انا عارف ان العربية اما بتدور بتاخد الكهرباء من البطارية
طيب بعد ما بتدور البوجيهات والمرواح والكلام ده بياخدوا كهربيتهم من البطارية ولامن الدينامو؟؟؟؟؟
عرض للطباعة
انا عارف ان العربية اما بتدور بتاخد الكهرباء من البطارية
طيب بعد ما بتدور البوجيهات والمرواح والكلام ده بياخدوا كهربيتهم من البطارية ولامن الدينامو؟؟؟؟؟
من الدينامو و لو سير الدينامو انقطع بياخد من البطارية.
علاشان كدة تقدر تمشى لو بطاريتك ميتة. و برضة تقدر تمشى و سير الدينامو مقطوع.
الف شكر على الرد
بس كده انا عرفت انها بتاخد من الدينامو ونفس الوقت البطارية بتشحن من الدينامو
الكهرباء كلها ببتاخد من البطارية ، الدينامو دوره انه يشحن البطارية عشان متنامش لكنه مش بيدي كهرباء لحاجة.
لو بطاريتك بايزة تقدر تقومها بوصلة واول ما دارت تفضل دايرة عشان الدينامو بيشحنها لكن اول متبطل العربية حتحاج وصلة تاني. لكن البطارية لو نامت بس وهي سليمة تقوم العربية بوصلة وتمشي مشوار محترم البطارية حتتشحن وتدور تاني زي الفل.
اما لو سير الدينامو اتقطع العربية حتمشي لغاية البطارية متنام وبعدين العربية حتقف
بالظبط كدة و تقدر تقيس الولاعة مثلا هتلاقى الVolt بين 13 و 14 لما تبقى العربية دايرة و 12 و هيا مطفية.
اغلب الحاجات الى بتركب فى العربية بيبقى مكتوب عليها 12v لكن هيا فى الحقيقة شغالة من 11v الى 14v علاشان الموضوع دة.
والعربية دايرة بتاخد كهرباء من البطارية اللي بيشحنها الدينامو مش من الدينامو مباشرة والدينامو ممكن يدي شحن زيادة مع الحمل.
وفي العربيات الجديدة اللي فيها كمبيوترز كتير وبتعتمد على الكهرباء بشكل كبير ممكن تسل اخطاء لو الدينامو بيدي شحن ازيد من اللزوم مثلاً 16v وده يكون عيب دينامو مش بطارية
"بالظبط كدة و تقدر تقيس الولاعة مثلا هتلاقى الVolt بين 13 و 14 لما تبقى العربية دايرة و 12 و هيا مطفية" كلام سليم يا ابيزا عشان البطارية لوحدها بطلع 12v لكن مع شحن الدينامو توصل لـ 14v لكن ده مش معناه انه الكهرباء طالعة من الدينامو. الكهرباء مصدرها البطارية والدينامو دوره شاحن زي بالظبط شاحن الموبايل او اللابتوب
بصى تقدرى ترجعى للناس دية هيا مفسرة الموضوع كويس:
http://en.wikipedia.org/wiki/Car_battery
http://auto.howstuffworks.com/question219.htm
ابيزا .. سؤاله كان البوجيهات والمراوح بتاخد كهرباء منين؟
يمكن انا مش عارفة اوضح اللي عايزة اقوله لكن خليني احاول بمنتهى الوضوح ، كل الكهرباء بتخرج من البطارية الى علبة الفيوزات العمومية وتتوزع على المكان اللي هي رايحاه بعد كده. دي خريطة الكهرباء
دور الدينامو شحن الجزء اللي فضي من البطارية عند دوران المحرك وكمان يفضل يشحن فيها طول ما العربية دايرة عشان لو مشحنش البطارية حتنام والعربية دايرة والعربية حتطفي.
