الموضوع: ازاى تتجوز ب 1واحد بس

حبيب قلبي ، طول عمري اقول احنا عندنا مصرين عباقرة ، بس دايما بنستخدم عبقريتنا في الاذى طيب ليه ولو مره في حياتنا منستخدم العبقرية المصرية دي في الخير
انا شايف المشروع ده جميل جداً جداً بس محتاج اننا نتبناه وننشرو ونايدو
واللهي العظيم اني رحت من يومين مع واحد قرى الفاتحة بسم الله مشاء الله عجبني ابو البنت وقال انا المهم انك تستر بنتي والمهر مصحف كريم والشقة عند بنتي وانا هساعدك ببعض العبش وانتا حاول تجيب الباقي وانا ومعايا اثنين من زمايلنا قلنا هنفصلو المطبخ على حسابنا والراجل قال لا انا ولا امها هندقق في هتجيب ايه ومش هتجيب ايه بس المهم تسعد بنتنا وتحافظ عليها وتصونها

ده غير واللهي واللهي ان بقى في اسر مصرية دلوقتي كل هدفهم انهم يسترو بنتهم. ويشوفوها اتجوزت قبل ما يحصل لهم حاجة لاقدر الله ، وفي اسر مبقتش تدقق لا على المهر ولا على الشبكة ولا على شوية الهجايص دي ويقلك خد بنتنا بشنطة هدومها ، المهم تسعدها واوعه في يوم تنكد عليها او ترفع ايدك عليها
انا عمتي اتجوزت بالطريقة دي وبسم الله مشاء الله جوزها بقة ملياردير دلوقتي وعايش بره مصر

مشكلة شبابنا الهايج الثائر الي كل شوية ناططلك في ميدان التحرير انو شايف نفسو لا مستقبل له ولو اطنطط ورقص عشرة بلدي لايمكن يتجوز ابداً لكم مشروع قومي زي كده هيولد حتى امل لدى الشباب في ان بكرة افضل واهو اسمو نزل في الكشف ومستني دورو. وعلى فكرة شباب مصر مش كتير نظراً لمشروع جميل زي كده ده حتى مصانع الموبيلى هتشتغل وايدي عاملة هتشتغل والبلد تبتدي تشتغل ومن هنا تبقى نقطة تحول جميلة لبلدنا الحبيبة مصر ، في اكتر من امنية شاب انو يرجع البيت لحضن مراتو حبيبتو ويبقى نفسو يتكلم مع حد ويخرج مع حد ومش لاقي ومش عاوزو ينفجر انا اعتقد مبلغ مش كبير بس هيتعمل بيه الكتير الكتيررررر

تسلم يا غالي ، ده انا الي بحييك على الفكرة العبقرية دي ، الي شبابنا في امس الحاجة ليها ، انتو عارفين مبدء من مبادء التامين التكافلي انو كل الناس بتدفع مبلغ واذا لاقدر الله حد حصلو حاجة تلاقي الفلوس الي اتجمعت دي بيسحب منها على قدر تصليحه وطبعاً مستحيل الناس كلها يحصلها حاجة لا قدر الله فيبقى في تكافل بين الناس وتضامن
بس مع الاسف في مصر شركات التامين. هيا شركات نصب في نصب ، مفيش عندهم مبدء التامين التكافلي الاسلامي بما يرضي الله ، وفكرة الجواز الجماعي ده للشباب اعتقد لو كل اب دفع ٣٠ جنية فهو بيضمن انو في يوم من الايام هيقدر يجوز عيالو كلهم لمن يكبرو وميشلش همهم وهم جوزهم ، طالما داخل في اطار شرع الله وبما يرضي الله يعني كمان عوزين العبش الي يتقدم يكون عبش نضيف وجديد وحاجة محترمة واعتقد حتى الشركات والمصانع لمن تاخود منهم بسعر الجمله غير سعر القطاعي ، ومش بس كده افرض من الي هيتجوزو ووقع عليهم القرعة. فيهم سباك او مهندس او نجار او حتى خياط او منجد دول ياسيدي نديهم امتيازات شرط انهم يشتغلو في المشروع القومي كام يوم في الاسبوع فري بما يرضي الله فمثلاً الشاب الي ليه في السباكة لازم يعلم شباب تانيه فنون السباكة والتشطيب والتصليح والشباب دول يعدو على زمايلهم لز عندهم اي مشكلة. يساعدوهم ويصلحولهم المشكلة باجر رمزي
دحنا كمان من فائض الفلوس لو كل المصريين اشتركو فيه ممكن نشئ مصنع موبليا للعرشان وجميع التجهيزات المنزلية. بزمة وضمير ونوفر فرص عمل للعرسان المقبلين على حياتهم الجديدة

المشاركة الأصلية كتبت بواسطة amr_tika88

بصو ممكن كمان ندعمها بالصدقه وهيكون كمان في متبرعين لان فلوس الزكاة المفروض انها تصلح من احوال المجتمع

كلام سليم بس انتا عارف حضرتك ، من غير صدقة. ولا خلافو ، ماهو شوف. احنا عندنا ٨٠ مليون مواطن. احنا مش محتاجين من كل المواطنين ٣٠ جنية يعني لو قلنا ٤٠ مليون مواطن دفعو ٣٠ جنية هيبقى عندك الف ومتين مليون جنيه ده احنا مش بس نجوز شباب وبنات مصر ، دول يجوزو. نص شباب العالم كلوووو واحنا ممكن نبتدي نعمل حملة. المليون مواطن يبقى عندنا ٣٠ مليون جنيه دول ميجوزوش على الاقل ٢ مليون شاب وزيهم ٢ مليون شابة