كنت عايز اروح دار المشاه من الدقى كنت هاتطلع كبرى اكتوبر ومش عارف انزل انهى نازله وامشى اذاى بعدها ياريت شرح تفصيلى عشان ضايع فى الشوارع
عرض للطباعة
كنت عايز اروح دار المشاه من الدقى كنت هاتطلع كبرى اكتوبر ومش عارف انزل انهى نازله وامشى اذاى بعدها ياريت شرح تفصيلى عشان ضايع فى الشوارع
ماشى ... خليك على اكتوبر و تنزل نزلة صلاح سالم .... هتلاقى النزله يمين و بتلف بيك فى اتجاه مصر الجديده ... هتمشى شويه صغيرين و هتلاقى كوبرى بالعرض فوق صلاح سالم ... ده كوبرى الفنجرى و دار المشاه عند منزله على شمالك فحضرتك اول ما تعدى ن تحت الكوبرى تاخد اول يوترن و ترجع تخش يمين كأنك نازل من على الكوبرى و الدار هتكون على يمينك عند منزل الكوبرى ...
فى هناك فى صلاح سالم حارتين و بينهم رصبف و كان فى فتحه تدخلك من حاره للتانيه عشان تخش يمين و ساعات بتكون مقفوله و لو مقفوله هتضطر تلف لفه كبيره ... فلو عايز المضمون يبقى ممكن بعد ما تنزل من اكتوبر لما تلاقى الكوبرى تخش يمين و تمشى شويه و تاخد يوترن و ترجع تطلع الكوبرى و الدار هتكون على يمينك اول ما تنزل من الكوبرى
اقتباس:
المشاركة الأصلية كتبت بواسطة kimomodern
اخى الحبيب
حضرتك هتركب كوبرى اكتوبر اتجاه المطار وتخلى حضرتك ماشى على طول لحد ماتوصل الى الوصله المعلقه هتكمل بعدها فى اتجاه العباسيه متنزلش نزله غمره
خليك مكمل على طول لغايت حضرتك نزله صلاح سالم تعديها حضرتك
وتابع حركه الطريق وتمسك شمالك اول نزله شمال بعد كده دى نزله الاتوستراد هتزلها حضرتك وتخليك فى الشمال عشان هتلف من اول يوترن وبعد ماتلف حتاخد اول يمين
(قاعه المؤتمرات) هتكون على يمين حضرتك وبعديها استاد القاهره على يمين حضرتك برضوا تعدى كل ده وتطلع كوبرى الفنجرى
( هتلاحظ حضرتك اسفل الكوبرى معدات مترو الانفاق )
وخليك فى اليمين مع نزله الكوبرى يمين هتلاقى دار المشاه على يمينك تكمل فى اليمين على سرعه بطيئه وتدخل اول شارع يمين هتلاقى حضرتك البوابه الرئيسيه على يمينك( الشارع دا فى استاد الجيش)
طبعاً فى طرق كثيره من الدقى الى هذا المكان بس مش عايز الخبط حضرتك فى الطرق
واخترت الى حداً ما اسهلهم
وتوصل بالف سلامه
اقتباس:
المشاركة الأصلية كتبت بواسطة mohamed_selim
اول يوترن بعد نزله كوبرى اكتوبر من صلاح سالم هتكون عند شارع الطيران من امام نادى الحرس الجمهورى ودى بعيده شويه لانه هيرجع تانى لغايه كوبرى الفنجرى ويدخل من تحت الكوبرى يمين وهتكون دار المدرعات على شماله وبعد حوالى 300 متر تقريباً دار المشاه
لك كل الود
اشكركم جدا لتعبكم بجد بس انا رحت من طريق اسهل
- انا طلعت كوبرى اكتوبر ونزلت اخر نازله فى الكوبرى بتاعت مدينه نصر بعد كده دخلت اول شمال فى اول يمين وطلعت كبرى الفنجرى بعديه دخلت اول يمين لقيت دار المشاه .
لا يا باشا فى يوترن قبل شارع يوسف عباس عند بنزينة التعاون كده مش هيوصل للطيران بس المشكله ان الفتحه اللى بتدخله على الحاره الداخليه بتاعة عمارات العبور عشان يخش يمين جنب الكوبرى ساعات بتكون مقفوله و هيكون مجبر انه يكمل فى صلاح سالم و لو عايز يلف تانى هيلف من تحت الكوبرى عند امتداد رمسيس..اقتباس:
المشاركة الأصلية كتبت بواسطة _hema
فكرت انى اوصفله من الاوتوستراد بس مش عارف ايه خلانى ادخله يمين من جنب الفنجرى و يلف يوترن و يرجع يركب الكوبرى ... يمكن عشان الزحمه اللى عند قاعة المؤتمرات عشان indoors معرفش خلص ولا لسه :))) عامة الوصفه بتاعة الاوتوستراد كويسه و سهله برضه و الاخ الفاضل استخدمها و وصل الحمد لله :)
سعيد بوجودك معانا :)
اقتباس:
المشاركة الأصلية كتبت بواسطة kimomodern
على فكره
دى الوصفه الى وصفتها لحضرتك بس انا وصفتها بالشرح الزياده عشان حضرتك تصل بسلامه لعدم معرفتك بالطريق الى دار المشاه وارجو مراجعه ماكتبته لحضرتك
وانا تحت امر حضرتك
مع خالص التحيه لحضرتك
اقتباس:
المشاركة الأصلية كتبت بواسطة mohamed_selim
يافندم اليوترن اللى بعد يوسف عباس هو دا بتاع شارع الطيران وبعديه بحوالى 100 متر يوترن اخر قبل نفق العروبه للى داخل نفق الطيران اتجاه العباسيه او شارع احسان عبد القدوس او مايطلق عليا احيانا شارع الحرس الجمهورى اللى فى نهايته من عند شارع الخليفه المأمون فندق تريمف
اما بخصوص اليوترن اللى امام بنزينه التعاون فده للقادم من مصر الجديده وحابب يدخل صلاح سالم تانى اتجاه المطار
على فكره انا يومياً فى هذه الاماكن
اشكر حضرتك على المتابعه
لك كل الود