كابريس كلاسيك .. لعشاق الفخامة .. وهواة الامريكاني

فررررصة
لهواة الامريكاني
لهواة الفخامة والامان والراحة
لهواة القوة المفرطة وراغبي التعديلات
لمن يريدون استخدام بنزين 80 دون اي مشاكل
كل ذلك وبسعر اكثر من رااااائع أرخص من عربية لادا
فقط 32000 جنيه قابل للتفاوض مع اول شخص جاد
عربية مميزة جدا .. كابريس كلاسيك 77 .. معدلة 86 من الامام
اللون ذهبي والسقف جلد بني فاتح .. ساوند سيستم بايونير صوت نقي جدا
رخصة سارية شهرين .. الضريبة 1100 .. التسجيل بعقد مسجل في الشهر العقاري 120 جنيه وحبة مصاريف حوالي 10 جنيه كمان وهدية مني لاول مشتري
صوت ناعم .. أداء رائع جدا .. الموتور نفس رقم الشاسيه .. 5100 سي سي 8 سلندر
استهلاك الوقود في السفر الصفيحة تعمل 160 كم تقريبا .. جوة المدينة 130كم لو بتجري وبتهدي وتقف لكن لو سواقتك هادية ونغمة واحدة ممكن اكتر
صالون جلد طبيعي أصلي فابريقة مريح بشكل غير عادي .. اكتر من اي عربية زيرو
العربية عالية عن الارض علشان مطبات بلدنا المحروسة .. وثباتها عالي على اي سرعة والعفشة ناعمة جدا .. السوست ضغط هوا ممكن تعليها وتنزلها بس انا مجربتش بصراحة هيا حلوة اوي معايا كدة .. جنوط حديد اصلية 15 .. عليها كفرات طرق وعرة .. حجمهم على بعض حوالي 18 او 19
ازاز كهرباء .. العربية اوتوماتيك .. المعاينة خير دليل .. اللي هتكون من نصيبه هيدعيلي .. لانه هقوله على كل حاجة فيها بكل اماااااانة
قطع الغيار متوفرة جديدة واستيراد .. ليها ناسها في كل محافظة واسعارها رخيصة جدا .. واذا حبيت اديلك ارقام ناس وتسال بنفسك قبل ما تعاين وتشتري
رجاء الاتصال للجادين .. المعاينة بميعاد مسبق في الاسكندرية .. السعر قابل للتفاوض

الرقم بعد اذن الاداااارة 01064143130

السعر تاني 32000 قابل للتفاوض ومحدش يقولي دي معروضة باكتر وباقل كل انسان ادرى بحالة عربيته والسعر المناسب ليها .. وانا هعمل احلى واجب اذا المشتري من أعضاء نايل موتورز .. شكرا مقدما .. اللي بيبخسوا الناس اشيائهم رجاء خاص جدا اعمل نفسك مشوفتش الاعلان ربنا يكرمك

يلا مستني المكالمات الجادة بس


العربية شبه دي http://www.carnut.dk/billeder/1977ca...7caprice_2.JPG بس على ذهبي

عرض وافي وموفق في البيع بس ياريت تصورها برضه

اقتباس:

---

المشاركة الأصلية كتبت بواسطة amrrashed

عرض وافي وموفق في البيع بس ياريت تصورها برضه

---

عندي صور ونازلة على كونتاكت بس مش عارف انزلها هنا ازااااي بجد .. عموما المعاينة افضل كثيرا .. وببلاش على فكرة مش هاخد فلوس من اللي هيعاينها :d .. بس ميجيليش حد يضيع وقت يكون جاد وانا هكرمه بامانة جدا في السعر وفي كل حاجة

بعد أذنك أنا عندى أعتراض على حاجة
العربية مابتزلش غير بموتورين الأول 305 ودة 5000 cc دة لو كان 2barrel carburetor يبقى 145 حصان ولو 4barrel carburetor بيبقى 170 حصان
الثانى 350 ودة 5700cc ودة لية قوة مختلفة على حسب سنة الموديل وبيبدا من185 حصان حتى 300 حصان



مافيش 5100

بعد اذن صاحب الموضوع .. صور العربية

http://www.nileup.com//uploads/images/s2da2a135aa.jpg


http://www.nileup.com//uploads/images/sdccdf89e9e.jpg


http://www.nileup.com//uploads/images/s0bf54a5d8a.jpg

بالنسبة للباشا اللي بيقول مش بتنزل غير بموتورين ده كلامك في الاسواق الامريكية ونزلت ب 3 مواتير ..