ده مش معناه انه نقول الكهرباء خارجة من الدينامو لكن ممكن نقول ان الدينامو بيدي شحن للبطارية
Alternators are used in automobiles to charge the battery and to power a car's electric system when its engine is running
http://en.wikipedia.org/wiki/Alternator
انتى ليه مصممه؟؟؟؟
قولتيلى انتى تقربى لاباظة مش كده :)
انا مصممة عشان انا صح !! الغلط في التعبير!! الدينامو بيدي شحن للبطارية لكن الكهرباء خارجة من البطارية.
عارف زي ايه ، لو آخر شارطة في الموبيل وعملت مكالمة (انت مستخدم الباطارية اها) وخلاص بيزمر وحيفصل وحطيت فيشة الشاحن في الموبيل حلو كده؟ هل يجوز انك تقول انه الموبيل مكمل المكالمة من الشاحن ولا من البطارية اللي بيشحنها الشاحن دلوقتي؟
هو ده الفرق اللي عمالة اوضحه بس مش اكثر. وهو ده الرد اللي على السؤال الأصلي اللي كان البوجيهات والمراوح بتاخد كهرباء منين. الإجابة من البطارية!
الدليل على كده انه لو الدينامو فصل لأي سبب او سيره اتقطع العربية مش حتطفي فوراً لكن بعد فترة من استخدام البطارية لوحدها من غير شاحن لغاية ما تفضى هيا كمان تقوم العربية تطفي.
احنا كلنا متفقين في نفس الكلام لكن الخطاْ في التعبير مش صح.
اوبااااااا
دخلتى فى سكه مسدوده
سبونى انا هتصرف معاها :)
شكلك نسيتى انى مهندس كمبيوتر ودارس الدوائر دى كلها
بالنسبه للالكترونات بيبقى موجود حاجة زى مفتاح لو متوصل كهربه بيفصل دائرة البطاريه ويقوم بشحنها وتوصيل كهربا للجهاز مباشرة
ولو مفيش كهربا بيوصل دائرة البطاريه لتشغيل الجهاز
ودى ممكن تجربيها بسهوله جدا لو عندك لابتوب
جربى وصلى الابتوب بالكهربا هتلاقى لمبة البطارية بتشحن ولو شحنت اللمبة بتطفى او لونها بيتغير حسب موديل الجهاز
جربى شيلى البطارية والجهاز شغال هتلاقى الجهاز لسه شغال عادى
(على فكره مش كل الاجهزه فيها الخاصيه دى) بعض الاجهزه لازم تشتغل من البطاريه وده طبعا سوء تصميم
بس اللى انا اعرفه من وانا فى ابتدائى ان العربيات لو شغاله الدينامو بيوصل كهربا للبطاريه للشحن ويوصل كهربا للعربيه
البطاريه لازمتها فقط انها تقوم الموتور فى البداية او تشغل اى حاجة فى العربيه لو العربيه مش دايرة
جربى دورى العربيه وشيلى البطاريه وشوفى هتطفى ولا لأ وقوليلى وصلتى لايه
هو الموضوع مش كل واحد عارف حاجة تبقى صح ؟؟
الواحد لازم يدور و يسأل و يقرا علاشان يوصل للرأى المظبوط.
انتى اول ما رضيتى عليا انا برضة شكيت فى نفسى 10% و قلت برضة اتاكد قبل ما ارد و جبتلك مرجع بيؤيد الى انا بقولة. لو انتى عندك راى مخالف ليا و لmimysheckles و لFLYINGPEUGEOT مش غلط طبعا بس هاتى مرجع بيأيد كلامك و يمكن يا ستى انتى صح و احنا غلط و اهو نتعلم حاجة جديدة منك.
ssafwat هانم عامله ايه..
