السلام عليكم

انا معايا e30 و هى استوك بالكامل فيها مكنتها الاصلية 1800 كربراتير المهم انشاء الله ناوى
1 - سمكرة و دوكو
2 - تسقيط مكنة 28 السودا مع فتيس 25 ابيض سيستم كامل يعنى
3- كرونا 25
4 - عفشة بتاعت 6
5 - و انشاء الله ناوى على ABS
6- فتحة سقف كهرباء
7 - تعديل العربية بالكامل ام فورتى
8- تابلوه الام 3 و ده مش عارف سعره بصراحة و هل فى اختلاف بينه و بين ال عادى ؟
9- عفشة كونى او ابيكس ايهما افضل ؟
10- فوانيس رينج امامى و فوانيس ليدات خلفى
طبعا الكلام ده كلو غير الجنوط و الساوند سيستم و الزينون و الريكارو و الطارة المومو والكلام ده كلو
طبعا انا عارف ان العربية حاتصرف كتير اوى اوى و كله حايقولى بلاش و هات عربية اعلى بس انا بحب العربية دى جدا و بصراحة لما بتتعدل بتبقى حاجة تانية خالص حتى فى الشد مع الكلام ده اظن مافيش عربية حاتعرف تتطلع منها الا لو عربية عالية ده غير انى لما بسوقها دلوقتى بدوس بيها لحد 160 و العربية استوك و العربية ثابتة فعلا بمعنى الكلمة حتى مافيهاش جنط فا مبالكم بقى لما تتظبط ..
المهم تسقيطة السيستم كامل شامل المكنة و الفتيس و الكنترول يونت و عفشة 6 مع تعديل الفرامل الى اية بى اس و الريداتير بالمروحة الكلام ده كله 14000 و ده كل الكلام ده عند واحد معروف فى الاسكندرية اسمو محمد الليبى و هو كمان عامل واجب معايا لانى اعرفه من زمان
سؤال بقى فتحة السقف اجيبها منين ؟؟
السربنتينة بتاعت التكييف اجبها منين لان الليبى مش عنده
عموما هو كتبلى ورقة بكل الحاجات اللى حانحتجها با الاسعار حابقى اكتبهالكم
و اخيرا انا بعد كل الكلام ده انا مش حابيع الا بقى لو ركبت بى ام الجديدة
معلش طولت عليكم و زهقتكم بس لو فى افكار تانية عند اى حد ياريت لو اعرفها لانى مش كل يوم حاعدل فى العربية و شكرا يا جماعة ....