سائقي النقل يقطعون طريق الاوتوستراد احتجاجا علي زيادة تعريفة مرورية (الكارتة)؟

**salah008** · 10-04-2012 09:08 PM

الاخوة الافاضل
السلام عليكم و رحمة الله وبركاته
مش عارف ابتدي ازاي اعتقد افضل بداية هي حسبي الله و نعم الوكيل
النهارده الساعة 2 ظهرا خرجت لاحضار اولادي من مدرستهم بمنطقة المعادي عن طريق الاوتوستراد وقفت مكاني ما يزيد عن الساعة و بعد عدة محاولات و مناورات شملت السير عكس الاتجاه علي طريق الاوتوستراد اجبارا وليس اختيارا وصلت الي طريق الكورنيش و المفاجأة انه هو كمان واقف تقريبا من حلوان الساعة 3 ونص و مش عارف الاولاد اخبارهم ايه ومش عارف الطريق هيفتح امتي المهم بعد عدة اتصالات تم تحديد اقامة الاولاد بالمدرسة والظريف في الامر ان غالبية اولياء الامور وصلوا متاخرين او لسه ما وصلوش زي حالاتي ومن وصل فضل الانتظار بالمدرسة لحين انتهاء الازمة الساعة دلوقتي 7 و نص واولادي لسه داخلين البيت في حالة اعياء .
سبب الازمة سائقي النقل يقطعون طريق الاوتوستراد احتجاجا علي زيادة تعريفة مرورية (الكارتة)؟
حسبي الله ونعم الوكيل في من يوقف مصالح الناس ويعطل اعمالهم ويقطع طرقهم ايا كان مطلبه
اتمني ان يمر احدهم بوقف سيارة اسعاف تحمل مريضا في حاجة الي رعاية عاجلة ولا يستطيع الوصول الي المستشفي
او مسافر تاخر عن رحلته وما يترتب عليه
قبل الثورة كنا نلعن مواكب الرؤساء و القيادات
والان في زمن الفوضي والبلطجة علي من نصب اللعنات
متي يتعلم الشعب المصري مبدأ (حريتك تنتهي عند بداية حرية الاخر)
حسبي الله و نعم الوكيل.. حسبي الله ونعم الوكيل
اسف للاطالة
والسلام عليكم ورحمة الله وبركاته

**memofree** · 11-04-2012 02:10 AM

للاسف يا استاذ صلاح كل ده راجع لثقافة بعض فئات من الشعب الخاطئة فى التظلم من القرارات بطريقة عشوائية و ده من مخلفات النظام السابق . الله يكون فى عون الرئيس القادم بيجد

**tutankhamoun** · 11-04-2012 08:04 AM

أنا أصلا مش بطيق سواقين النقل
بالاضافة أن الشعب المصري شعب الجهل و الفساد أستشرى في أجزاء جسده
و كانوا فاكرين أنه مع أزالة مبارك البلد حالها هاينصلح
غلط ......... لاءة .......... كلام مش مظبوط
البلد فيها 85 مليون مبارك فاسد ........ هو يعني مبارك كان استيراد ؟

و حسبي الله و نعم الوكيل .......... و سلملي على بتوع حقوق الأنسان
دي شوية شرزمة ملهاش حقوق أدام جارت على حقوق غيرها
لا يستحقون غير الجزمة القديمة