.ابيزا باشا ومحمد باشا ناس زى الفل وكل غرضهم توصيل معلومه او تصحيح معلومه مش اكتر :)
زى منتى شايفه ال diagram اللى قدامك دى هيوضحلك وجهة نظرنا...
http://www.btinternet.com/~jhpart/bkwchr.gif
ايه رأيك بقه ؟؟
لو فهمتى حاجه منها ابقى فهمينى وننبى http://www.nilemotors.net/Nile/images/icons/icon10.gif
من الاخر يانجمة المنتدى :
البطارية طبعا تعتبر أهم جزء فى العربيه لحظة إدارة الموتور عشان بتمد المارش و اى قطعه فى السياره لها دور فى ادارة المحرك بالتيار الكهربى اللازم لإدارة محرك السيارة وكمان بتمد الفوانبس والانوار والأحمال الكهربائية الأخرى بما تحتاجه من تيار أثناء توقف المحرك أو أثناء دورانه بسرعات منخفضة ....فقطططططططططططططططط
وبعد ما يدور المحرك بصوره كامله بيحل الدينامو محل البطارية فى امداد مجموعة الاشعاااااااااال وجمييييييييييييع الأحمال الكهربائية الاخرى بالتيار المطلوب...شكرااااااااااااا
والله اعلم
اوكي انا فهمت من الرسمة اللي فلينج حطها .. نؤسف على المقاوحة المستمرة لردح من الزمان وشكراً على تصحيح المعلومة
الفرق بين اللي انا كنت فاهماه ان الدينامو موصل للبطارية ومنها لعلبة الفيوزات مش ان الدينامو بيدي البطارية عن طريق علبة الفيوزات. وعموماً انا حبص على الدورة دي في عربيتي للتأكد
نؤسف كمان مرة على الصداع
هو فعلاً بعد ادارة العربية المسؤل عن الامداد بالطاقة الكهربائية
هو الدينمو. حتى إذا كانت البطارية نايمة ممكن تدور بالزق بدون
لتحريك المارش "الموتور الكهربائي بالسيارة" اللي بيساعد الموتور "
موتور السيارة الميكانيكي" على بدأ الحركة لان الموتور لا يستطيع ان يدور
بدون مساعدة من المارش.
لكن ملحوطة صغيرة بس:
علبة الفيوزات والفيوزات ملهاش علاقة بالموضوع دة كلة
يعني لا لها علاقة بالشحن ولا اعادة الشحن!!
الفيوزات دي كل وظيفتها في الحياة انها تحمي الاجزاء الكهربائية
بالسيارة.
الفيوزات انواع وقدرات مختلفة ففي مثلاً 10 امبير و15 و20 امبير
اللي بيحصل ان مثلاً دايرة اضائة عدادات التابلوة مثلاً حصل فيها كهربة زيادة
او حصل فيها ماس كهربائي مثلاً فالفوز دة بيكون فية سلكة رفيعة جداً
فدي بتتقطع وبكدة بتحمي عدادات التابلوة من التلف.:)
فعلا الكلام مظبوط ياعنى انا مثلا كنت بشد عربيتى فا كان الى راكب الماتور والبطارية بس وكنت لما بفصل البطارية مكنتش بتقف علشان الدينمو مغزيها كنت لازم أشد سلك البوبينة علشان تبطل ..
tayeb ana shayef enkom 3arfen nos elma3loma bas we 3ashan akameloko elma3loma has2alko kam so2al wento tdawaro 3al egaba
leeh lama betkarek banzin wenta mnawar el nor beyefdal sabet, enor la bye3la wala byewta, sa7? law kan elkarharaba met'3azeya bil denamo elmafrod te3la w tweta ma3 zyadet elbanzin, wa7ed msa7sa7 bas 3al diagram hay2ole tab maho fe regulator!!
aoom sa2el so2al tany, efsel elbatareya we3mel nafs elklam hatla2e enor bey3la we yewta may karket elbanzin sa7?
garabo hatla2o ele ba2olo sa7, law 7aleto elfazora de hate3rafo bezabt eeh ele bye7sal bein
el dinamo (alternator)
wel batareya
wel katawet bta3 el dinamo (relay). shokran
yaba el7ag yasserwin
ele 7asal m3ak da 3ashan eragel kan 3amelak wasla direct min elbatareya ele heya bardo waselaha min el denamo lilbobina, mesh 3an tare2 el contact, 3ashan keda 3arabetak kanet betefdal dayra mahma tefel el contact aw tefsel elbatareya
:funny34d: