طقم شنبر ولا موتور

**melkhamy** · 12-04-2012 12:27 AM

انا عندى مشكلة حصلت فى الفيليشيا 97 مكيف وياريت تنجدنى بالحل
معلش حسرد الموضوع من البداية
كنت مركب فلتر 8خرم وانا بغير الزيت وبعدها بيومبن لمبة الزيت نورت خرجت مشوارين على كدة ولمبة الزيت منورة وبعدها لقيت دخان أبيض كثيف جدا بيخرج من الشكمان رحت للميكانيكى قاللى العيب فى الفلتر كان بياخد زيت وميوصلش للموتور وبكدة الموتور عايز طقم شنبر.
ميكانيكى تانى رأية اغير الموتور واجيب موتور استيراد وكدة لان فيه بوجية كل شوية بيجيب زيت وعملتله كرسى مؤقتا لان الزيت فعلا بينقص بسرعة.
ايه رايك ياريت تساعدونى طقم شنبر ولا موتور جديد ولا ممكن يكون الحل ابسط

**Ahm662** · 12-04-2012 12:47 AM

هات موتور شرت بلوك (يعني موتور بدون أدوات تغذية )ها يعمل في حدود ١٥٠٠جنيه و اريح من موضوع العمرة ووجع الدماغ ده . أنا بفكر اجيب واحد لاني داخل علي عمرة واريح دماغي من القصة دي .في محل في الحرفيين واحد قالي ده متخصص اسكودا اسمه آل فرح .يا ريت طلب من الأعضاء اللي يعرف المحل ده يقولي هو فين

**melkhamy** · 12-04-2012 02:45 PM

يعنى فعلا ملهاش حل غير موضوع الموتور اريح
طيب ياريت لو حد يعرف ميكانيكى سكودا يا جماعه يكون كويس

**sakr_skoda** · 12-04-2012 07:32 PM

هات موتور شرت بلوك (يعني موتور بدون أدوات تغذية )ها يعمل في حدود ١٥٠٠جنيه و اريح من موضوع العمرة ووجع الدماغ ده .

صح كدا........................

**sakr_skoda** · 13-04-2012 03:35 PM

المشاركة الأصلية كتبت بواسطة ahm662

ازيك يا ريس ايه الأخبار .........أنا بقا اللي جبت آخري مع الموتور بتاعي و خلاص لازم يتغير .أنا عايز موتور انجكشن ١٣٠٠. ايه رايكوا .و استهلاكه ايه في البنزين (هو لازم ٩٠ أنا عارف بس لو استهلاكه حلو مفيش مشاكل ).......آخر حاجة بقا مين اللي بتاع اسكودا استيراد في القاهرة . وبورسعيد ايه نظامها .

سلامتك يغالى شوف الأنجكشن ممكن تلاقية بسهوله جدا وارخص كمان من الكربرتير ليييييييييييه لعدد اسباب*

قطع غيار الأنجكشن صعبة شويه وغالية جدا ودى فرصة عظيمة للغش فى قطع الغيار وطبعا البنزين لا يقل عن 90 ....
اما الكربتير دا صعب شويه تلاقية بس موجود فى بور سعيد والمنصورة والسبتية وسعره ممكن يوازى سعر النجكشن قطع غيار الكربتير موجودة عن البقالين والعطارين وكل الناس واسعارها فى متنوال الجميع وبيمشى ببنزين 80 وبيبوس ايدو وش وضهر وعلى فكرة موتور الكربرتير بيتحمل جو وتراب وطرقات بلدنا العزيزة....

**Ahm662** · 13-04-2012 06:23 PM

أصل كده يبقي الانجكشن عيوبه أكثر من مزاياه (ده كفاية انه ٩٠ مش ٨٠ )يبقي خلينا في الكربراتير اريح للدماغ . طب ايه رايك في اني اجيب شرت بلوك و فتيس ١٦٠٠ و اسبراتير الكتروني واغير فلاتر و زيوت وحبة حركات كده و القصة كلها ما ها تخشش في ٣٠٠٠ جنيه . مش كده يبقي حلو ولا رايك ايه

**sakr_skoda** · 13-04-2012 11:34 PM

المشاركة الأصلية كتبت بواسطة ahm662

أصل كده يبقي الانجكشن عيوبه أكثر من مزاياه (ده كفاية انه ٩٠ مش ٨٠ )يبقي خلينا في الكربراتير اريح للدماغ . طب ايه رايك في اني اجيب شرت بلوك و فتيس ١٦٠٠ و اسبراتير الكتروني واغير فلاتر و زيوت وحبة حركات كده و القصة كلها ما ها تخشش في ٣٠٠٠ جنيه . مش كده يبقي حلو ولا رايك ايه

طبعا دا كلام سليم لن الموتور الشرت بلوك اوفرلك بكتير يعنى انتا حتشترى موتور بدون وحدات التغذية وتنفقل الوحدات من الموتور القدية وتحتها فى الموتور الجديد ودى عادة بتكون سليمة