وصف الطريق : طريق يسع لـ 4 عربيات ,, متقسم 2 رايح و2 جاى وفى حواجز بلاستيكية فى الارض كدا زى اللى موجودة فى اسكندرية ع الكورنيش اللى بتفصل بين العربيات المكملة طوالى والعربيات اللى هتلف
انا ماشى فى امان الله جالى تليفون ,,
عملت اشارة يمين واخدت يمينى بهدوء ومفيش اى حد جه ,, وبعد ما بقيت فى اليمين رسمى خلاص , رحت مشغل الانتظار وهديت سرعة العربية لحد ماوقفت
بطلع التليفون من جيبى لقيت توك توك واقف جنبى وسواق التوك توك دماغه تقريباً داخلة لى جوا العربية ,, بيقولى يابيه حد بيقيد الاشارتين مع بعض ؟؟؟ حرام عليك يابيه ,, وقال راكبين ملاكى بس
انا بصراحة مستوعبتش
اشارتين مع بعض ؟؟ قولت يمكن دراع النور عندى علق ولاحاجة ولا يقصد انى داخل يمين وعامل شمال ,, مكنتش مستوعب بصراحة
ابص فى الطبلوه الاقينى آيد الإنتظار
إذاً الإنتظار فى نظر سواقين التكاتك غباء من سواقين الملاكى وانهم قايدين الاشارتين مع بعض :)
دمتم سالمين
سيبك منه, دا يعتبر راكب عجلة بتلات عجلات و فرحان بيها.
المفضلات