عرض للطباعة
السلام عليكم جميعا
انا ان شاء الرحمن مقبل على شراء اوبل استرا 2008
انا لا افقه اى شئ عن الاوبل بصراحه
عايز اعرف عيوبها ومميزاتها
ايه الاوبشنز بتاعتها
ايه هو رينج السعر بتاعها
موضوع الايزى ترونيك ازاى بيشتغل وهل ليه عيوب؟
اسعار قطع الغيار وايه ظروف التوكيل
ارتفاع العربيه وتقفيلها من الداخل
شهيصونى كده ربنا يكرمكوا وقولولى ايه الاخبار
بعيد عن اراء خالد ايمن
انا شايف انها من افضل السيارات فى فئتها السعرية و اللترية
ياريت ياجماعة حد يفصل إجابة كافية للأسئلة بتاعة م/محمد صلاح...............عشان أنا بدور على نفس العربية وممكن 2007
متابع
انا معايا العربية من 4 شهور تقريبا,لو رجعت تانى كنب هجيبها بردواقتباس:
المشاركة الأصلية كتبت بواسطة م/محمد صلاح
جرب الفتيس قبل اما تشترى العربية ,و اهم حاجة اكشف عليها فى التوكيل.
نسيت اضيف حاجة
التوكيل انا اتعملت معاه قبل كدا,غيرت كومبرسور التكيف,هما عملولى خصم كويس جدا تقريبا 50%
هتلاقى ناس بشكر فى و ناس بتشتم فى للصبح :majd(4):
بص يا سيدي الايزي ترونيك عبارة عن فتيس مانيوال بالكامل يعني فيه اسطوانة وديسك دبرياج ويتم التحكم به الكترونيا عن طريق ال ECU وعلي الرغم من وجود بعض العيوب زي انه احيانا بيجيب نقلة لا تتناسب مع السرعة الا انه مع الاستعمال هاتتعود عليه وممكن تخلي الفتيس مانيوال وتتحكم بنفسك في النقلات الحمد لله أنا عامل ١١٥ كم والفتيس تمام واللي عرفته ان عمر الفتيس بيكون أطول من الاوتوماتيك
العربية عامة ممتازة واختلف في موضوع الشنطة أنا شايف حجمها ممتاز بالنظر الي انها هاتشباك
احب أقولك ان موديل ٢٠٠٧ هاي لاين بينزل بجنوط ١٦ abs - arm rest وكمان keyless entry وده لوحده ممتع بجانب باقي الكماليات الأخري
السابق ذكرها العربية سحبها متوسط لكن في زرار في التابلوه اسمه sport وده بيحول العربية لحاجة تانية خالص بس بستخدمه قليل جداً لأني بحس أني بفتري علي العربية لما بشغله
بالنسبة للتكيف فهو ممتاز بالمقارنة مع اي عربية أوروبي تانية
قطع الغيار من أوتو ماستر
طقم كاتينة بالبلية والتركيب حوالي ٢٠٠٠-٢٢٠٠
طلمبة مياه ٩٠٠
تيل أمامي او خلفي ٤٠٠
فلتر هواء ٩٠
فلتر زيت ٣٠
أتمني اكون أفدتك وبالتوفيق
الأسعار من ٨٠ الي ١٠٠ حسب الحالة والموديل
ايه كم المعلومات ده