اجيب ريو 2012 مانيوال و لا تنصحوني بحاجة تانية افضل ؟؟
عرض للطباعة
اجيب ريو 2012 مانيوال و لا تنصحوني بحاجة تانية افضل ؟؟
طب انت قلنا الامكانيات ايه فى حدود كام يعنى
بس الريو تحفة الصراحة .
الريو جيدة
وحسب احتياجاتك بردوو
انا عامة اخري في الفلوس 100.000 و اهم حاجة اسنهلاك بنزين قليل جدا و متكونش ورق( صاج بيستحمل )و قطع غيار متوفرة بكثرة خارج التوكيل و رخيصة !!
و انا فكرت في الصني بس سمعت انها بستهلك بنزين جامد و مش عارف كمان شكلها حيتغير ولا لأ ؟؟
بص اغلب العربيات الجديدة الصاج بيكون خفيف الريو لسه جديدة وقطع الغيار اكيد
هتكون غاليا لانها مش منتشرة فى الاول
الريو 1400 cc فيها خاصية القيادة الاقتصادية فى توفير البنزين + كماليات + توكيل مقبول
ابقى بص على الاوبترا 1600 برضه منتشرة + قطع غيار متوفر + مراكز خدمة منتشر
وسحب البنزين اقل ولكن التوكيل عليه كلام كتير والعربية تعتبر فاضية من غير كماليات
الصنى قريت كتير فعلا فى موضوع انه غول بنزين ولكن بيعملو تغير للضفيرة والموضوع بيتزبط
تقفيل مصرى + قطع غيار متوفر + توكيل محترم
من غير كماليات + فى شكل جديد هينزل السنة اللى جاية .
اى استفسار انا معاك
لا لية ... عربية تحفة
توكل على الله العربية تحفة و أنا شخصيا حجزت الهاي لاين
هو حضرتك تعرف السعر التقريبي بتاع الصني الجديدة ؟؟ و ساعتها ابفي اختا ايه لو في قريبين في السعر ؟
اوك
طب في حاجة افضل من الاتنين دول ..بس يكونوا في حدود ال 100.000
متابع
هات لانسر بومة فول اوبشن كسر زيرو
عربية تحفة ماشاء الله و ال 1400 موفرة في البنزين فعلا دا غير انه شكل جديد قدامه لسة فترة على ما يتغير
الصني الجديدة .... المانيوال هايبقي في حدود 95000
والاوتو هايبقي 110000-115000 تقريبا معرفش بقي هايبقي في فئة تاني ولا لأ
بس عامة هايبقي فيها الايرباج والabsوebd ستاندرد زي اللي موجوده
انا من راي استني وشوف ديه وشوف ديه
الريو طبعا علشان تجيب فيها ايرباج واحد حتي ب122000 ليييييييييييييييه مش عارف !!!!
ده غير انها مش واسعه من جوه انا قعدت فيها في المعرض قدام مكان السواق ومستريحتش خالص وكان معايا صديقي نفس الحجم تقريبا (3x ولا حاجة ههههههه) تقريبا كان قاعد علي رجلي ) .... لان قوايم الازاز داخله علي الكبوت كده مش زي السيراتو حتي .... مش عارف مكنتش مرتاح بصراحة
وورا لما رجعت الكرسي علي الاخر مكنتش واسعه زي الالنترا او الاوبترا مثلا
التابلوه شيك جدا ورائع ماشاء الله ....... بس خفيفة جدا والباب بتاعها لكنه صاج 0.2 مم ...... هوووا
مش عارف انا من رأي تستني الصني او تشوف التيدا الحالية
موضوع استهلاك البنزين ده فاكس جدا طبعا ...... لا مانيوال ولا اوتو
استهلاكها زي اي عربية 1600 ده الصني اقديمة
الجديدة هاتبقي 1500 سي سي...... والتيدا الحالية استهلاكها معقول
ومتنساش الاستخارة اهم حاجة وربنا ييسرلك الخير يارب
شكرا لكم جميعا
انا بفكر زيك بالظبط فى الريو بس الهاتش باك - شكلها تحفه -- بس محتار ازود الفلوس عشره الاف واجيب النترا ماتيك ولا اعمل ايه --على اسا ان كماليتها اكتر واوسع وكمان ١٦٠٠ سى سى مش ١٤٠٠ زى الريو --بجد حاجه تحير --- افيدونا يا اهل الخبره
انا معايا الريو انوماتيك , بس مش شايفها اقتصاديه في البنزين خالص , ممكن تكون مشكله عندي انا بس
بس لو هترفضها علشان 1400 يبقي لا مترفضهاش علشان هي سحبها اصلا احسن من عربيات كتير 1600
حتى مع تشغيل التكييف مش بتحس انها بتهنج او بتنخع ؟
لا خالص , العربيه انسي انها 1400 , انا بشد بيها عن عربيات 1600
التكييف مش بيأثر حتي السرعه 3 ممكن بعدها يقل سحبها على خفيف سرعه 1 و 2 و متأثرش على سحبها خالص , و هو اصلا تكيفها ممتاز
العربيه بالنسبه لتمنها ممتازه و فيها رفاهيه اعلى من السيراتو , انا جربت الاتنين , الريو تحس انها اوروبي و تقفلها ما شاء الله ممتاز