الموضوع: Exclamation عايز اشترى gen2 ومحتاج نصيجه

عربية ممتازة بس للي يفهمها ويحبها يعني مش اي حد يركبها
قطع الغيار مش بالصورة دي ولكن التوكيل اسوء ما فالسيارة
ولكن اذا مقتنع بيها يبقي تستحمل شوية مقابل عربية متميزة
اخر شئ افضل انك تجيب موديل 2008 فاعلي ( مجرد راي )
ولو مانيول افضل لو بتحب تسوقه
تحياتي

نصيحه بلاش 2006و7 خليك فى 8 وطالع

بص خليك فى موديلات 2008 وانت طالع لانى كانت معايا 2006 وكان فيها عيب غريب ودوخت لغاية معملتو والناس قالو انو كان نازل عيب صناعة

المشاركة الأصلية كتبت بواسطة mido_soliman

لو لفيت شوية فى القسم حتلاقى سواء فى المواضيع المثبتة او العادية اللى انت عايزو وزيادة
لكن تعقيبا على موصوع قطع الغيار
هى مش اعلى من كل الكورى طبعا وسعر قطع الغيار انا شايفة فى التوكيل غالي بطبع كل التوكيلات وبرة التوكيل عادى جدا مقارنة بفئتها وسعتها اللترية
متقلقش من موضوع قطع الغيار دة خالص
توافر قطع الغيار فى التوكيل اة احيانا كتير بيبقى فى مشكلة عندة فى الحتة دى
لكن برة التوكيل حاجتها كلها موجودة فى الحرفيين ودمشق والتوفيقية
وانت مفيش ضمان وبالتالى معندكش مشكلة مع الوكيل ابدا
العربية محترمة وتستاهل فلوسها بس اهم حاجة تروح تكشف عليها فى التوكيل
واى خدمة انا موجود

الف الف شكر على الرد الوافى بس معلش حاتقل عليك

يعنى كلامك معناه انا قطع الغيار بره التوكيل كلها متوفره وباسعار اقل من التوكيل

وياريت لو تقدر تقولى مستوى اسعار قطع الغيار الخاصه بها مقارنه مثلا بنوبيرا او لانسر او فيرنا

ولو عايز ارفع العربيه ف التوكيل هل باحجز الاول ولا اروح على طول وممكن ياخد كام انا عارف انى سالتك يجى الف سوال بس والله محتار وبدور على حد يساعدنى خصوصا ان العربيه مش ناس كتير تعرف عنها كل حاجه

المشاركة الأصلية كتبت بواسطة ahmed1006

عربية ممتازة بس للي يفهمها ويحبها يعني مش اي حد يركبها
قطع الغيار مش بالصورة دي ولكن التوكيل اسوء ما فالسيارة
ولكن اذا مقتنع بيها يبقي تستحمل شوية مقابل عربية متميزة
اخر شئ افضل انك تجيب موديل 2008 فاعلي ( مجرد راي )
ولو مانيول افضل لو بتحب تسوقه
تحياتي

شكرا على النصيحه ياباشا انا عموما مش من هواه التوكيل لانه بيزعل وخصوصا ان العربيه مش حايبقى فيها ضمان انا بتكلم عن بره التوكيل العربيه هل حاتسوح بيها يعنى مراكز الصيانه وقطع الغيارواسعارها وكده يعنى وبالبنسبه لموضوع 2008 هل فى مشاكل فى 2006 و 2007 لان واضخ من الردود انك مش الوحيد الى بتحذرنى هو عموما انا بالنسبه لى اركب احدث احسن بس المشكله ف المبلغ الى معايا لو تقدر تقولى متوسط اسعار الموديلات من 2006 الى 2008 تقريبا لو مانيوال وتكون فابريقه فعلا يبقى كام

واسف ع الاطاله

المشاركة الأصلية كتبت بواسطة mohamed5800

بص خليك فى موديلات 2008 وانت طالع لانى كانت معايا 2006 وكان فيها عيب غريب ودوخت لغاية معملتو والناس قالو انو كان نازل عيب صناعة

الف شكر على النصيحه المهمه بس كان ايه العيب الى معاك وهل 2006 و 2007 بهم مشاكل فعلا

وياترى 2008 مانيوال فابريقه تعمل ف حدود كام ولو تعرف اسعار الموديلات الاقل برده ياريت

وشكرا

السلام عليكم