كرهت العربية بجد

**sameh_se** · 12-04-2012 04:27 PM

السلام عليكم ورحمة الله وبركاته
بصراحة يا شباب انا كرهت عربيتى جدا جدا مع العلم انى متهنتش بيها ولا ركبتها الا 3 شهور
كل يوم مشكلة شكل و اخرها مشكلة كتم العربية و خنئها مع دوسة البنزين عملت كل حاجة غيرت بوجيهات غيرت طرمبة البنزين غيرت الايرماس غيرت فلتر البنزين الرشاشات و لسا زى ما هى و محدش عارف السبب و المهم انها سعات تظبط و ايام تخرف و بقت دعوتى اليومين دول يارب سترك و عدم الفضايح طول ما انا راكب العربية و حاطط ايدى على قلبى خايف تعمل معايا اى نقصة من بتوعها لما كرهت العربية و كرهت اليوم الى جبتها فية يا جماعة الى يعرف العيب دة منين او سمع عنة قبل كدا يقولى و الاجر والثواب هلى الله
العربية ابيزا 94 الموتور 1800 بىبى
نفسى اعرف العيب بس موش اكتر
نسيت اقلكم ان الكنترول غيرتة برضوا
وشكرا ..

**mohamed5800** · 12-04-2012 07:32 PM

هوة انت منين لو من شبرا او اى حاجة جنبيها فى ورشة فى المطرية بتاعت شباب بس بجد شغلهم حلو اوى فى الابيزا والجولف لو قررت تروح انا تحت امرك

**eng.m7md.ali** · 12-04-2012 09:03 PM

كنت هقولك الكنترول .. بس لقيتك كتبت انك غيرته في الاخر
طيب ماتروح عن وليد في الحرفيين وده ملك الابيزا الجولف والفولكس فاجن كلها

**sameh_se** · 12-04-2012 09:38 PM

بسم الله الرحمن الرحيم
بصراحة ياجماعة انا زقت ونفسى اخلص
طيب

وليد دة ورشته فين او الشباب بتوع المطرية عنوانهم
اية ويارب يكون خير

وشكرا

**mohamed5800** · 13-04-2012 02:35 AM

الشارع اللى على ناصيتة موبيل اللى فى ميدان السواح اللى يوديك على المطرية خش فية واسال عن ورشة كريم حجازى ولو فى اى حاجة انا تحت امرك

**sameh_se** · 13-04-2012 02:54 AM

المشاركة الأصلية كتبت بواسطة mohamed5800

الشارع اللى على ناصيتة موبيل اللى فى ميدان السواح اللى يوديك على المطرية خش فية واسال عن ورشة كريم حجازى ولو فى اى حاجة انا تحت امرك

تسلم. لى. يا باشا وربنا يجعل علىاديهم البركة

**SYD** · 13-04-2012 01:00 PM

طب انت بصيت علي واير الأكسلاتير
كشفت علي سلك البوجيهات والأسبراتير

انت كل حلولك كانت ميكانيكا
شوف الكهرباء لأنها مؤثرة جدا علي السحب والتجميع والمشي عموما

والله المستعان
،
،

**ehab_mansour** · 13-04-2012 02:40 PM

وجهة نظري و خلاصة هذا الموضوع
ان التسقيط كان عك للأسف و أكيد الضفيرة و الكهرباء عموما متقفلتش صح و دي بتكون اكبر عيوب العربيات دي انها لو اتلعب في كهربتها و مرجعتش اوريجينال هتوريك الويل و مش هتعرف توصل لحاجه

وجهة نظري ولو عايز تحل صح يبقي تشوف حد بيفهم يراجعلك علي الضفيرة و الكهرباء و التقفيل و الكنترول غير كده يبقي انت بتلف في دائرة مغلقة
وربنا ييسرلك الحال صدقني كل ما بشوف حد كده بيصعب عليا الاشتغالات اللي بتعلمها معاه الصنايعيه حاجه تقرف و معدتش فيه ضمير وأخلاق
ربنا يرحمنا من الناس دي