احذرو هذه المحطة !!!!

**momo10000** · 09-06-2008 12:15 PM

اصدقائي الاعزاء

بالامس حدثت معايا مشكلة بسبب 15 لتر بنزين 92 من محطة التعاون الموجودة عند مطلع دائري المنيب من الهرم.

ودي اول مرة استخدم 92 من حوالي سنة او اكتر وقبليها بيوم كنت عامل صيانة ال 60000 في المقطم.

المشكلة اولها نتشا بسيطة ...وبعد كدة تقطع ومفيش سحب ...صوت تسقيفة في الطلعة ...وبعد كدة بقت تتطفي لوحدها.

طبعا قلبي وقع واتصلت بالرجالة في التوكيل وعالطول قالولي دا بنزين في مية كتير ، مشيت وحدة وحدة لغاية اما وصلت لامارات علي الدائري

وكانت رحلة عذاب. حطيت 30 لتر 95 والحمد للة الدنيا اختلفت تماما في لحظات .

المشكلة اني كنت علي وشك استخدام ال 92 والاستمرار علية ولكن في اول مرة يحصل معايا كدة كان شي محبط جدا وقررت الاستمرار علي ال

95 وربنا يكون في عون الجميع .

علي فكرة في محطة تانية مشهورة جدا عملت مع حد صحبي عندة ميجان نفس المشكلة مرتين وتاني مرة انا كنت معاة بالصدفة وعملنا مشكلة كبيرة

جدا مع صاحب المحطة وكانا عايزين نعمل محضر في الشرطة . الكلام دة من سنة .

المحطة هي موبيل الطيران اللي بجوار منصور للسيارات.وانا متاكد ان كتير حستغربوا من الكلام دة لكن واللة دة اللي حصل.

وشكرا

**medohai510** · 09-06-2008 12:23 PM

الحمد لله أن البنزين مأثرش علي الموتور في حاجة وتصرف جامد موت أنك حطيت فوراً بنزين 95 علشان تعادل الموجود وفعلاً العربيات الرينو حساسة جداً لدرجة أوكتان البنزين وحاول متمونش من أي بنزينة مشبوهة ألا عدد قليل من اللترات علي حسب الحاجة.

**Ramy_Tantawi** · 09-06-2008 12:33 PM

الحمد لله انها جات على قد كده وطبعاً تصرف سليم انك تلحق تحط 95 عشان تعادل الاوكتان زي ما اخونا medohai510 قال بالظبط وهانقول ايه بقى ربنا يجازي كل غشاش في البلد ويحاسبه ........حسبنا الله ونعم الوكيل في الناس اللي بتعمل كده والله.

عموماً الحمد لله ولو حضرتك حابب تحط 92 توكل على الله ماتقلقش كلنا هنا تقريباً بنحطه ومفيش مشاكل منه غير ان اول تفويله منه هاتحس ان العربيه بتسقف شويه عشان كانت واخده على 95 لكن تاني تفويله على طوله هاتكون العربيه اخدت على الاوكتان 92 وتمشي كويس بدون اي مشاكل ان شاء الله وده اللي حصل معايا لما نزلت من 95 لي 92 وطبعاً على قد ما تقدر بلاش محطات تعاون ومصر للبترول والحاجات دي وربنا يعينك ويعينا ان شاء الله .

تحياتي اخي الكريم,,,,

**momo10000** · 09-06-2008 12:42 PM

متشكر جدا علي الردود يا جماعة...

وانا فعلا لازم اتعود علي 92 بأي شكل وربنا يكون عون شعب مصر

شكرا

**cpa** · 09-06-2008 01:16 PM

حصل لي تفس الكلام مع شل المقطم من يومين

**l0new0lf** · 09-06-2008 03:24 PM

blash elm7tat el adema we khososan ele feha '3asel kter 3ashan law hanefred 7osn el neya we en enas de mabtekhletsh maya 3al banzin, khazanat elbanzin btkon adema wsa3at betsarab maya gawfeya ay mayet '3asel 3ala tankat elbanzin
(min waqe3 tagroba shakhseya)
we ba3den ya ragel manta kan 3andak ma7atet shell abl eta3awon de b7agat baseta wem7ata lesa gdeda

**M.Moustafa** · 09-06-2008 03:33 PM

طيب يا جماعة انا عربيتي ميجان جايبها من السعودية حطتلها مرتين تلاتة ورا بعض 92 وفضلت برضه تسقف ما بطلتشي تسقيف غير لما رجعت احط 95 تاني حد عنده حل للموضوع ده؟

**momo10000** · 09-06-2008 07:39 PM

متشكر Lonewolf علي ردك المنطقي.

وياريت يا جماعة كل حد عارف محطة بنزين فيها المشكلة دي يقولها عشان كلنا نتجنبها.

وشكرا

**Sharky** · 09-06-2008 08:49 PM

المشاركة الأصلية كتبت بواسطة m_moustafa800

طيب يا جماعة انا عربيتي ميجان جايبها من السعودية حطتلها مرتين تلاتة ورا بعض 92 وفضلت برضه تسقف ما بطلتشي تسقيف غير لما رجعت احط 95 تاني حد عنده حل للموضوع ده؟

هو إنت بتحط لها بنزين منين ؟