استغاثه عاجلة لانقاذ احد مصابي مجلس الوزراء

استمرارا لمسلسل الاهمال بالمستشفيات الحكومية تعرض المريض احمد حسين عبد العزيز محمد 19 سنة (من مصابي احداث مجلس الوزراء) لحالة اهمال جسيم حيث دخل مستشفى القصر العيني اثر تعرضه لطلق ناري حيث استقرت الرصاصه اسفل منطقة البطن واجريت له عملية قطع مصران البراز وتركيب علبة خارجية لتسهيل خروج الرصاصه الا ان حالته ساءت وحدث انفجار في المصران (الزائده الدوديه) وقام الاطباء بالمستشفى باستبدال العلبة الخارجية للبراز .. ، وحتى الآن لم يتم اجراء عملية أخرى لإرجاع المصران لمكانه الطبيعي ويشكو احمد من الاهمال الجسيم من المستشفى وعدم معاملته كمصاب ثوره

وترجع قصه احمد الشاب الصعيدي القادم من محافظة سوهاج عندما قامت قوات الشرطة العسكرية والمظلات بفض اعتصام مجلس الوزراء وتعرضت احدى المتظاهرات لعملية سحل وتعريه من قِبَل الجنود وهو المشهد الذي تناقلته كل وسائل الاعلام آنذاك فما كان من احمد بشهامته الصعيدية ان قام يخلع قميصه على الفور وجرى ناحيه الفتاه لتغطيتها بعد ان عراها الجنود فكان جزاؤه رصاصه استقرت اسفل منطقة البطن .. !!!

فهل يتحرك احد من اجل انقاذ احمد مصاب مجلس الوزراء ... ؟؟؟؟

صورة لأحمد في المستشفى
http://www13.0zz0.com/2012/04/11/12/399875356.jpg

انا نشرت الخبر على صفحة مباشر 6 ابريل اللي يقدر يساعد في الموضوع دة ياريت يتواصل معايا
Wall Photos | Facebook

طيب و نساعد إزاى ؟
يعنى مفيش حساب مفتوح بأسمه مثلاً او من ينوب عنه ؟

و السؤال الأهم حضرتك عرفت القصة دى منين و لا هو معرفة شخصية.

اقتباس:

---

المشاركة الأصلية كتبت بواسطة ahmed a.maksoud

طيب و نساعد إزاى ؟
يعنى مفيش حساب مفتوح بأسمه مثلاً او من ينوب عنه ؟

و السؤال الأهم حضرتك عرفت القصة دى منين و لا هو معرفة شخصية.

---

حضرتك تقدر تساعده لو تعرف اي دكتور كبير في القصر العيني يشوف حالته ... او جراح متخصص من خارج المستشفى يتبرع بالكشف عليه ومساعدته

لأن احمد شاب بسيط بيشتغل نقاش وطبعا لأنه على باب الله وليس لديه مرتب او عائد مادي يصرف عليه فحالته المادية صعبه للغايه

اقتباس:

---

المشاركة الأصلية كتبت بواسطة ahmed a.maksoud

و السؤال الأهم حضرتك عرفت القصة دى منين و لا هو معرفة شخصية.

---

انا عرفته عن طريق احد اصدقائي الذي يعمل في المستشفى وقابلة بالصدفه حكى له وعرف حالته وصوره ... وبنحاول حاليا نساعده باي شيئ

مش عارف ليه حاسس ان الموضوع مش مظبوط
بغض النظر عن القصه العجيبه واللي لا يمكن طبيب يقتنع بيها
بس عايز أأكدلك ان الصورة متاخده فمكان نضييف ومش في القصر العيني

كما ان بطن الولد مفيهاش اي جرح جراحي مع انه في حالة وجود رصاصه زي ما القصه بتحكي وانه اتعمله عملية قص واعادة توصيل دي
حضرتك كانت هتتفتح استكشاف يعني جرح من اول البطن فوق لتحت ونشوف في ايه ويتعمل

ومفيش حاجه اسمها اننا نطلع الامعاء بره عشان الرصاصه تطلع ده كلام اكيد اللي قاله ميفهمش حاجه في الطب ولا حتى في المنطق
ثم لو كانت انفجرت الزايده صدقني مكنش هيبقى ده شكله وكان هيبقى ده تاني سبب يخلينا نفتح بطنه فتحه محترمه ولازم يتحول بعدها العنايه المركزه

الكلام كله مش ماشي خالص فهوا يا اما صاحبك فهم الكلام غلط او حضرتك ناقله غلط انما على الارض الواقع مفيش الكلام ده


تحياتي

بالمناسبه
في القصر العيني لا يوجد تفرقه ما بين مريض عادي ولا مصااب ثورة ولا مصاب في توك توك حتى!!!