250cu >> 110h.p >> 264 n.m straight-6
305cu >> 145h.p >> 332n.m small block v8
350cu >> 170h.p >> 366n.m small block v8

ده الرسمي بتاع موديل عربيتي ((للأسواق الأمريكية )) بس في محركات تانية انتجتها الشركة قبلها وبعدها ومتعرفش نزلت في الاسواق التانية امتى .. خصوصا الاسواق الخليجية وهيا كانت بتستعمل العربيات دي بمواصفات خاصة ليها .. يعني مثلا ازاز العربية عندي بيمرر ضوء منغير ما يمرر حرارة فابريقة كدة .. مظنش ده مصمم للسوق الامريكي .. درجة الحرارة عندهم مش مستاهلة ده

ثانيا موتور زي ال454 نزل عندهم في الكابريس 72 بينما في الاسواق الخليجية منزلش غير في الجمس والتريل بليزر القديم قوته من 235 ل 270 ومع شوية تعديلات بيعدي

ثالثا انا المثبت عندي في الرخصة انه 5100 سي سي ورقمه نفس رقم الشاسيه يعني بتاع العربية لا سقطه ولا استوردته واثبته وركبته .. رقم الشاسيه هوه هوه رقم الموتور .. الا اذا المرور بيزودوا من عندهم ده حاجة تانية بقا

وشكرا جزيلا لوجهة نظرك .. وليك مني كل احترام وتقدير

أستاذ كريم شكرا ليك شكرا ليك جزيلا عالصور

بجد كتر خيرك وجعله الله في ميزان حسناتك

ربنا يكرمك باللي بتتمنى واكتر انشالله

اقتباس:

---

المشاركة الأصلية كتبت بواسطة kar!m

بعد اذن صاحب الموضوع .. صور العربية

http://www.nileup.com//uploads/images/s2da2a135aa.jpg


http://www.nileup.com//uploads/images/sdccdf89e9e.jpg


http://www.nileup.com//uploads/images/s0bf54a5d8a.jpg

---

يا ريت بس تعرفني رفعتهم ازاي علشان لو حابب انزل صور تانية للعربية وشكرا ليك مرة تانية

اقتباس:

---

المشاركة الأصلية كتبت بواسطة mariner2020

بالنسبة للباشا اللي بيقول مش بتنزل غير بموتورين ده كلامك في الاسواق الامريكية ونزلت ب 3 مواتير ..

250cu >> 110h.p >> 264 n.m straight-6
305cu >> 145h.p >> 332n.m small block v8
350cu >> 170h.p >> 366n.m small block v8

ده الرسمي بتاع موديل عربيتي ((للأسواق الأمريكية )) بس في محركات تانية انتجتها الشركة قبلها وبعدها ومتعرفش نزلت في الاسواق التانية امتى .. خصوصا الاسواق الخليجية وهيا كانت بتستعمل العربيات دي بمواصفات خاصة ليها .. يعني مثلا ازاز العربية عندي بيمرر ضوء منغير ما يمرر حرارة فابريقة كدة .. مظنش ده مصمم للسوق الامريكي .. درجة الحرارة عندهم مش مستاهلة ده

ثانيا موتور زي ال454 نزل عندهم في الكابريس 72 بينما في الاسواق الخليجية منزلش غير في الجمس والتريل بليزر القديم قوته من 235 ل 270 ومع شوية تعديلات بيعدي

ثالثا انا المثبت عندي في الرخصة انه 5100 سي سي ورقمه نفس رقم الشاسيه يعني بتاع العربية لا سقطه ولا استوردته واثبته وركبته .. رقم الشاسيه هوه هوه رقم الموتور .. الا اذا المرور بيزودوا من عندهم ده حاجة تانية بقا

