الموضوع: هل درجه حراره الجو بتاثر على سحب الهوندا ؟

شباب ازيكم ..

فيه ملاحظتين بلاحظهم اليومين دول فى العربيه

1- فى حدود الساعه 1- 3 العصر بلاحظ ان الهوندا ادئها فى السحب بيقل شويه واستجابه المحرك بتكون اقل من الطبيعى المعتاد والحال بيتغير تماما وتبقى عال العال المغرب او بالليل مع انخفاض درجه الحراره

2- الحاجه التانيه هو لما بسخن العربيه نص تسخينه يعنى يدوب 2 -3 دقايق واتحرك بيكون سحب العربيه عالى حتى الظهر ودرجه الحراره عاليه , انا عارف ان العربيه لما تكون بارده وتتحرك بتكون سحبها اقوى لحد ما المكنه تسخن لكن الى بلاحظه انى لما بتحرك والعربيه مش سخنه قوى والمؤشر لسه معلمش بتفضل العربيه سحبها قوى حتى فى درجه الحراره العاليه

انا مره قرات فى كتالوج العربيه ان العربيه مش محتاجه تسخين وهحاول اجيبلكم النص بالظبط انا دايما بسخن المكنه بس حد يفيدنا هل دى حقيقه ولا اوهام

ايوه مظبوط انا العربيه الصبح بتبقى زفت !! و بليل بتتقلب .. لدرجه انى بقيت احب اركبها بليل بس :)