وانا مش بقول القصر العيني بقا دار الفؤاد
لا القصر فيه اهمال كبير وكلنا بنشتكي منه وعارفين الفساد اللي فيه لكن كل ده كوم وان الكلام اللي مكتوب ده كوم لانه الكلام ده طبيا غير صحيح وخاطئ تماما....


تحياتي

اقتباس:

---

المشاركة الأصلية كتبت بواسطة hm414

مش عارف ليه حاسس ان الموضوع مش مظبوط
بغض النظر عن القصه العجيبه واللي لا يمكن طبيب يقتنع بيها
بس عايز أأكدلك ان الصورة متاخده فمكان نضييف ومش في القصر العيني

كما ان بطن الولد مفيهاش اي جرح جراحي مع انه في حالة وجود رصاصه زي ما القصه بتحكي وانه اتعمله عملية قص واعادة توصيل دي
حضرتك كانت هتتفتح استكشاف يعني جرح من اول البطن فوق لتحت ونشوف في ايه ويتعمل

ومفيش حاجه اسمها اننا نطلع الامعاء بره عشان الرصاصه تطلع ده كلام اكيد اللي قاله ميفهمش حاجه في الطب ولا حتى في المنطق
ثم لو كانت انفجرت الزايده صدقني مكنش هيبقى ده شكله وكان هيبقى ده تاني سبب يخلينا نفتح بطنه فتحه محترمه ولازم يتحول بعدها العنايه المركزه

الكلام كله مش ماشي خالص فهوا يا اما صاحبك فهم الكلام غلط او حضرتك ناقله غلط انما على الارض الواقع مفيش الكلام ده


تحياتي

---

اولا القصة عجيبه لأننا مع الاسف في بلد العجائب .. بلد لا يحترم فيها المواطن ... لا صحة ولا تعليم ولا كرامة

نقطة ان الصورة مش في القصر العيني فحضرتك لو عايز تروح وتطمن عليه بنفسك فهو موجود في قسم 28 جراحه ... ويبقى جزاك الله كل خير

والاطباء فعلا كان رايهم في البداية اجراء عملية استشكاف لمكان الرصاصه لكن هو حكي لي انه خاف من العملية دي وبعدها الاطباء غيروا رايهم وقرروا اجراء عملية قطع مصران البراز

اما بالنسبة للزايدة اللي انفجرت فهي لم تكن بداخل بطنه عند انفجارها ولكنها كان في العلبة الخارجية التي تم تركيبها خارج البطن وحصل لها تعفن وقام الاطباء بتغيير العلبة

صاحب القصة احمد حسين هو شاب بسيط عنده 19 سنة يعاني من اهمال شديد من الاطباء (كحاله كل مرضى المستشفيات الحكومية) حتى ان العملية اللي تمت له لم يعرف الهدف منها الا بعد عملها

بعد دقائق من نشر الموضوع على مباشر 6 ابريل جالي كمية تليفونات كتير جدا

- اتصل بي شاب مصري من سويسرا ومستعد لارسال دعوة لأحمد وعلاجه في سويسرا

- اتصلت مصرية من امريكا ومستعده لمساعده احمد باي شيئ

- اتصل بي واحد من المنوفيه ومستعد للمساعده

- اتصلت بي صحفية من جريدة الجمهورية وهتعمل تحقيق عن حاله احمد

- اتصل بي شاب من السويس ومستعد للمساعده

- اتصل بي طبيب وقالي هيحاول يتقله للقصر العيني الفرنساوي

- اتصل بي واحد من جمعية مصابي الثورة للمساعده

- اتصلت بي واحده من جمعية اصدقاء مصابي التحرير (اللي اسسها دكتور ابوالغار ودكتور علاء الاسواني ) لمساعده احمد في العلاج

- اتصل بي الحاج احمد زميلنا في المنتدى ومستعد لمساعده احمد ماديا

اللي عايز اقوله ... ان البلد دي فيها خير كتير قوي ... والمصريين في مصر وكل انحاء العالم النزعه الوطنية عندهم موجوده وجدعان قوي واكتر مما نتخيل

عمار يا مصر بجد