وشكرا جزيلا لوجهة نظرك .. وليك مني كل احترام وتقدير

---

يا باشا العربية عندى 350 5700 cc وانا المثبت عندي في الرخصة انة3700 سي سي ورقمه نفس رقم الشاسيه ولا حد فاهم حاجة وبدفع بردة فى السنة 1100
و أنا أقصد موتورين الv8 مش 250 v6 وأنا عارف كمان أن فى 454 وفى موتور 307 oldmobile بس دى حاجات نادرة جدا وماتعملش منها ألا أعداد قليلة جدا وأعتذر أذا كنت أزعجتك

لو عايز تعرف نوع الموتور عندك بص على vin number بتاع العربية هتلاقية فى الزجاج الأمامى من تحت أمام السواق هتلاقى الرقم الخامس هو الموتور


5th digit - Engine Code

A = 231 c.i.d, 2-bbl V6 (1978 - 80)
K = 403 c.i.d, 4-bbl V8 (1977 - 79)
L = 350 c.i.d, 4-bbl V8 (1978)
U = 305 c.i.d, 2-bbl V8 (1978)
Z = 400 c.i.d, 4-bbl V8 (1977 - 79)



أنا عندى حرف ال L
ودة اللينك
VIN Information
تحياتى

ودة لينك لمواصفات العربية
1978 Chevrolet (U.S.) Caprice Sedan specs, performance, photo & data

دة لينك review للغربية على youtube بس موديل 90
1990 Chevrolet Caprice Classic Start Up, Exhaust, and In Depth Tour - YouTube

و موفق في البيع أن شاء اللة

أشكرك يا باشا على مداخلتك الجميلة .. حكاية الازاز قدام دي مش هعرفها لاني لسة مغيره كنت راكنها تحت العمارة وواحد ابن حلال كان بيصلح في البلكونة ووقعلي عليها زلطاية على اسمنت وهوه بيمحر الازاز اتشرخ فغيرته .. لو في طريقة تانية اعرف بيها يبقى ليك جزيل الشكر .. ده اولا ثانيا انا متضايقتش ولا حاجة انا بكلم حضرتك على اساس الرخصة اللي معايا بس مش اكتر .. فهمتني .. وانا اسف جدا لو كنت ضايقتك بردي .. وبالمناسبة قولي رايك في السعر بما انك من اصدقاء الكابريس زس حالاتي :) :)

اقتباس:

---

المشاركة الأصلية كتبت بواسطة mariner2020

أشكرك يا باشا على مداخلتك الجميلة .. حكاية الازاز قدام دي مش هعرفها لاني لسة مغيره كنت راكنها تحت العمارة وواحد ابن حلال كان بيصلح في البلكونة ووقعلي عليها زلطاية على اسمنت وهوه بيمحر الازاز اتشرخ فغيرته .. لو في طريقة تانية اعرف بيها يبقى ليك جزيل الشكر .. ده اولا ثانيا انا متضايقتش ولا حاجة انا بكلم حضرتك على اساس الرخصة اللي معايا بس مش اكتر .. فهمتني .. وانا اسف جدا لو كنت ضايقتك بردي .. وبالمناسبة قولي رايك في السعر بما انك من اصدقاء الكابريس زس حالاتي :) :)

---

يا حبيبى الvin number مش فى الأزاز نفسة دة فى التبلوة من جوة حتى لو غيرت الأزاز مش بيتغير يعنى هتلاقية بردة ثانيا أنا مضايقتش ولا حاجة أحنا بنتناقش بردو عادى مافيش حاجة
بس ممكن أعرف غيرت الأزاز الأدمانى منين وبكام علشان أنا برضوا حد أبن حلال شرخلى الأزاز الأدمانى من أولة لاخرة بالطول
أما بالنسبة للسعر فمش عايز أرعبك خليك تكتشف بنفسك :crying2:

