الموضوع: للبيع عربيه اوبترا معاقين كامله اتوماتيك مواصفات خاصه جدا

المشاركة الأصلية كتبت بواسطة hossamsmsm

ياباشا ولا يهمك كل واحد وراحته
بس حضرتك هتلاقى الاوشنز ديه فين ( فرامل abs و airbag و كراسى سخانات و سى دى تشانجر و طارة مالتى فانكشن ) فى اوبترا ؟؟؟؟
لا طبعا علشان هى مش بتنزل مصر كده
وفى حاجات ممكن تركبها وحاجات لا زى الكاسيت انما الباقى لا
يبقى كده الفرق هيبقى كبير جدا
وعلشان كمان انا مقولتش لحضرتك انى ببيع على 60 الف علشان يبقى الفرق 5000 جنيه
انا ببيع على 55000 وكمان قولت لحضرتك مش هنختلف على الفلوس يبقى كده الفرق بقى ازيد من 10000 ده غير الاوبشنز الزياده اللى فيها اللى بقت من غير فلوس
وعامه ياباشا معرفه خير ان شاء الله
وكنت سعيد جدا انى اتشرفت بمعرفه حضرتك

وبعدين حضرتك بتبيع بسعر مبالغ فيه جدا
متزعلش مني انا بقولك لاني بروح مع صاحبي ده بنجبله عربيات من الجمرك وعارف اسعارهم انا جايبله اول السنه اوكتافيا 2005 كامله بسخنات وفاتحه سقف وكهربا كلها و8 ايرباج مش 2 زي عندك ب42 الف جنيه بترخصها فحرام بصراحه استني عليها انتي لما تخلص مخلصتها وبيعها

المشاركة الأصلية كتبت بواسطة hossamsmsm

كلامك مظبوط ياباشا
بس اعرف واحد جاب نوبيرا 2 من حوالى شهر 5 اللى فات وبعدين فى شهر 9 اتصور فى رادار ولما وقف فى الكمين اتسحبت منه العربيه بعدها بكام يوم فك الحظر ب 9600 ونقل العربيه بأسمه واستلم العربيه تانى وماشى بيها دلوقتى زى الفل
وكمان دلوقتى بعد سؤال شخصيه مهمه فى المرور .. قالى ان ممكن المعاق يعمل توكيل بالصيانه للى سايق العربيه وبكده يسوق العربيه زى ماهو عاوز وفى اى وقت وفى اى مكان

انا مش بشكك فى كلام حضرتك طبعا بخصوص التوكيل
لكن بخصوص فك الحظر فا انا متأكد من الكلام ده
وتحياتى لحضرتك

المشاركة الأصلية كتبت بواسطة yousefsemsem

وبعدين حضرتك بتبيع بسعر مبالغ فيه جدا
متزعلش مني انا بقولك لاني بروح مع صاحبي ده بنجبله عربيات من الجمرك وعارف اسعارهم انا جايبله اول السنه اوكتافيا 2005 كامله بسخنات وفاتحه سقف وكهربا كلها و8 ايرباج مش 2 زي عندك ب42 الف جنيه بترخصها فحرام بصراحه استني عليها انتي لما تخلص مخلصتها وبيعها

انت متأكد من السعر ده ؟؟؟؟؟ استحاله طبعا
علشان ال 2002 اتوماتيك بس و 2 ايرباج بدون اى كماليات تانيه تمنها 45000 من الصاله بدون المعاق او اى حاجه تانيه
وواحد كان بيشتريها قدامى وواحد تانى كان بيدفع حجز عربيه تانيه 2004 مانيوال ب 43000 من الصاله برضه
ممكن تقولى هو حضرتك بتجيب الاسعار ديه منين بالظبط ؟؟؟

ممكن اعرف يعنى ايه يعمل المعاق توكيل صيانه للى حيشترى العربية

المشاركة الأصلية كتبت بواسطة mo3tazanas

هى العربية رخصت وال لسة ؟ ولو مارخصتش المعاق معاة رخصة وال لا ؟ ولو معهوش رخصة معاة شهادة مؤهل دراسى وال لا؟

المعاق معاه دبلوم بس مش فاكر متوسط او فوق متوسط
وهو كان هيقدم فى مدرسه السواقه فى المنوفيه ... بس انا كنت عامل حسابى اعمله نقل محل اقامه على الغربيه علشان العربيه من طنطا واطلعله رخصه من طنطا ويبقى ترخيص العربيه غربيه
بس محصلش نصيب ومحتاج فلوس العربيه لظروف طارئه
والمعاق راجل محترم وموظف فى شركه مشهوره جدا ومستعد لأى اجراء

المشاركة الأصلية كتبت بواسطة cdkareem

يا جماعة ربنا يكرمكم اعرفوا الموضوع كويس :-
1- لا يجوز فك الحظر اللى بعد مرور 3 سنوات من تاريخ ترخيص السيارة ويتم دفع مبلغ 6900 جم + مصاريف نقل الملكية فى الشهر العقارى + مصاريف ترخيص السيارة فى المرور 0
2- يتم دفع مبلغ حوالى 100 جم فقط لا غير مصاريف تخليص ورق السيارة وهذا بعد مرور 5 سنوات + مصاريف نقل الملكية فى الشهر العقارى + مصاريف ترخيص العربية فى المرور حتى لو الرخصة سيرة 0
يعنى بالبلدى العربية لمدة 3 سنوات لا يجوز التصرف فيها ولا حتى دفع 9600 جم ، بعد ال3 سنوات تدفع وتفك الحظر برحتك ، بعد خمس سنوات مبتدفعش حاجة غير الماصريف النثرية 0
السلام عليكم

الكلام ده مظبوط 100×100 ومستحيل فك الحظر قبل مرور 3 سنوات

المشاركة الأصلية كتبت بواسطة محمد بلال

ممكن اعرف يعنى ايه يعمل المعاق توكيل صيانه للى حيشترى العربية

توكيل صيانه للعربيه علشان لو حضرتك وقفت فى اى لجنه مرور والظابط رخم على اللى سايق وقال لازم المعاق تطلعله التوكيل بأنك واخد العربيه من قريبك المعاق ورايح تعملها صيانه
وديه الحاله الوحيده اللى ممكن تسوق العربيه فيها دلوقتى