محتاج النصيحه فى شراء سياره

**mouradraafat** · 11-04-2012 05:06 AM

السلام عليكم انا عضو جديد ومحتاج المساعده بسرعه معايا 75 الى80 الف وبدور على عربيه مستعمله فى الحدود دى وفى واحد معرفه عنده اجانس وجايبلى عربيتين مستعملتين واحده سيراتو 2009 شكل جديد اوتوماتيك بس رشه حزام(ما عدا سقف) وعامله 35 الف كيلو ونيسان صنى مانيوال عامله 50 الف كيلو بس فابريق طبعآ انا لسه معرفتش سعرهم كام بس هما اقل من 80 تنصحونى بايه لوسمحتم

**bayantt** · 11-04-2012 10:21 AM

أنا لما كنت بدور على مستعمل فى الرنج ده أكتر حاجة لقيتها وحالات ممتازة هى الياريس وفى أسترا 2007 ولانسر

**Dr'AhmZZong** · 11-04-2012 08:01 PM

حضرتك محتاج إيه في العربية ؟؟

**Dr'AhmZZong** · 12-04-2012 02:56 AM

المشاركة الأصلية كتبت بواسطة mouradraafat

شكرآ للردود
عاوذ عربيه بنت حلال متتعبنيش فى صيانتها واحس ان غيرت وركبت جديد (كان معايا لانوس 99 ) كنت مهتم بيها بصراحه فكانت تحفه بس لسه بايعها النهارده ومعايا اسبوع مهله عشان اسلمها للراجل صاحبها كتر خيره قالى خليها معاك.فنفسى عربيه سيدان موتورها كويس وبتجرى و تستحمل كمان 8-10 سنين لان مش هغير بصراحهز

حضرتك كده عايز زيرو عشان يقعد معاك إن شاء الله المدة ديه .. بلاش مستعمل

حضرتك عندك رينو لوجان اوتوماتيك ..

لاما حضرتك لو بتحب منوال ممكن تزود اظن 5 الاف على 80 ألف و تجيب صني ex 2012 ..

**S O P H O S** · 12-04-2012 03:23 AM

موفق بأذن الله

**mouradraafat** · 12-04-2012 03:30 AM

طب لو فى نيسان صنى 2008 عامله 50000 كيلو و فابريقه بره وجوه ممتازه يعنى وعامله 65000 يبقى الفرق بينها وبين الجديد يساوى ال 22000 الفرق هو استفسار على فكره مش اعتراض على وجهة نظر حضرتك

**Dr'AhmZZong** · 12-04-2012 04:10 AM

المشاركة الأصلية كتبت بواسطة mouradraafat

طب لو فى نيسان صنى 2008 عامله 50000 كيلو و فابريقه بره وجوه ممتازه يعنى وعامله 65000 يبقى الفرق بينها وبين الجديد يساوى ال 22000 الفرق هو استفسار على فكره مش اعتراض على وجهة نظر حضرتك

يا حبيبي اختلاف الرأي لا يفسد للود قضية ..

أنا عندي فكرة حلوة أنا من رأي تاخد العربية و تروح توكيل نيسان و تكشف عليها كلها دلوقتي في كشف مجاني و لو مش مجاني بيبقى بـ 250 جنيه .. احسن مركز هو أتوا اجيبت ..

طلعت العربية تمام و مفيهاش مشاكل .. توكل على الله و خدها .. السعر بصراحة حلو

طلعت مش تمام .. يبقى ده نصيبك ..

تقبل تحياتي ..