http://www.samarins.com/history/vin_number.jpg




ودى صورة مكان الvin number

غيرته من واحد في كيلوباترا ازاز بالاريال لانه الاريال في العربيات دي بيبقا خطين في الازاز اللي قدام بسلك بينزل يتوصل في الراديو سعره 750 وممكن تفاصل شوية معاه .. انا خدته ب650 .. الراجل عنده اولدز موبيل العربية جاله فيها 60 الف ومرضاش يبيعها .. بعدين ترعبني ليه يعني .. حالة العربية بتفرق اكيد وحالة الدهان والراحة النفسية للمشتري .. يعني انا جالي 20 من تاجر بس انا مرتاحتش نفسيا ليه .. قلتله مش هبيع .. وجالي 25 من دكتور بس بشيك يتصرف على شهر 7 وقلتله اسف عايز فلوسي حالا .. لو حابب ابعتهولك وتعملوا عقود عند محامي وكدة انا تحت امرك .. في ناس اسلوبها وذوقها يخليك تديله العربية لو بخسارة كبيرة وانت مبسوط .. وناس لما تبقى عارض العربية بمبلغ من اسلوبهم تقرر ترفع المبلغ 5000 جنيه كمان علشان ميشتروش العربية .. الحكاية نسبة وتناسب مش اكتر

اقتباس:

---

المشاركة الأصلية كتبت بواسطة mariner2020

غيرته من واحد في كيلوباترا ازاز بالاريال لانه الاريال في العربيات دي بيبقا خطين في الازاز اللي قدام بسلك بينزل يتوصل في الراديو سعره 750 وممكن تفاصل شوية معاه .. انا خدته ب650 .. الراجل عنده اولدز موبيل العربية جاله فيها 60 الف ومرضاش يبيعها .. بعدين ترعبني ليه يعني .. حالة العربية بتفرق اكيد وحالة الدهان والراحة النفسية للمشتري .. يعني انا جالي 20 من تاجر بس انا مرتاحتش نفسيا ليه .. قلتله مش هبيع .. وجالي 25 من دكتور بس بشيك يتصرف على شهر 7 وقلتله اسف عايز فلوسي حالا .. لو حابب ابعتهولك وتعملوا عقود عند محامي وكدة انا تحت امرك .. في ناس اسلوبها وذوقها يخليك تديله العربية لو بخسارة كبيرة وانت مبسوط .. وناس لما تبقى عارض العربية بمبلغ من اسلوبهم تقرر ترفع المبلغ 5000 جنيه كمان علشان ميشتروش العربية .. الحكاية نسبة وتناسب مش اكتر

---

بص هو لو حالة العربية 100 % ممكن تجيب بس أنا عندى العربية الأزاز الأدام مشروخ وكام فانوس ورا مكسورين ففى واحد جى يقولى عايز يشترها10 ألأف بصراحة كنت عايز أشتم بس مرضتش دى لو 128 متتبعش ب10 وفعلا أن أسلوب الناس بيفرق فى التعامل يعنى كان مرة واحد كان عايز يشترى العربية بس كل ماشوفة أشوفة كأنة لابس مخطط زى الحرامية زى الفيلم بتاع مصطفى قمر
طب ممكن عنوان الراجل دة بالظبط علشان أنا ناوى أنزل الأسكندرية كمان شهر كدة ممكن أروح أغير الأزاز بالمرة
ومعلش أنا تعبتك معايا النهاردة

السعر غالى جدا جدا على موديل 77 !!

اقتباس:

---

المشاركة الأصلية كتبت بواسطة makarhn

بص هو لو حالة العربية 100 % ممكن تجيب بس أنا عندى العربية الأزاز الأدام مشروخ وكام فانوس ورا مكسورين ففى واحد جى يقولى عايز يشترها10 ألأف بصراحة كنت عايز أشتم بس مرضتش دى لو 128 متتبعش ب10 وفعلا أن أسلوب الناس بيفرق فى التعامل يعنى كان مرة واحد كان عايز يشترى العربية بس كل ماشوفة أشوفة كأنة لابس مخطط زى الحرامية زى الفيلم بتاع مصطفى قمر
طب ممكن عنوان الراجل دة بالظبط علشان أنا ناوى أنزل الأسكندرية كمان شهر كدة ممكن أروح أغير الأزاز بالمرة
ومعلش أنا تعبتك معايا النهاردة

