الموضوع: قفشت حرامي في وسط الشارع علي طريق سريع

المشاركة الأصلية كتبت بواسطة eng.geo

كنت ماشي الصبح متاخر عالكلية علي طريق بتاع ترعة الأسماعيلية
اللي هو عد مسطرد لغاية السواح
في كام مطب في الحتة ده
مع أول مطب ... انا كنت ورا شوية وشايف توكتوك نزل منه واحد وراح شابط في عربية نقل كانت قدامه
الواد منظره غريب والعربية النقل كان فيها احواجز عالية فالسواق مش شايفه
انا مكنتش واخد بالي انه حرامي خصوصا اننا الساعة 9:30 الصبح والدنيا مش فاضية
قلت يمكن يعرفه وال يروح معاه
جينا عند تاني مطب وقبله بشوية لقيت الواد راح واخد حاجة من الصندوق ورا ولما جه المطب نزل وكان التوكتوك وراه خده !
انا لقيتني الدم ضرب في نافوخي وكبرت معايا لو وصلت أموته أموته !
انا بقالي فترة من ساعة ما صلحت العربية وانا مابادوسش جامد عليها
خلص أول علي 6500 rpm كنت جايب 70 بقيت علي يمين التوكتوك
جبت تاني بقيت جمب النقل وفتحت الشباك قلتله بسرعة
وأبتدت المطارده
هديت جيت ورا التوكتوك وقلت أشبط في ضهره ولو لمسته يمين أو شمال هيكون أتقلب
بس كدة هيبقي في خساير كتير
للأسف التوكتوك أنتهز فرصة وطلع من النقل قدامه
قمت دايس وراوهو معندش مراية يمين
في ثانية كنت قدامه والنقل بقي شماله
النقل فضل يكسر لغاية ما التةكتوك أتزنق ووقف
لغاية هنا انا مشيت هادي قدام والنقل عمل الواجب ويمكن زيادة
انا شوفته نزل بشومة

وخلصت علي كدة ورحت الكلية :) .. وصلت متأخر 10 دقايق ... انا نازل متأخر اساسا
لما جيت فكرت ايه اللي خلاني أعمل كدة وخصوصا ان العربية مكانتش هماني حتي لو أتخبطت
أفتكرت لما طلع عليا 2 بموتسكلات صيني وكنت لوحدي والعربية أتبهدلت
وانا من ساعتها مستني فرصة أطلع فيها غلي علي حد منهم

ربنا يخلصنا منهم

الله ينور,بس خلى بالك بعد كداااا

بارك الله فيك ً، ايوه كده لو كل واحد قفشلو حرامي البلد دي هتنضف
تسلم ايدك

جاااااااامد الله يباركلك