2012 03:32 PM

استرا او فوكاس في رايي
الاتنين اعادة بيع وحشة ومش منتشرين , بس انا مختلف معاك في حتة السعر بتاع الفوكاس , انا شايفه جيد جدا مقارنة بسعر غيرها , انا ارشحلك فورد .. موتور قوي وامان وثبات واوبشن كويس وتابلوه حلو وشكل خارجي جميل وفتيس 6 سرعات واعتقد فيها esp
ده ميمنعش ان الاسترا حلوة بس دي اوبل ودي فورد , فرق كبير بين الشركتين برضه

**mokhtarm** · 10-04-2012 03:33 PM

بالمناسبة - أنا عملت تست دريف للاربعه - وعندي انطباع عن سواقتهم - بس مش هاقوله عشان محدش يقولي الرد الشهير (اختار اللي ارتاحله قلبك ونفسيتك و كالابزاتك...)

**mokhtarm** · 10-04-2012 03:40 PM

المشاركة الأصلية كتبت بواسطة mody3on

استرا او فوكاس في رايي
الاتنين اعادة بيع وحشة ومش منتشرين , بس انا مختلف معاك في حتة السعر بتاع الفوكاس , انا شايفه جيد جدا مقارنة بسعر غيرها , انا ارشحلك فورد .. موتور قوي وامان وثبات واوبشن كويس وتابلوه حلو وشكل خارجي جميل وفتيس 6 سرعات واعتقد فيها esp
ده ميمنعش ان الاسترا حلوة بس دي اوبل ودي فورد , فرق كبير بين الشركتين برضه

ألف شكر على مرورك يا جميل - هي فرد مفيهاش ESP - وكمان متورها مش أقوى من الاوبل (تقنيا) - الفتيس منعرفش عنه كتير بس في مشاكل منه بره
TTAC Bounty: Ford’s PowerShift “Consumer Enlightenment” Memo | The Truth About Cars

DailyTech - Consumers Not Fond of MyFord Touch, PowerShift Dual-Clutch Auto Transmission

**mody3on** · 10-04-2012 03:40 PM

اختار اللي ارتاحله قلبك ونفسيتك :d
بس كمان الفوكس فيها فتحة سقف , الا لو مش هتجيب الهايلاين

**mokhtarm** · 10-04-2012 03:44 PM

المشاركة الأصلية كتبت بواسطة mody3on

اختار اللي ارتاحله قلبك ونفسيتك :d
بس كمان الفوكس فيها فتحة سقف , الا لو مش هتجيب الهايلاين

هاـهاهاهاها - أيوه يا باشا مش بفكر في أي حاجة أعلى من 180 :)

**mody3on** · 10-04-2012 04:01 PM

ما هي الهايلاين ب 180 والهاتش باك ب 185 وفيهم فتحة سقف ومثبت سرعة و 6 ايرباج و abs - ebd واعتقد esp , عربية ممتازة

**mokhtarm** · 10-04-2012 05:05 PM

المشاركة الأصلية كتبت بواسطة mody3on

ما هي الهايلاين ب 180 والهاتش باك ب 185 وفيهم فتحة سقف ومثبت سرعة و 6 ايرباج و abs - ebd واعتقد esp , عربية ممتازة

ياباشا مفيش esp صدقني في أي حاجة في الفورد اللي عندنا- ثم فيها فئة اسمها الهايلاين بفتحة سقف دي 185 (سيدان) زيها زي الهتش باك اللي نازلة فئة واحدة وبس- وكل المواصفات التانية علي حضرتك ذكرتها موجودين في كل الاختيارات التانية ماعدا اللانسر (abs و ebd ودمتم)

أومال أنا محتار ليه :)

**A.Adel** · 10-04-2012 05:26 PM

واضح إنك دارسهم كويس , حِتِّة تكييف ال c4 دي مش أي حد يعرفها ;)
لو أنا اللي بشتري هجيب bravo لانها أحسن منهم ك value for money
كفاية إنها الوحيدة ال تربو فيهم و فيها كل الأوبشنز اللي نفسك فيها ما عدا فتحة السقف
بس فيه نقطة برده إن المواتير التربو عموما عمرها قصير يعني بعد ال 100000 مش بتبقى زي الأول و إنت بتقول مش بتغير كتير إلا بقى لو إنت مش بتمشي بالعربية كتير
و العربية أظن هتتغير كمان سنة لان بقالها فترة

أما لو إنت مصر على واحدة من الاربعة , أنا اختار ال astra
لان ال ford كتير قوييييي عليها 185 مش شايف فيها حاجة تخليها تستاهل الرقم ده خالص
و كمان فتيسها ده مش مضمون لان محدش جربه , رأيي ال c4 ارخص و أحسن من ال ford
و ال شارك شكلها بقى قديم قوي , حرام تجيب عربية جديدة شكلها قديم و مالية البلد
بالنسبة ل c4 لو هتجيبها حاول تجيب اللي بـ 148 وده مش موجودة أنا عارف لان اللي بـ 165 دي كتير عليها برده

بإختصار كده أنا رأيي المتواضع :
astra
c4
shark
focus

طبعا اختياري ده ملوش دعوة بسعر اعادة البيع لانك قلت مش بتغير كتير
يا ريت أكون قدرت اساعدك :)

**mody3on** · 10-04-2012 05:56 PM

الفوكاس في كل ريفيوهات المواقع احسن من ال 3 عربيات دول , وبعدها الاسترا , والبرافو اللي في مصر 120 حصان مفيش تربو , والفتيس بره مفيهوش اي مشاكل ولا حد اشتكى منه , ودي مش شركة صيني يعني بتصنع اي فتيس وخلاص :)

الموضوع: 2012: لانسر شارك - استرا j - فورد فوكس - ستروين c4. ساعدوني في الإختيار أثابكم الله

LinkBack

أدوات الموضوع

عرض

-

-

-

-

المواضيع المتشابهه

استفسار بين فورد فوكس 2012 و بيجو 508 2012

لانسر شارك 2012 بالموتور الجديد ولا تيدا ولا فورد فييستا

فورد فوكس 2012 .سوبارو امبريزا 2012.سيفيك 2010 مستعمل

محتاره جدا ساعدوني ارجوكم اوبل كورسا 2012 أو فورد فييستا 2012

فورد فوكس 2012

الكلمات الدلالية لهذا الموضوع

المفضلات

المفضلات

ضوابط المشاركة