الموضوع: ايه رايكم فى الميه الخضرا دى ؟

المشاركة الأصلية كتبت بواسطة mesaharaty

وما هى حيثياتك فى هذا الحكم يا سيدى ؟
هل لديك أدلة موضوعية ؟ من فضلك تنور المحكمة .

يعنى الميه الملونة دى كده ماعليهاش أى إضافات حتى تخلى الواحد يتجرأ يشتريها ؟

أبن وأفصح
مش فاهم السؤال... يعني اول سطرين حاجة واخر سطر حاجة

يعنى انت يادوك تقصد بدل ميه خضرا دي نحط ميه مقطرة اللى زي بنجبها للبطاريه سائله
نجيب اززتتين ب5 جند ونفضيهم فى الاربه وشكرا ع كدة ولا ايه ياباشا ((:

المشاركة الأصلية كتبت بواسطة LORD.ADeL

يعنى انت يادوك تقصد بدل ميه خضرا دي نحط ميه مقطرة اللى زي بنجبها للبطاريه سائله
نجيب اززتتين ب5 جند ونفضيهم فى الاربه وشكرا ع كدة ولا ايه ياباشا ((:

بص ياباشا
لو عالمية المقطرة ممكن تجيب جركن 4 لتر من محلات اللوازم البيطري ب 5 جنيه او لو عندك مكيف فالبيت عبي ميه من اللي بتنزل منه (بس تكون تلاجة المكيف نضيفة)
بخصوص الميه الخضرا دي فيها كلام كتييييييييييييييير

هي لو مظبوطة... بتمتاز بان درجة غليانها نسبيا مرتفعة ودرجة التجمد منخفضة جدا جدا...حلو... المطلوب ان الميه دي يكون فيها ايثيلين جلايكول (وده احد انواع الكحولات) بتركيز معين غالبا ما يكون في حدود 33% مضاف اليه حاجة اسمها منظم للحموضة والقلوية (Buffer) عشان ميحصلش تغير فيها يؤدي لتآكل اجزاء دورة التبريد بفعل الايثيلين جلايكول

هل في ظروفنا الحالية حد يضمن وهو بيشتري حاجة انها اصليه ومعمولة مظبوط... ده الواحد بيشتري الزيت وهو حاطط ايده على قلبه... وياترى سليم وللا مغشوش

تاني هام... لو الردياتير بتاعك معمول فيه شغل يبقى خسارة الميه دي لوجود احتمالات التسريب وتبقى ضاعت عليك

تالت هام... الميه الخضرا لاااااااااااااااااااااااز م ولابد عند نقصها تتزود بميه عادية (مش خضرا يعني) ومشكلتها انها لو حصل نقص فيها وده اللي حصل معايا ده بيسبب ترسب المواد الدايبة فيها في مواسير الردياتير مما أدى عندي لانسداد كامل لدورة التبريد واضطريت اسفا اني افك الردياتير

المشاركة الأصلية كتبت بواسطة المنسي

ياريت حضرتك توضح لى النقطة دى علما بانى لما المية الخضرا بتنقص عندى بزودها برده بمية خضرا من نفس النوع لانى ببقى شايل معايا جركن بزود منه لما المية بتنقص

انت تؤمر يا حبيبي

بص ياسيدي... هناخد فرض كده للتوضيح
هنفترض ان الميه تركيزها 50% ده معناه ان كل لتر من المحلول نظريا فيه 500 جرام من المواد المذابة.... صح؟؟؟

وهنفترض ان دورة التبريد فيها حوالي 3 لتر... يبقى نظريا مذاب فيها حوالي 1500 جرام من الايثيلين جلايكول

طيب... حصل دلوقت نقص (نتيجة التبخر)... عادة اللي بيتبخر هو الماء فقط (درجة غليان الايثيلين جلايكول 197 تقريبا)... فاللي هيحصل ان الحجم الاجمالي للمحلول هينقص على سبيل المثال نص لتر فهيبقى عندك لترين ونص ميه فيهم 1500 جرام مواد مذابة...

يبقى هنا المطلوب فقط انك تعوض المياه المفقودة

طيب لو شفنا الوضع لما هتيجي تزود النص لتر الناقص ده بمية خضرا... النص لتر ده فيه حوالي 250 جرام مواد مذابة (حسب الفرض الاولاني) وانت هتزود لحد اما الحجم يوصل لــ 3 لتر...فهيبقى عندك مواد مذابة 1500 (اللي كانوا في المحلول من البداية) + 250 (من النص لتر اللي زودته) فالاجمالي هتلاقي التركيز بقى 1750 جرام في 3 لتر ميه بمعنى ان التركيز زاد

مرة في مرة التركيز هيبدأ يعلى لمرحلة ان المحلول مش هيقدر يشيل وهيبدأ يحصل ترسب للمواد المذابة وده طبعا هيؤدي بشكل مباشر لانسداد انابيب الردياتير

اتمنى اكون وضحت... واي استفسار انا فالخدمة