ان شاء الله +11111111111111111111111111111
عرض للطباعة
مبروك لابو اسماعيل
وفعلا قضائنا بخير
انا كنت شكيت ان خلاص مبقاش عندنا قضاء بعد قرار الافراج عن المتهمين الامريكان في قضية التمويل الاجنبي
ملحوظة : انا مش مؤيد لابو اسماعيل لكن احترامي للراجل ده بيزيد يوم عن يوم وبدات أتعاطف معاه فعلا
اللي بيتكلموا عن الدعاية عايز اقولهم
يا ترى المسئول دا نزل يعد البوسترات اللي في الشوارع؟؟؟!!!!!
يا ريت الكلام يبقى معقول شوية ونحاول نفلتر الكلام.. دعاية ابو اسماعيل كلها بوسترات من اللي ب10 قروش ..لا فيها اعلانات في صحف وتلفزيون ولا اعلانات مضيئة ولا غيره .... يعني 100 الف جنيه مايسبوش ولا حته فاضية على الجدران ولا الاسفلت حتى مفيهاش بوستر..
والشيخ مبيدفعش فيها مليم..
وعموما لما يبقى يثبتوا الكلام دا نبقى نتكلم ونقول سفه ومبالغة .. مش جعجعة وخلاص..
ياريس الشيخ حازم بيصرف من حر ماله وكمان فى ناس كتييييير من مؤيديه اللى انت وانا بنشوفهم بعيونا فى كل حته بتساعده وتسانده من غير حتى هو مايعرف وبعدين محدش يقدر يعرف او يدلل على ان الراجل مبيعملش خير من صدقات وخلافه ..وانت وانا وغيرنا ميعرفش هو بيصرف قد ايه فى الخير ...ياراجل دى الناس عيطت امبارح على الشاشات لما سمعت الحكم لانهم كانوا عايزين كلمه واحده بس وهى الحق..ايوه ان الحق يرجع لاهله والشيخ حازم كان اهل له فى القضية دى.
انا مش هنتخب الشيخ حازم صلاح...وهنتخب شخص اخر لكن ده ميمنعش ان فى شعبية كبيرة للراجل ده قبل موضوع المؤامره دى...والداخلية والخارجية اللى امهم هى اللى طلعت امريكية بجهلها وغبائها بتلعب لعب عيال صغيرة .
ناس كتير بتحبه وانا بحترمه حتى ولو هرشح واحد تانى مش معنى كده انه مجهول وملوش شعبية وبعدين اللى عايز ينتخبه يروح ينتخبه واللى مش عايزه هو مفرضش عليك انتخابه زى مبيعمل غيره وروح انتخب غيره بس كفايه بقى افتراء على الراجل بعد ماربنا من فوق سبع سموات اظهر حقه للعالم كله
عايزه انتخبه ..مش عايزه قل خير او اصمت
شيخ حازم اعلم انك بشر وان كل افعالك محتملة للخطأوللصواب
واعلم ان لك مؤيدين كثر
واعلم فى قرارة نفسى اننى لن انتخبك لانى ارى الافضل من وجهة نظرى فى هذه المرحلة
ولو قدرك الله حاكم علينا سأرضى بقدرة الله يمكن تبدل احلامى للافضل
واعلم انى احبك فى الله
فدع القافلة تسرى بإذن الله
هو فيه إيه يا جماعة ... من بليل و أنا قاعد بسمع مبروك لشيخ حازم ليه مش عارف ... كل اللي حصل إن القاضي ألزم الداخلية انها تدي شيخ حازم إثبات إن والدته مصرية أو أجنبية بس مش أكتر الحكم ماثبتش انها مصرية أو أمريكة ...
امبارح فيه كذا محلل قال إن والدة الشيخ حازم لو طلعت أمريكية أو أي دولة تانية و مخدتش موافقة من الداخلية بلإحتفاظ بالجنسية المصرية (على فكرة أنا واخد موافقة من الداخلية بالإحتفاظ بالجنسية المصرية لما خدت الجنسية الكندية) كدة الجنسية المصرية بتاعتها سقطت
من الأخر مفيش حاجة حصلت أصلاً علشان الواحد يبارك و يهني كمان ... و كان فيه محلل في القانون أو حاجة زي كدة قال إن القانون ميقدرش يلزم جهة حكومية انها تعمل حاجة و فضل يقول أنا مش فاهم ازاي القاضي قال حكم زي ده
جزى الله خيرا كل من شارك في الموضوع ولو اختلف معنا , كفى أنه شرفنا
فالإختلاف في الرأي لايفسد للود قضية
اللهم ولّ علينا خيارنا ولا تولّ علينا شرارنا
وصل اللهم وسلم على الحبيب محمد
جزاك الله خيرا يا شيخ خالد
والف مبروك للشيخ حازم رغم انف الحاقدين و .... ولا بلاش
الحمد لله على هذا الحكم الذي اظهر صدق الرجل واظهر المؤامرة التي كانت تدبر ضده واظهر كذلك ان الاعلام المصري مستمر في عدم النزاهة وعدم الشفافية وعدم الحيادية وعدم المصداقية .... خاصة عندما يتعلق الامر باي شيء يتصل الاسلام والمسلمين
انا مش من انصار الشيخ حازم ولن انتخبه واعلنت كدة مرارا واعلنت الاسباب في اكثر من مناسبة
لكن ده لا يمنع اني احبه واحترمه واحمد الله ان أيده ونصره في هذه المحنة .... إن الله يدافع عن الذين ءامنوا
الف مبروك للشيخ المحترم حازم صلاح ابو اسماعيل والف مبروك لأنصاره ومحبيه ومؤيديه