---

يا سيدي رقمي موجود .. وقت ما تنزل اسكندرية كلمني .. وبالنسبة لمكانه فهوه كيلوباترا حمامات عالترام .. قدام محطة الترام .. اسمه رفعت لزجاج السيارات .. والمصنع بتاعه اسمه رفعتكم لزجاج السيارات .. ومتزعلش كدة من اللي قالك 10 بيبقوا عالم بهايم مش بيعرفوا يعني ايه كابريس اصلا .. العالم دي فاكراها حاجة زي اللادا ولا 128 ولا بيجو حتى .. واحد ظريف قبل كدة قالي تمشي معاك ب 8 .. قلتله روح اشتري لاب توب يا حبيبي وساوند سيستم والعب نيد فور سبيد براحتك .. وواحد خليجي اتصل يقولي ما تيجي معاك على 15 .. قلتله انت اهلك باعتينك تتعلم ولا تبيض عالبني ادمين .. روح شوفلك 128 حتى لما ترجع بلدك تكون عملت مغامرة مفيش خليجي سبقك ليها .. عموما معلومات الراجل عندك ولما تيجي كلمني وانا اوديك لو معرفتش توصل

اقتباس:

---

المشاركة الأصلية كتبت بواسطة amrelsaqqa

السعر غالى جدا جدا على موديل 77 !!

---

حبيبي انا مطلبتش راي سعادتك غالية ولا رخيصة .. أنا عارض عربية للبيع بسعر معين .. اللي عايز يشتريها بيكلمني يجي يشوفها ويجربها وبعدين يتفاوض واللي عايز يقرا المواصفات ويشوف الصور اهلا وسهلا .. لكن تعليقات ملهاش لازمة .. ده مش موضوع بطلب راي الناس .. ده عرض وطلب .. في نفس مواصفات عربيتي كانت معروضة من شهرين على 75 الف جنيه وعربيتي يمكن احسن منها الفرق انه مركبلها غاز .. بعدين الحالة هيا اللي بتحدد السعر في ماليبو ب10 قابل للتفاوض على كونتاكت محتاجة شغل .. روح خدها لو حابب تظبط بمزاجك وستيشن بشنطة .. أكبر يعني ممكن تفرش جواها انتريه:post:

مش شكرا خالص على رد سعادتك

اقتباس:

---

المشاركة الأصلية كتبت بواسطة mariner2020

يا سيدي رقمي موجود .. وقت ما تنزل اسكندرية كلمني .. وبالنسبة لمكانه فهوه كيلوباترا حمامات عالترام .. قدام محطة الترام .. اسمه رفعت لزجاج السيارات .. والمصنع بتاعه اسمه رفعتكم لزجاج السيارات .. ومتزعلش كدة من اللي قالك 10 بيبقوا عالم بهايم مش بيعرفوا يعني ايه كابريس اصلا .. العالم دي فاكراها حاجة زي اللادا ولا 128 ولا بيجو حتى .. واحد ظريف قبل كدة قالي تمشي معاك ب 8 .. قلتله روح اشتري لاب توب يا حبيبي وساوند سيستم والعب نيد فور سبيد براحتك .. وواحد خليجي اتصل يقولي ما تيجي معاك على 15 .. قلتله انت اهلك باعتينك تتعلم ولا تبيض عالبني ادمين .. روح شوفلك 128 حتى لما ترجع بلدك تكون عملت مغامرة مفيش خليجي سبقك ليها .. عموما معلومات الراجل عندك ولما تيجي كلمني وانا اوديك لو معرفتش توصل

---

ربنا يخليك شكرا

اقتباس:

---

المشاركة الأصلية كتبت بواسطة mariner2020

حبيبي انا مطلبتش راي سعادتك غالية ولا رخيصة .. أنا عارض عربية للبيع بسعر معين .. اللي عايز يشتريها بيكلمني يجي يشوفها ويجربها وبعدين يتفاوض واللي عايز يقرا المواصفات ويشوف الصور اهلا وسهلا .. لكن تعليقات ملهاش لازمة .. ده مش موضوع بطلب راي الناس .. ده عرض وطلب .. في نفس مواصفات عربيتي كانت معروضة من شهرين على 75 الف جنيه وعربيتي يمكن احسن منها الفرق انه مركبلها غاز .. بعدين الحالة هيا اللي بتحدد السعر في ماليبو ب10 قابل للتفاوض على كونتاكت محتاجة شغل .. روح خدها لو حابب تظبط بمزاجك وستيشن بشنطة .. أكبر يعني ممكن تفرش جواها انتريه:post:

