|| ماذا عن صيانة ال 5 الاف للانوس ؟؟؟ ||
مساء الانوار علي اجمل اعضاء المنتدي وحوش الدايو و اللانوس تحديداً:hug3:
انا معايا لانوس كاملة موديل 2012 و لسه مكملتش ال 5000 كيلو
و طبعا علشان الضمان و اني عاوز اتطمن علي العربية قررت اني اروح اعمل صيانة ال5000 في التوكيل
و بعد كده هبقي ممكن اكمل صيانة عند ميكانيكي علشان ظروف الشغل - مع ان اخويا بيقولي بلاش تبهدل العربية عن اي حد و كمل صياناتك في التوكيل - بس انا خايف من فلوس التوكيل كل مرة صيانة و انتو فهمني خصوصاً اني اتلسعت من توكيل اوماترا بتاع الفيات اللي كانت معايا
مش عاوز اطول عليكم
انا ناوي إن شاء الله اني اطلب منهم تغيير زيت الماتور و زيت الفيتيس (علشان لسه جديد طبعا و فيه اكيد براده حديد)
وكمان محتاج اركب انزار -اركبه في التوكيل و لا بره ؟؟؟؟؟؟؟؟؟؟؟؟؟؟؟؟؟؟
و اكيد هايربطوا العفشه و بقيت الشغل بتاعهم
بس انا عندي سؤال : انا حاسس ان باور العربية تقيل (و طبعا ده بمقارنتها بالفيات الايطالي) يعني بحس بالباور و زنة الزيت ......... فهل ده طبيعي و لا ايه ؟؟؟؟؟؟؟؟؟؟؟؟ و لا اطلب منهم يبصوا عليه ؟؟؟؟؟؟؟
و سؤال تاني يلا بالمرة : المفروض اني اقرص علي الغيارات ولا اريح العربية بمعني .....
انا بغير من التاني 2500-3000
من الثالث 3000
من الرابع 3000-3500
هل ده صح و لا لأ ؟؟؟؟؟؟؟!!!!!!!!!!!!!!!!!!!!!!!!!!!!
و لكم جزيل الشكر