خلاص هات انت 100 الف وطلع من البلد:36_1_35[2]:
عرض للطباعة
تمام ... بس موضوع أسكان الشباب هتلاقي حتى الشباب الي مش عاوز يتجوز أو المتجوز جي يسجل اسمو ...
أزاي نضمن ان الشاب ميخدش شقة ويأجرها أو يبيعها ...
على الرغم من أن في شباب كتير بيبقى نفسهم حتى لو أوضة وصالة وحمام ومطبخ يتجوز فيها .
هل ممكن ننفذ مشروع شقق أسكان للشباب ... يسكنوها لمدة أربع سنين فقط ... بمعنى أننا نعمل شقة عبارة (عن حمام ومطبخ وأوضة وصالة ) فقط وومكن تصميم أخر يضاف عليها أوضة لطفل واحد بس بحيث نحد كمان ونحافظ على النسل والتعداد السكاني .
المشكلة مش في الجواز والفرح والشقة انتا هتبظبط الكلام ده لاكن الدخل بعد الجواز هيبقى نظامو ايه
بص يافندم البني ادم مننا ربنا خليقلو سينسور بيقدر يكيف نفسو على اي فلوس معاه واعتقد لو الشب اشتغل انشالله عامل ب ١٠٠٠ جنيه ومراتو اشتغلت انشالله حتى ب ٥٠٠ جنيه على كام طبخة كده في البيت هيقدرو يعيشو ويقضوها بالطول وبالعرض كده لحد ماربنا يفرجها ، احيانا كتير مبيبقاش في البيت غير ملليم بس بنقدر نعيش انشالله حتى نقضيها فول وطعمية ومسقعه او حلة بطاطس طبيخ وجمبيهم شوية رز او شوية فاصوليا مع رز مع شوية سلطة ووراهم كوبايت الشاي. ، لكن موضوع الشقه والفرش والمهر ده بيبقى عقبة في حياة اي شاب. فاحنا دورنا اننا نجوزو ونوفرلوا. الحجات الاساسية الي هو محتاجها ، اما كمان مش هنجوزو وناكلو ناقص شوية شوية يقلولنا هتولنا عيال ياجماعه بالمرة ؟؟؟
بس انا بجد نفسي نوفر سوبل الجواز بلقائات بحفلات بزيارات بمواقع على الانترنيت بالعفريت الازرق. في شباب كتير قادرين على الجواز. لاكن لايعرفون من فين يجيب عروسة
والله يابوحميد
الحل العملي والواقعي لموضوع صعوبة الجواز
.
إن مجلس الإخوانجية يصدر قرار .. بتحـــــــريـــــــم الشبكة والمهر واوضة الاطفال والنيش
ويبقا الجواز قاصر بس على خاتم ودبلة ومحبس
وأوضة نوم .... وبسسسسسسسس
من غير تكاليف إضافية ملهاش لازمة
والعفش ده كمان الحكومة توفره للشباب بالتقسيط من فلوس التأمينات الاجتماعية مثلا بفايدة بسيطة أوي
بس
ولو على الشقة ..
يتعمل وحدات سكنية برضو بالتقسيط زي المشاريع الي تمت زمان..وإتعمل منها سبوبة لناس كبار
ههههههههههه يا دكتور. مكنش يتعزولا كنوش خرطوه لوز ، يعني انتا لو عندك بنت هترضى تجوزها بلوشي كده ، انا عارف المسئلة مش مسئلة ان الناس بتربي جوزين فراخ علشان الفرخة تبيض وبعدين يبيعوها بسعر اغلى وان دي بنتهم مهما كان بس عارف لو الشب خد البنت بلوشي كده ولاشبكة ولامهر بتلاقي ميحافظش عليها ويفتكر انو واخدها هدية على علبة سمنة وممكن في اي وقت يطلقها وميحفظش عليها ده غير انو ممكن كل شوية يعايرها ويقلها ده انتي اهلك مصدقو انهم رموكي وزحلقوكي عليا وانا لبستك وشربتك في شباب. قليل الاصل كتير وانتا عارف شبابنا الادب والاخلاق بينقط منهم وبيغرق الشارع طول ماهما مشين فحضرتك لو ماشي مثلا ً في شارع عام ولقيت شب مديك ضهرو ومدي وشو للحيطة وعمال يطرطر في شارع عام. ده اكيد عندو فائض من الادب والاخلاق ولو لقيت واحد ماشي او حتى راكب عربيتو او واقف في الشباك وقام فاتح الشباك ولقيتو بيقول خخخخخخخخخخخ وقام تافف كده من شباك بيتهم وتيجي تفتو في اي حته انشالله حتى على راجل غلبان ياعيني ماشي في حالو فوق الرصيف ، فده حضرتك ادب واخلاق فائض عند الشباب بتعنا فما بالك لو جوزناهم بناتنا بلوشي هيعملوا فيهم ايه ههههههههههههه وتحياتي
المهم يا رجاله مين الى موافق ومين الى معانا ومين الى ضدنا
وانت يا ميدو باشا
معانا ولا مع الناس التنيين
واحمد فارما بعد ماتقوم كدا عاوزينك معانا يا كبير
وطبعا كل الاخوه الافاضل الى شرفوا الموضوع