مش شكرا خالص على رد سعادتك

---

ياباشا انا رديت عشان حاجة واحدة بس

انت قايل انها "فررررصة"

وبالسعر اللى انت كاتبه ده هى مش فرصة ولا حاجة
يارب تبيعها بـ 100 الف بس ما تقولش فرصة

وشكرا اووووووووى لادب حضرتك
انا ما غلطتش فيك عشان ترد عليا بالاسلوب ده ، انا حتى ما بخستهاش وقلت رقم
انا قلت ان سعرها كدة غالى وده مفيهوش حاجة وما قلتلكش ب15 ولا ب 10 .. .

ده اخر رد ليا في الموضوع ده ..

فعلاً مفيش داعي للرد العنيف ده....لكن إنت معاك حق الموضوع عرض وطلب.. والسوق هو الحكم

اقتباس:

---

المشاركة الأصلية كتبت بواسطة kar!m

بعد اذن صاحب الموضوع .. صور العربية

http://www.nileup.com//uploads/images/s2da2a135aa.jpg


http://www.nileup.com//uploads/images/sdccdf89e9e.jpg


http://www.nileup.com//uploads/images/s0bf54a5d8a.jpg

---

العربية بسعر خاص جدا جدا جدا .. لظرووف خاصة .. :B4_611:22,500 جنيه مصري فقط لا غير :B4_611:


:crying2: رجاااااءا محدش يتصل الا الجاد اللي عارف العربية وجاي يعاين :crying2: مش عايز مواعيد غلط لاني بعطل نفسي لما حد بيديني ميعاد علشانه واللهي :crying2: يا ريت اللي يدي ميعاد يلتزم بيه وشكرا للجميع :angelme: ربنا يسعد اللي هتكون من نصيبه بيها :angelme: لانها بجد عربية جامدة جدا مش لانها عربيتي لكن اسال اي حد معاه العربية دي :angelme: العربية مكيفة وحاجة المكيف موجودة يدوبك تروح لحد بتاع تكييف يظبطه ويشحنلك الفريون :angelme: الزجاج كهرباء ومعزول حراريا أصلي ومراتب جلد طبيعي مريحة :angelme: العربية باور وكروز كنترول (محتاج يتظبط) :angelme: متعدلة قدام ل86 لكن خلفيتها نفسها لانها احلى شكل في الكابريس :angelme: العربية ناغمة جدا وخفيفة جدا في الغرز والباور بتاعها رااااائع :angelme: يدوبك تنضف كربريتير لو حبيت وسافر بيها الصين لو حبيت :angelme: عموما انا منضفه باسبراي ومغيرلها بعد كدة بوجيهات جديدة :angelme: لكن يفضل انه يتفك ويتنضف حلو عند ميكانيكي ويتظبط مثبت السرعة بالمرة وعوامة البنزين :angelme: وبعد كدة مش هتحط فيها ولا مليم :angelme: كل ده مش هياخد منك 200 جنيه بالكتير اوي :angelme:شكرا على وقتكم :angelme: واسف اذا كان حد اتضايق مني :hug3::hug3::hug3:

بالتوفيق يا باشا بس اي حكاية
"وهدية مني لاول مشتري" ههههههههه
عدت منك دي......هو في اكتر من مشتري

استاذى بجد مش عارف اقولك ايه مش عارف انت مخيف جدا جدا - اخاف اجى اشوف العربيه الكابريس الكلاسيك اللى موديل 77 ( بتشتغل ببنزين 80 على 5100 سى سى) واعلق اى تعليق عليها واروح فطيس - وبعدين انصحك تعمل زى صاحبك (اللى خلى عربيته غاز وباعها على 75 الف) خليها بوتاجاز احسن ممكن تجيبلك 80 خلى روحك رياضيه صديكى البيع شطاره بلاش ترعب الزبون

منابع

اقتباس:

---

المشاركة الأصلية كتبت بواسطة egyseadragon

بالتوفيق يا باشا بس اي حكاية
"وهدية مني لاول مشتري" ههههههههه
عدت منك دي......هو في اكتر من مشتري

---

أها في مشتري هيجيله فلوس اخر الشهر وكان حابب يدفع مقدم قلتله من هنا لاخر الشهر لو مجاش حد بالفلوس كلها مبروك عليك

