هههههههههههه. حبايب قلبي والله ، بصو احنا ناجر ميكروباص. ونطلع رحلة لمحافظات واقاليم مصر. ونلف كده. محافظة محافظة ونتعارف على بلدنا الحبيبه ، ده انا مره رحتلكم بور سعيد وياحبيبي على بورسعيد حياتي كلها في بورسعيد ، مش عاوز اقلكم غير انهم بياكلو سمك كتير هناك والفسفور بجد بجد عالي اووي اوووي هناك وملع لع . تلاقي البنات هناك بيمشو منورين كده بسم الله مشاء الله والله اكبر عليهم. تقلش لمبة ألاوززز ، كنت زمان كل اسبوع لازم خميس وجمعة تلاقين في بورسعيد. وننزلك حلبة ولا حلقة السمك ونروح نجبلك السمك البلطي سته سبعة كيلو كان الكيلو بخمسة جنيه بيسموه شبارة هناك على كمان اربع كيلو سمك بوري على تلاته كيلو كبورية. ، ونروح نوديهملك على اي فرن ياخود تقريباً خمسة جنيه ونخلي الراجل بتاع الفرن يلفهملنا لفه حلوة كده في صندوق جزم ولا شربات علشان ممنوع ندخل المؤكولات فندق القوات المسلحة ونعقدلك كده في البلكون على الارض ونعصرلك اللمون ونديها ونقعد ناكول ناكول لغايت منبقى نفسنا ننده على اي حد في الرسيبشن تحت علشان يجي يرفعنا من على الارض ويابلاش السمك هناك وكل الكلام ده كلو مكلفناش غير ملاليم ، مش عاوز اقلكم في الفندق واخدين سويت يعني جناح ب ٣٥ جنيه فندق القوات المسلحة الي على البحر. وونزلك كمان السوق ونبعض لبس على جزم على قمصان وتشيرتات حاجة كده مستورده كمان بملاليم وكان الحلاوة ان ابن عمتي في القوات المسلحة فمكناش بنتفتش عند البوابة الله يرحم ايام زمان يا اخي ، بس كده بلاش بقة احكيلكم على قصتنا مع رشا ونرمين حب حياتي والله ، رشا دي كانت الخالق نجلاء فتحي. تقلش فولة واتقسمت نصين ، ولمن فاتحت اهلي بالموضوع بصيت لقيت الحجه بتقولي ياااااااااااااه بورسعيد يبني الي يودينا لغايت هناك ، انا رجليه مش قادرة تشيلني ، يمه ياحبيبتي هو احنا رايحين مشي مافيه عربية ،. بصيت لقيتها بتقولي يبني الطريق طويل لغايت هناك ، يمه ربنا يخليكي مسافة ما اشغلك شريط عبد الحليم. عقبال مالشريط يخلص هنكون وصلنا ، تقلي : وانا هسمع شريط عبدالحليم طول الطريق اقولها يمه تعالي وانا هحطلك نجاة الصغيرة وفيروز كمان بس ابوس ايدك تعالي وخدتني على قد عقلي وكل ما اقولها يالله تقلي لا اصل بغسل يمه يالله لا اصل ظهري بيوجعني وقعدنا على الحال ده يجي سنتين. ربنا يسامحك يمه ياترى انتي عامله ايه دلوقتي يارشا كل شيء قسمة ونصيب بس كل ما اسمع سيرة بو رسعيد الاقي قلبي ياخي مش عارف بحس انو يبتدي يعمل بوووم بوووم وتزداد عدد ضرباتو ، بس كفاية كده باه علشان مزودش عليكم الجرعة شباب تعبان ههههههههههه
[youtube]http://www.youtube.com/watch?v=NoYZzHZG7VY&feature=youtube_gdata_player[/youtube]
المفضلات