المشاركة الأصلية كتبت بواسطة mrwaeldawood
السلام عليكم ورحمة الله
احب اشكر صاحب الموضوع اولا لانه فعلا اختار سيارتين يمكن مقارنتهم ببعض
وانا شخصيا كنت محتار بين الاتنين وكنت هاشترى السول
انا شغال فى السعوديه سعر السول النصف اوبشن هنا 66 الف ريال صناعه كورى بس عيبها انها مفيهاش abs فى موديل 2014 (انا بتكلم على النصف اوبشن) وانا لفيت على كل معارض الجبر علشان اتاكد وفعلا وكانت صدمه لانى كان نفسى فيها علشان عندى زوجة وطفلين ، لكن الفل اوبشن فيها وعامله 72 الف ريال
الجوك هنا موديل 2014 يبانانى تقفيل يابانى 100% وفيها كل انظمة الفرامل فى كل الفئات
انا الحمد لله حجزت ال sl t20 النصف اوبشن وبرده سعرها 66 الف ريال
الشكل ممكن يكون مستفز لبعض الناس ومشكلة فى اعادة بيع السيارة بالنسبة للجوك وايضا السول بس السول ارحم شويه والناس اتعودت على شكلها
حاجة اخير قبل ما انسى الجوك تنك البنزين 52 لتر وده اللى مكتوب فى المواصفات اللى طبعتها للسيارة من وكالة العيسى عندى فى الرياض
واخيرا تحياتى مرة اخرى لصحاب الموضوع وكل المشاركين .