وفي واحد اتصل بيا من السعودية قالي خليهالي لما انزل كمان شهرين وهاخدها منك باي سعر

وفي دكتور عايزها بالتقسيط وباي ضمانات وباي سعر على سنة

وفي تاجر مستعد ياخدها على 18 وقت منا عايز اكلمه يخلصها

وعموما انا مش مستعجل على بيعها ومش هبيعها باقل من كدة اصلا :)

مش شكرا على مداخلتك اللطيفة

اقتباس:

---

المشاركة الأصلية كتبت بواسطة mohsal

استاذى بجد مش عارف اقولك ايه مش عارف انت مخيف جدا جدا - اخاف اجى اشوف العربيه الكابريس الكلاسيك اللى موديل 77 ( بتشتغل ببنزين 80 على 5100 سى سى) واعلق اى تعليق عليها واروح فطيس - وبعدين انصحك تعمل زى صاحبك (اللى خلى عربيته غاز وباعها على 75 الف) خليها بوتاجاز احسن ممكن تجيبلك 80 خلى روحك رياضيه صديكى البيع شطاره بلاش ترعب الزبون

---

أولا هوه مش صاحبي .. ده واحد كان عارض عربيته في وقت ما كنت بدور على عربية أمريكي .. ومعرفش باعها على كام بس لما كلمته كان اخره فيها ينزل ل68

ثانيا انا مش ماسك عصاية للي يجي يشوفها .. بس مش عايز تعامل غير مع ناس جادة ومتوجعش دماغي بكلام تاخد جزء وتقسط جزء .. أنا لما اشتريتها دفعت فلوسها كلها وسجلت .. ولما ابيعها هاخد فلوسها واسجلها بعقد في الشهر العقاري باسمه .. واسلمه العربية بس

ثالثا حضرتك من كلامك باين انك متعرفهاش ومركبتهاش قبل كدة والا مكنتش علقت عالعربية كدة وانا ميرضنيش خوف سعادتك .. علشان كدة منصحكش بيها .. دي للي بيحبوا العربيات الامريكاني واللي بيقدروها بس .. منصحكش تخش في حاجة متعرفهاش نصيحة أخوية .. اللي تعرفه احسن من اللي متعرفوش .. أنا كل اللي جولي هواة أمريكاني .. وحتى اللي عايزين يبدلوا واحد كان سكاي لارك بويك .. والتاني بونتياك جراند بريكس .. بالنسبة للغاز سمعت انه بيتعب الموتور .. ومش بيدي العزم كله .. اذا اللي خدها حب يركبلها هوه حر .. انا اللي عليا اسلمه العربية واقوله على كل حاجة فيها والناس اللي يجيب منهم قطع غيار لو حب والناس المتخصصة في صيانتها وشكرا

العربيه ده طيارة متنكره اصلا
بس للاسف اللى يفهمها مش كتير عشان كله بيبص على البنزين والضريبه بس المشكله اننا معندناش ثقافه العربيات دى بره مثلا معظم عربيتهم كبيره وتستحمل وناس بتقدر ده ممكن مثلا تلائى فورد موستنج موديل 60 ماشيه عروسه كانها جديده مش احنا اخرنا فيرنا ولانوس

وللاسف ده برضوه مبدا اللى بيقول ان ال 128 افضل من ال 132 عشان استهلاك البنزين اقل ناس بتقارن 1000cc ب 5000cc احب اقول للناس دى حمرااااااااااا

والله انا زعلت انا لسه جايب 132 2000cc موديل 80 بس فبريكه جوه ومفيهاش قلم معجون راشه بره نظافه بس مش اكتر ولو كنت قريت الاعلان ده من الاول والله كنت خدتها وش وعموما ربنا يكرمك فى بيعها

اقتباس:

---

المشاركة الأصلية كتبت بواسطة mostafa3tef

العربيه ده طيارة متنكره اصلا
بس للاسف اللى يفهمها مش كتير عشان كله بيبص على البنزين والضريبه بس المشكله اننا معندناش ثقافه العربيات دى بره مثلا معظم عربيتهم كبيره وتستحمل وناس بتقدر ده ممكن مثلا تلائى فورد موستنج موديل 60 ماشيه عروسه كانها جديده مش احنا اخرنا فيرنا ولانوس

