نصبايه time share 100- 100
عرض للطباعة
نصبايه time share 100- 100
اولا ده مش نصب
هل هم اخذو منك فلوس ومش ح يرجعوها ؟؟؟
انا عندي خبرة بالموضوع ده شوية
غالبا اللي هم عاوزينه انك تروح عندهم الشركة ... ولما تكون عندهم يبقى دي بقى مهمة المندوب اللي ح يقعد يحاول يشرحلك مميزات البتاع اللي بيبيعوه اللي هو 99% تايم شير
انا طبعا روحت زمااان اول ما اخترعوه سنة 1996 تقريبا
وروحت مرة كمان برده عن طريق كارفور زي ما حصل معاك في سبينيز
بس المرة الاخيرة كنت فعلا عاوز اروح لسبب تاني خالص
سبب بيتعلق ببعض دواخل شغلي
كنت عاوز اعرف اسلوب المندوب ... وعاوز اعرف ح يتصرف معايا ازاي لما اسد كل الابواب في وشه بمنتهى الزوق والحزم في نفس الوقت .... وكنت عاوز اعرف انا ح اقدر اتصرف معاه بشياكة وبدون ما اتكسف وبدون ان البي طلبه لأي حد
وفعلا روحت واعتبرتها فسحة .... كان من كام شهر كدة .... واخدت المدام والاولاد وعندهم كان فيه لعب اطفال وشوية حاجات للاطفال
لكن طبعا عملت اللي انا عاوزه ..... وطبعا ما اشترتش اي حاجة من عندهم .... وماوعدتهمش حتى اني ح افكر ..... واخذت دعوة على العشاء لفردين في مطعم في مدينة نصر ملك نفس الشركة وروحت الدعوة واتعشيت انا والمدام ببلاش ومدفعتش غير 7 جنية تقريبا مش فاكر كانت بتاعت ايه
المقصود انهم يحاولو يقنعوك انهم عاملين خصومان للي يتعاقد النهاردة بس عشان تتعاقد وتدفع اي فلوس اثبات جدية
وعلى فكرة عرضهم كان فعلا ممتاز واسعار مغرية واقساط مريحة جدا .....بس انا مش عاوز تايم شير
....
الملخص انهم مش نصابين ..... هما بس بيعملوا دعاية باسلوب سخيف لكن للاسف بيجيب نتيجة في حالات كتير بيعتمد على الاحراج والاغراء بهدايا وخصومات وطبعا بيعتمدو على مندوبين دعايا محترفين لاقصي درجة ..... وعشان كدة كنت فعلا عاوز استفيد من وجودي في هذه التجربة ........... وقد كان ....
Time share وهتروح يقولك انت فزت ومفيش حد مش بيفوز وهتقولك تساافر شرم ولا غردقه ولا اي حته وطبعا تعمل عقد وادفع يامعلم
عمولها معايا في جنينه مول بس فكيتني منهم وبعدين بيقولي دي فرصه وانا لو مكانك مش هفوتها قولتله انا مبسوط ومش محتاج فهسيبها لحد محتاجها ههههههه
طيب مبروك ياجو
اول ماتستلم العربية .. تعملها تايم شير للرجالة هنا
ولا أقولك
انت تعمل تايم شير لعربيتك من دلوقتي...انا جاي أخد دوري بكره
انا رحت بس مخدوش مني 10 دقايق وعملولي كدة :B4_611:
معادي الساعة 7 ... رحت 8
مشيت 8:10
دخلت كانواهيشيلوني من عالأرض شيل
هزرت شوية كدة وبعدين جه البتاع اللي هيشرحلي
هتشرحلي ايه ولموأخذة !
انا جي علي سحب عربية
قالي يا فندم بس أسمع عروضنا !
قلتله عروض ايه ؟ ... في عربية تانية وهدفع فرق ؟ ولا ههتشتروا عربيتي ؟
قالي لأ حضرتك في 10 أيام تيت تيت تيت ...
قلتله أستني ! ... time sharing !
قالي أه !!!
انا : :fdsa:
معلش حضرتك انتوا نصابين وقايلين عربية وكلام تاني خالص
قالي طب حضرتك شوف العرض !
قلتله لأ معلش مبحبوش
ليه ؟
معلش بيعملي حموضة وانا كدة كدة عندي عيب خلقي ومرارتي بتتفقع بسرعة
كان في ناس قاعدشن بيسمعوا الحوار من مندوبين تانين في أوض تانية انا بدأت أعلي صوتي وتقريبا كل الناس عرفت انها نصباية
خدت الكارنيه ومشيت
:grin06:
مش عارف ليه ماستحملتش أقعد وأضيع وقتي أو أزود رخامة
انا عارف لو رخمت عليه ممكن يعمل كدة :durak: وبعدها ... أطلع برررررة
ساعتها هكون بعمل حاجات مش كويسة
يالله أهي عدت والحمد لله :grin06:
:36_1_35[2]:
شكرا يا جماعة علي مساعدتكم
خليتوني أروح بقلب جامد :)
ههههههههههههههههههههههههه ههههههههههههه
زي العسل يا جورج. حلوه بتعملي حموضه هههههه
بس كويس خليهم يبطلوا الاسلوب المستفز ده.
حصل لنا موضوع زي دة بس كانت شركة للتايم شير
رحنا مكان نظيف وفل الفل وشربنا العصير وواحد قعد كل دماغنا
وفي الاخر شككككككككككرا
م الاخر نصباية وجر رجل