الموضوع: فانوس نيو النترا (الموضوع المثالي في 2012)

المشاركة الأصلية كتبت بواسطة koshary

لو الوش بس ممكن تشترى وش من التوفيقيه ويتركب ولا الباغه نفسها اتكسرت من جوه

الوش بس اللى انكسر بنسبة 20 % والفانوس نفسه كله سليم 100% .. لكن على ما أعتقد إن الوش الموجود فى التوفيقية صينى أو استثمارى الله أعلم وعلى كل حال عمره ما هيكون زى الأصلى .. ده حتى الفانوس كله صينى على الرغم إن سعره أكيد هيكون أقل بكتير من الأصلى إلا إنى لا أفضله لأنه لونه بيغير مع الشمس والعوامل الجوية وشكله هيبقى مختلف عن الجنب التانى وأنا جربت ده فى سيارتى اللانوس القديمة
من الآخر أنا عايز الأصلى وأفضل مكان سعره كويس وياريت أعرف إزاى أتأكد إن الفانوس أصلى مش تقليد ..

المشاركة الأصلية كتبت بواسطة mohab555

بص فى الاول الحمد لله على كل شىء
شوف يا سيدى انت قدامك حل من 2 و الى هقولهولك ده الصح :
============
1- هتنزل الحرفيين تجيبه اصلى استيراد وهيشلوا من على اخت عربيتك .
2-تنزل التوفيقة ومتلفش كتير .. عليك وعلى ابراهيم البنا هتلاقى عنده الاصلى و بنص ثمن التوكيل ..

شكرا لك ..
بصراحة أنا مع الاقتراح الأول بس المشكلة إنى عمرى ما نزلت الحرفيين ولا أعرف شكلها إيه ولا أروحها إزاى .. ويا ترى هيكون السعر إيه مقارنة بالأصلى الجديد ..

الحميد لله أخيرا اشتريت الفانوس بس مش أصلى هو تايوانى اسمه (ديبو) لكن زى الأصلى بالضبط فوق الممتاز وسعره 130 جنيه من عند المنير بأول شارع فيصل ... للأسف سألت الأصلى برضه معدى الـ 300 جنيه والصينى بـ 70 جنيه والتايوانى طبعا أحسن من الصينى..