عرض للطباعة
معايا فيرنا 2011 وتقريباً التكييف فيها ما فيهوش فلتر متعود لما اشغل التكييف وقبل ما اصل لنهايه مشواري افصل التكييف واسيب المراوح شغالة عشان تطرد شوية الهواء الساقع وبعدين أفصلها المراوح لما تبتدي تجيب هواء عادي ... بقالي فترة بعد ما افصل الكمبروسر ولما تبدتدي تجيب هواء عادي اشم ريحة وحشة او ريحة تراب مكتوم طالع من الهويات فياريت حد يقولي الريحة ده ايه بالضبط عشان بتضايقني .
وشكرا
بص ياباشا الفيرنا مش بتنزل بفلتر تكييف بالفعل وحضرتك ممكن تشترى فلتر انا لسة جايب واحد جديد من شهر من الوكيل ب60 جنيه.
وبالنسبة للريحة اللى حضرتك بتتكلم عليها ممكن تشغل التكييف على السخن ربع ساعة وبعدين تشغله على البارد عشر دقايق مش هتلاقى ريحة ان شاء الله .
-حاول متدخنش فى العربية وانت مشغل التكييف
-ولما تغسل العربية بلاش تضخ مياه جامد فى هوايات التكييف
-ماتحاولش تستخدم الدورة المغلقة للتكييف طول الوقت
وده برضه على حد علمى والاخوه الافاضل برضه ممكن يفيدوك اكتر
طلع الفلتر و نضفه لو فيه
و تشتري منظف تلاجة تكييف من ليكوي مولي ب 60 جنيه و ده تحطه و تشغل مروحه التكييف من غير كومبريسور و تسيب العربية مقفولة لمدة 10 دقائق و المكيف شغال و العلبة شغالة بطلع المادة في الهواء و بعد كده افتح العربية هويها ...
و ادعيلي ...
سلك خرطوم فايز الثلاجة بتاعة التكيف وهتلاقيه في صدر العربية من اسفل