العربية بتبطل فجأة وانا ع الطريق
السلام عليكم
انا معايا عربية لادا 2110 قبل كدة كان واحنا ماشيين ع الطريق السريع العربية كانت تنتش و تبطل كل 5 او 10 دقائق بعد شحططة كبيرة و لفة ع الميكانيكية في كل حتة جنبينا و مدن جنبنا ما حدش عرف حاجة لحد ما رحنا للمحافظة نفسها فعرفو انها فيوزات طرمبة البنزين اللي تحت الطابلون ده عند البوردة بتاع العربية. فالمشكلة اتصلحت و الكلام ده كان من فترة كبيرة, المهم وانا مسافر لبلد تبعد عني 65 كيلو المهم انهاردة العربية رجعت فجاة تعمل الحكاية ده انها تبطل فجاة الموتور يقف خالص حتى لو انا على سرعة عالية ولازم اقف و ادورها تاني او ادي غيار اقل من السرعة اللي ماشية عليها العربية فممكن تستجيب ساعتها و هكذا كل عشر دقايق فالحكاية دي خطيرة خصوصا لو حبيت اخد غرزة و راح بطلت و انا ف النص هو بس مش بتنتش زي قبل كده و الفيوزات سليمة مش زي الاول و لمبة الانجكشن مطفية هو بس من يومين ودتها عند كهربائي نضفلي شريحة العوامة و العربية كانت بتشر بنزين من تحت لو اتملت فركبلي جوان, فاكيد لما طلع العوامة كان جنبها الطرمبة و طلعها معاها فهل ممكن يكون ده عيب طرمبة و لا ايه. يايريت تقولولي ايه سبب الحكاية دي لو سمحتم اكون شاكر جدا من اعضاء هذا النتدي الكرام.