وللاسف ده برضوه مبدا اللى بيقول ان ال 128 افضل من ال 132 عشان استهلاك البنزين اقل ناس بتقارن 1000cc ب 5000cc احب اقول للناس دى حمرااااااااااا

والله انا زعلت انا لسه جايب 132 2000cc موديل 80 بس فبريكه جوه ومفيهاش قلم معجون راشه بره نظافه بس مش اكتر ولو كنت قريت الاعلان ده من الاول والله كنت خدتها وش وعموما ربنا يكرمك فى بيعها

---

ربنا يكرمك يا مصطفى باشا .. صدقني كفاية ردك ده واللهي .. وكفاية اني احس ان في ناس بتقدر العربيات دي .. صحيح قليلين جدا .. بس برضه مميزين جدا .. علشان كدة كتبت في الاعلان لهواة الأمريكاني .. لان دول بس اللي يعرفوا يعني ايه كابريس .. مش معقول واحد راكب لادا ولا بيجو ولا اي ماركة في السبعينات ويجي يقارنها بكابريس .. ويقولي غالية او رخيصة .. أو يبدي رأيه انها حلوة أو وحشة .. لازم حد يكون جربها وساقها عالطرق علشان يعرف يحترم العربية دي .. وبجد كلك ذوق يا باشا .. وشكرا على ردك الجميل ده .. ولو عايزها خدها منغير فلوس خالص .. كفاية ذوقك واللهي .. وشكرا ليك

رجاء من الادمينز يقفلوا الموضوع هنا .. أنا يكفيني اعلاني في كونتاكت .. أنا مجاليش من المنتدى ده غير وجع الدماغ .. ويا ريت لو حد يعرف اشيل الاعلان ازاااي يعرفني .. شكرا للجميع .. وشكر خاص للناس المحترمة جدا اللي ردت عليا في الموضوع وسرني جدا معرفتكم .. بجد اشكركم ويا ريت الموضوع يتقفل ويتحذف خالص .. مع السلامة

اقتباس:

---

المشاركة الأصلية كتبت بواسطة mariner2020

أها في مشتري هيجيله فلوس اخر الشهر وكان حابب يدفع مقدم قلتله من هنا لاخر الشهر لو مجاش حد بالفلوس كلها مبروك عليك

وفي واحد اتصل بيا من السعودية قالي خليهالي لما انزل كمان شهرين وهاخدها منك باي سعر

وفي دكتور عايزها بالتقسيط وباي ضمانات وباي سعر على سنة

وفي تاجر مستعد ياخدها على 18 وقت منا عايز اكلمه يخلصها

وعموما انا مش مستعجل على بيعها ومش هبيعها باقل من كدة اصلا :)

مش شكرا على مداخلتك اللطيفة

---

يا حبيبي أنا قصدي إن العربية في الاخر حيشتيرها واحد بس ...مش أكتر من واحد...إلا إذا كان عندك كذا عربية فساعتها ممكن يبقى في أكتر من مشتري...إنت فهمتني غلط....
ومش شكراً لردك المش لطيف

ربنا يوفقك في بيعها

اقتباس:

---

المشاركة الأصلية كتبت بواسطة mando_car

ربنا يوفقك في بيعها

---

ربنا يباركلك .. وشكرا على ذوقك جدا

موفق في البيع ان شاء الله عربيه ممتازه وتستاهل اكتر من كده بس تقول ايه علي البلد دي

اقتباس:

---

المشاركة الأصلية كتبت بواسطة rompo10

موفق في البيع ان شاء الله عربيه ممتازه وتستاهل اكتر من كده بس تقول ايه علي البلد دي

---

ربنا يباركلك .. وشكرا على ردك .. انت عارف اللي يضحك اني فضلت ادور 4 شهور على عربية امريكاني لغاية لما جبتها .. وقلت ايه دي لقطة .. بالحالة دي .. والوقتي ببيعها بخسارة واللهي ومش عاجب .. عجبت لك يا زمن :) :) .. بس الحمد لله على كل شيء .. ربنا يباركلك على ردك ويسعدك