عرض للطباعة
انا من ثلاث ايام عملت صيانة ال5 الاف
الصيانة اتكلفت 374 جنيه شاملة تغيير زيت 5000 وفلتر زيت وتربيط العفشة
بصراحة كان عندي كمان صوت تزييق في العفشة بس الحمد لله اختفي بعد الصيانة
العربية ما شاء الله عليها تحفة بجد سافرت بيها اسكندرية وكان اول مرة اسافر بيها ما شاء الله عليها اغلب الطريق سايق علي سرعة 160 ومش حاسس بأي حاجة خالص وثبات ما شاء الله
بجد الحمد لله اني اخترت بيرسونا
شكرا على التقرير الجميل
مبروك عقبال 100000 كم عملت الصيانة فين يا أ/ هشام
ربنا يباركلك فيها ..
عملت الصيانة في الصحراوي
ربنا يحفظهالك ويكفيك شرها
ويا ريت تعملنا تقرير عن كل صيانة تطمنا فيه عليك وعلى العربية
أ/هشام بعد 5000 كم الحمد لله موضوع الحدفة ده خلاص انتهى ولا ايه
ربنا يباركلك فيها وانا ناوي على صيانة ال 5000 برضو قريب بس بفكر اروح عصام وصفا لاني تعبت في التوكيل عند صيانة الالف
وبالنسبة للسفر هي فعلا رهيبة انا سافرت كتير وكانت بتجيب ال 180 مرتاحة ولا تحس بحاجة معاها غير لما تبص على عداد السرعة
ربنا يباركلك فيها و يكفيك شرها... بس استخدمت زيت ايه لموتورك.
السلام عليكم يا جماعة انا معايا برسونا 2012 وبتجيب 170 بالعافية وبعد ما أقرص عليها جامد جدا والتسارع بتاعها مش عاجبنى وسحبها ضعيف انا مش عارف بتجيبوا الكلام دة منين لإما العربية معايا بقة فيها حاجة فهل فى حد ممكن يفدنى مع العلم العربية دلوقتى عاملة 4500 ك
أنت أوتو و لا مانوال ؟اقتباس:
المشاركة الأصلية كتبت بواسطة asser1
و كمان أخبار الصيانة أيه ؟
و البنزين اللي بتستخدمه أيه ؟
و الزيت اللي أنت مستخدمه أيه ؟
و ضغط الكاوتش كام ؟ (ده لوحده بيأثر على السرعة و أستهلاك البنزين كمان )
ثانيا و ده الأهم و الأهم
170 كم - س ........... ليه يا باشا ؟
و الله يا جدعان أنا بسافر على 100 و 110 بالكتير أو 120 على العين السخنة
مفرقتش من ساعة زيادة على الطريق !!
حياتنا مهمة مش رخيصة قوي كدا علشان نخاطر بها ....
لازم يكون عندنا مسئولية أكتر من كدا كشعب فرد فرد علشان نقدر نغير البلد دي للأحسن .
مبروك يا أستاذ هشام على الصيانة و عقبال صيانة 100 ألف و بعديها صيانة المليون .
أبقى قلنا أخبار التوكيل معاك ؟
كويس ...... وحش ........ ممتاز ...... جيد ........ جيد جدا ......
علشان ننقل آراء كل الناس (المضايق من التوكيل و اللي مش متضايق من التوكيل و اللي مبسوط بعربيته معندوش مشاكل مع التوكيل )
الف مبروك على الصيانة عقبال صيانة ال 100000000 انشاء الله
+111111اقتباس:
المشاركة الأصلية كتبت بواسطة tutankhamoun
ههههههههههه والله يا كبير كله متظبط أولا العربية أوتو ثانيا انا عملت صيانة الألف فى التوكيل الزيت طبعا اللى حطينه توتال ثالثا البنزين 92 رابعا ضغط الكاوتش الأمامى 31 والخلفى 28 زى ما هوة مكتوب على القايم أما بالنسبة للسرعة فأنا كنت بجرب العربية وبصراحة الموضوع دة معجبنيش فيها سحبها مش عاجبنى والكلام دة على طريق البحر الاحمر وكمان شد قصدى واحد زميلى معاه كيا سيراتو وانا كنت سا بقة بكتييرررررر لقته جابنى وعدانى وجربت الموضوع دة كذا مرة انا قولت يمكن علشان هية 110 حصان
والله يا استاذ توت انا شايف ان المعاملة في التوكيل جيدة جدا بصراحة وبفكر اروح في صيانة ال10 الاف اجرب عصام صفا بس قلقان عشان اسمع ان في ناس يتقولك خليك مع التوكيل احسن من مراكز الخدمة المعتمدة