اخواني الكرام لاحظت ان محدش بيكلم عن ام 12 خالص ياريت حد يوضحلي مميزات وعيوب العربة دي لاني قرات عنها ومحتار ممكن الافادة
ولسيادتكم جزيل الشكر
عرض للطباعة
اخواني الكرام لاحظت ان محدش بيكلم عن ام 12 خالص ياريت حد يوضحلي مميزات وعيوب العربة دي لاني قرات عنها ومحتار ممكن الافادة
ولسيادتكم جزيل الشكر
تقدر ترجع لمميزات وعيوب ال m11لانها نفس الموتور والتجهيزات والعفشة فيما عدا البدى هاتشباك،والفرق كلة فى الشنطة والفوانيس الخلفية وال2 مخرج شكمان.
مع ملاحظة انها نزلت بعد الm11يعنى هتلاقى مشاكل الm11 الظهرت فى اول نزولها موش موجدودة فى m12.
رأى الشخصى وبعد الفرجة فقط(لانى مجربتهاش فى سواقة او ركوبة) عربية روشة واستيل، وطبعاً بالنسبة لسعرها اعتقد ممتازة.
اكيد محدش اتكلم عليها لانها لسه جديدة ومفيش انتشار ليها
زى ما الاخ تيجو سيد قال انها نفس الام 11 مع اختلاف الشكل والنمط واسمع ان تم تظبيط عيوب العفشة اللى موجودة فى ام 11
بالتوفيق
شكرا اخواني الكرام علي الافادة دمتم بخير وعافية
انا بس عايز اعرف ايه هي عيوب ال m11 بتاعت العفشة علشان انا داخل علي ال 3 سنين اهه و مش شايف عيب .... لو علي التربيط فعلي فكرة كل العفشات الاسبور "الغاز" كده لانها بتكون انشف فبتحتاج تربيط دوري علشان شوارعنا الجميلة ... انما حاجة اتكسرت ولا فكت و وقعت ؟؟؟ ؟مفيش .... حتي غيرولي تيش دريكسيون علي سبيل الدلع بالرغم اني والله شايف انه تقريبا ولا فرق عن القديم مع مراعاة اني دايما بركن ب عجلتين علي الاقل علي الرصيف العادي العالي و الحمد لله هوا كل صيانة تربيط عادي و كل سنة مثلا تظبيط زوايا ....
بجد منتدي ممتاز ورائع بالموجودين فية مكنتش متصور الردود الجميلة دي والعناية بيها اشكركم شكرا جزيلا
ايه رأيكم ياجماعة ادوس فيها العربية دى ,, ولا احوش واجيب بيجو 206
أنا قلقان من البيجو لأنها نو اوبشنز وكمان قطع غيار غالية
اما الأسبرانزا خايف منها بس عشان صينى مع انى لقيت ناس كتير بتشكر فيها بس قلقان والله
يريت حد يساعدنى ويفيدنى فى الm12 بالذات لأنى سمعت من واحد ان الباور فيها عمل مشاكل وبترشح زيت وكمان الإزاز بيعلق فى الطلعة والتانك بيعلق فى الفتح وده كله وهى جديدة !!!!
