عرض للطباعة
يا جدعان انا عاوز اركب عربيه زيرو و لكن امكانيات الفلوس اللى معايا لا تتيح انى اجيب عربيه ب70 الف زيرو....و علشان كدا فكرت انى اجيب اللادا 2107 اللى تقفيلها مصرى من شركه الامل لانهم قالولى مافيش روسى....فهل العربيه كويسه و تستحمل و لا ايه؟! و هل بتسخن زى اللادا القديمه و لا ايه؟! و تنصحونى اجيبها و لا لاء؟@ و شكرا يا شباب
حاول تدور على الروسى افضل.
لالالالالالالالالالالالال الالالالالا
انصحك بلاش
مفيهاش اى نوع من انواع الرفاهيه
لاكن هىكا اعتماديه و قطع غيار تعتبر جباره
شكرا يا رجاله على الردود
لو عايز هاتها كسر زيرو احسن هتفرق معاك كتير فى السعر
لا طبعا الزيرو زيرو بردو..بص ياباشا لو مشاويرك جوه البلد يبقي خليك في الادا لا عبشتها وارتفاعها مناسبين للشوراع اللي في مصر وهي عمليه بس محتاجه متابعه شويه..لكن لو عاوز حاجه رفاهيه وسفر بس هتبقي مستعمله وحاله جيده وعلي قد فلوسك يبقي عندك النوبيره او اوبل تسعنات او ممكن تشوف ازبرانزا m11 او m12 ..وانا عن نفسي انصحك بالنوبيره لا متوره جامد وقطع غيارها في المعقول والتكيف 10/10 وثباتها 20/10 يعني مالهوش حل..
العربية بالمقارنة تستاهل فلوسها و محترمة جدا بس مش عربية رفاهية هيه عربية عملية جدا بس :)
والروسي موجود سيبك منهم بيحوروا عشان تشتري المصري الي مابقاش بيتباع قد كده دالوقتي اتعب نفسك وأخر تاريخ الشراء أفضللك بكتير من انك تجيب مصري لان تقفيل المصري مش تمام :)
اتكل على الله وهات الادا على شان الاداويه يزيدو ويبقى شعب الادا الجبار ههههههههههههه
ههههههههههههههههههههههههه هههاقتباس:
المشاركة الأصلية كتبت بواسطة MEKAWY2000
ايه الفرق بين المصري و الروسي ؟
المصري مشاكلها ايه ؟
واللهى انا معاى المصرى من2007 زى الفل وتمام ماالتش باصلها
مشاكل المصرى تتلخص فى ان التقفيل اقل من حيث الجودة و ان كنت حاسس ان موديل 2012 احسن شوية .اقتباس:
المشاركة الأصلية كتبت بواسطة mazagangee
المصرى الاسطوانه مبتكملش 25 الف ك وبتتغير السنتر بيعلق الكلاكس بيعلق التقفيل اقل جوده من الروسى التكيف فى الزحمه بيخلى العربية ترعش بالاخص فيه خرطوم رفيع واصل للكربراتير اللى بيخلى الار بى ام بيعلى مع تشغيل التكيف دايما يطلع من مكانه بيبرجل العربيه وعلى فكره المروحه برضه مبتكملش ال 25000ك كل ده حصل معايا ومع زميلى فى الشغل
اكيييييييييد الروسى افضل ولكن فى المجمل هى عربيه كويسه وعلشان كده ف اسكندريه منتشره جدا وبالاخص بتستحمل الرطوبه والبارومه مبتمسكش فيها لان ساجها كويس جداً وبالاخص الروسى ومفيش عربية عائليه زيرو بالسعر القليل ده
على فكره كان معايا موديل 2007
على فكرة انا عربيتى روسى و عاملة 23 الف كيلو و الاسطوانة بدات تهبل و الميكانيكى قالى ان العيب دة فى الروسى و المصرى.اقتباس:
المشاركة الأصلية كتبت بواسطة إبراهيم المصرى
بس اكيد الروسى العزل ضد البارومه والصداء افضل مليون مره من المصرى وده اكيييييد والفرش افضل وبعدين الروسى انجكشن والمصرى كربرتير
فى ناس بتفضل الكربتير علشان ينفع مع البنزين ال 80 وصيانته اسهل والروسى 1500 والمصرى 1600
انا شخصيا فى رأي
ى المتواضع شايف الانجكشن افضل لعده اسباب
1- السحب افضل
2- اوفر فى البنزين وبالاخص مع التكيف لان الكربرتير مع التكيف فى الزحمه بيسفح لان الباب الثانى ف الكربرتير بيفتح
حضرتك ممكن تجيب بسعر اللادا الزيرو
نوبيرا - اكسنت اوتو
او بقي عايز حاجة من الأخر هات شاهين 1600 ( أنا مسميها مرسيدس الشعب )