المشكلة ياشباب أن المسلسلات التركية لحسة مخكم ... بيبقى الشاب قاعد بيتفرج ويقول عاوز وحده زي نور والي جمبو بيقول لالالالا انا عاوز وحدة زي لمــــــــــيس والثالث قاعد يقول لأ انا عاوز أتجوز أخت مهنـد ... وصباح الجمال ، وصباح الشباب المحششة على الصبح .
وحتى البنات ... تلاقي في بنات من النوع الهبلوني ، كل ما أبوها يجبلها عريس تقلك لالالا انا عاوز واحد زي مهند ولا عاوزة واحد زي حسين فاهمي ... طيب وياعيني باباها هيجبلها مهند ولا حسين فهمي منين بس يارب والي عاوزة واحد شبه كريم عبدالعزيز وعايشين في عالم تاني خالص ... حتى بتلاقي بعض البنات الجمال مع الاسف تبص تلاقيها ماشية مع واحد سواق ميكروباص ولا واد بتاع توتوك لمجرد ان عنيه خضرة وشعرو مسبسب .
فعلاً مشكلة المسلسلات التركي وتأثيرها على حياتنا ... وبالذات لمن تقعد تتابع متين وعشرين حلقه تلاقي نفسك عايش جوه المسلسل مع نور ومهند وكمان متابع يحيا عمل ايه مع لميس في مسلسل سنوات الضياع ... وياترى صالح لميس ولا لسه ... وجومنا هيا وجزها يعني مبيخلفوش ولاد ... وهيتجننو ياعيني عوزين حتت عيل ... يا أبني اللزينه حد يكون متجوز وحده زي جمانا وميعرفش يجيب منها عيل ده انا لو كنت أتجوزتها كان زمان مخلف منها مدرســــــــــــــة .
بس برضو وبرجع ياشباب بصو شوفو كده السحنة دي ...
طبعاً كلنا عارفينها أخت لميس الصغيرة ... شايفين السحنة دي ... دي سحنة بنات مصريات كمان مع الفرق أني دي بتتعشا كوباية زبادي على شوية مربه والبت المصرية بتديها لانشون وجبنة وبسطرمة بالثوم على شوية فجل وجرجير أخضر وتنام .أو تقوم ضربا طبق الكشري التمام من عند لهاليبو او منجها بالليل كده .
طبعاً هتقوليلي أزااااااااااااااااااااااا ي ؟؟؟ السحنة دي والخلقة دي خلقة بنت مصرية هقولكم أه ؟
خود الصورة ودخلها على الفوتوشوب ولبسها حجاب وهتلاقيها بالضبط شبه اي بنت مصرية مشية في الشارع ... مع فارق دي بحجاب ودي من غير ... دي بتفطر قشطة وبطاطس والتانية طعمية وفول ... دي عنيها زرقا والتانية عنيها سود .
المهم نصيحة ليكم ياشباب ... خليك واد صياد ، وتعرف تنقي ، كان في زمان في مدربين كده بيروحو لدوري الناشئين من بعيد كده يقولك الواد ده لعيب وليه مستقبل ... وهنزلو ونج يمين في المنتخب ... مع ان العيال لسه كتاكيت بس من بعيد كده تقدر تنشن وتحدد الواد المحترف من الي ملهوش مستقبل .
فالقصد مش كل عروسة تشوفها ترفضها ... هيا ديتها بس ساعة زمن عند اي كوافير واتفرج عليها تبقى عاملة أزاي .. مع شوية الكحلة على الماسكرة على حتت قلم روج تختلف 180 درجة ... بس انا عاوزك كده يابطل تركز ... ومتخليش المظاهر الخارجية تخدعك ... وتحياتي .
[youtube]http://www.youtube.com/watch?v=JF4anHbga0s&feature=relmfu[/youtube]
[youtube]http://youtu.be/JF4anHbga0s[/youtube]