وانا سمعت من واحد انها بتنور وبتطفى لواحدها، ومن واحد تانى انها بتفصل الساعة واحد الظهر كل يوم لمدة ساعة، وان الكبوت بتاعها بيتفتح لوحدة وانت سايقها،،،،،،،،،،الخ، ولما سألت كل ال انا سمعت منهم اذا كانوا جربوها كلهم قالوا لا بس هما سمعوا من واحد صاحبهم سمع من واحد صاحبة، ان واحد صاحبة سمع من واحد صاحبة،،،،،،،،،،،،،،،،،،ال خ
ياعزيزى صدق نصف ماترأة ولا شيء مما تسمعة
من الاخر الاسبيرنزا عربية محترمة جداً وفيها بعض العيوب مرتبطة فى المقام الاول بعيوب تقفيل، وموش قاتلة ولا مقلقة،
العربية دى معايا من الصيف اللى فات وهاريها شغل وسفر لدرجه كانت ممكن فى شهر واحد تسافر 10 الاف كيلو وبجد بسم الله ما شاء الله ممتااازه مبتقلش لا وحماله قسيه بجد
نصيحه بلاش صينى مع احترامى لكل ملاك m11 اقسم بالله عربيه زباله اللى اشترى منى العربيه جارى وكان كل شويه يتصل بيه اجيب قطع الغيار منين لحد ماطلع عينه انا خسرت كتير فى العربيه دى واللى اشتراها خسر اكتر بس الحمد لله هو لسه بايع العربيه وقابلته قال الحمد لله خلصت منها ياريت ياجماعه محدش يزعل خصوصا اصحاب m11 انا قولت اللى يرضى ربنا انته اكيد تعبان فى الفلوس فكر كويس مليون مره
يااخى انا اعرف واحد بايع سيراتو وبيقول الحمدلله انى خلصت منها دى كانت كابوس وانزاحت واعرف واحد كمان معاه سيراتو بردة بيقول الحمدلله ان ربنا رزقنى عربية زى دى وبيحترمها جدا لاصاحبنا القديم قال للناس السيراتو اقسم بالله عربية زباله ولا الجديد قال اقسم بالله السيراتو عربية ممتازة .. كل واحد اتكلم عن عربيته شخصيا مش عن الماركه ولا النوع .. انت عربيتك طلعت وحشة فدة حظك زى ماكتيييير مبيتوفقوش فى ماركاتهم وبيغيروها ولا حضرتك متعرفش ناس كدة خالص !! واحب اعرفك انى شخصيا مبسوط بسيارتى الm11 ومرميتش فلوسى عالارض واعرف ناس جايبينها قبلى بسنين وبردة مبسوطين بيها والحمدلله . وفى النهاية رأيك يحترم وربنا يعوضك خير وتلاقى احسن واحسن وميكونش فيها عيوب خالص .
مع احترامى لحضرتك انا كنت من اول ملاك m11 وعلى فكره المساله مش حظ زى ماحضرتك متخيل انا مش عاوز اقولك كميه العيوب فى العربيه ومش عربيتى انا بس كل اللى اشترى العربيه كان نفس المشاكل وكل اصحاب m11 عرفين كويس ايه العيوب عندك الخامات الزباله --تسقيف الموتور--ماكينه الزجاج الخلفى --اصدار اصوات من الخلف ---الدينامو --- بتاكل بنزيين كتير --- قعطع الغيار مش موجوده ياريت حضرتك متزعلش والله انابقول اللى يرضى ربنا ويارب ديما تكون فرحان بالعربيه ويكفيك شر طريقها
واسعة وصالون شيك وشكل جميل وثبات عالي وابشنز كتير صاج تقيل ومحمل ... دي مميزات العربية عن مثيلاتها في نفس السعر
قلة قطع الغيار ووتزييئ العفشة اللي تحتاج تتربط وتتزيت كل شوية وسرعة اعادة البيع عيوبها بالنسبة مثيلاتها في السعر
البنزين بالنسبة ل 1600 معقول جدا انها تعمل حوالي 210 كم في الصفيحة
الكلام ده على عربيتي اللي عاملة 50 الف كم موديل 2010 جالي فيها 54 الف جنيه ومبعتش
بالنسبالي حتى الان توكيل محترم ومعاملة محترمة
الكلام ده باخلاص وامانة وربنا شاهد عليا
وكل واحد يشوف متطلباته ايه في العربية قبل ما يختار
وربنا يوفق الجميع
انا كمان نفسي اجيب m12
بس المشكلة انه انا مش لاقي معلومات كفاية عنها لكن اللي عرفتوا انه في تعديلات في العفشة عن 11
بس واضح من كلام الناس انها تحفة
احسن حاجة فيها الحجم