انا خلاص تقديرى هيرسى على مقبول هل كدة انى صعب الاقى شغل :crying2:؟؟؟؟؟؟ولا عادى قشطة مش هتبان اوى مع الخبرة ولا ايه الكلام
انا عندى خيبة امل جامدة اوى
عرض للطباعة
انا خلاص تقديرى هيرسى على مقبول هل كدة انى صعب الاقى شغل :crying2:؟؟؟؟؟؟ولا عادى قشطة مش هتبان اوى مع الخبرة ولا ايه الكلام
انا عندى خيبة امل جامدة اوى
ههههههههههههههههه ضحكتني
يا باشا ميفرقش مقبول من امتياز
كده كده لازم واسطه عشان تشتغل شغل محترم
او تبدأ مشروعك الخاص و ده منصحش بيه
هو حضرتك شغال ايه ؟ قصدي هتشتغل ايه ان شاء الله؟
في حاجات التقدير فيها مش مهم زي شغلي مثلا في مجال الحاسبات والبرمجيات زمايلي كتير كانو دور تاني اصلا وشغالين في احسن شركات دلوقتي
عادى
انا فى تجارة للاسف
بص صدقني عن خبرة احتكاك بسوق العمل
الي بيفرق دلوقتي الشخصية مش التقدير
هو انت ممكن واحد جايب تقدير ياخد مكان اعلي منك في الاول
بس بعد كده وبفترة بسيطة لو اثبت نفسك
هتبقي احسن من اي حد
بس انت شد حيلك وحاول تقوي نفسك في المجال الي عاوز تشتغل فيه
سواء كورسات , قراءة , خبرة عمل
كده يعني
وربنا يوفقك
يا باشا وحد لله
تقدير ايه , دة دلوقتى الجامعات الخاصة مش راحمة وكلوا زى الفل
هم حاجة لو معاك اولا واسطة حلوة , ثانيا شوية كورسات على الاقل icdl ولغة حلوة
التقدير مش مهم لكل الوظايف
الا اذا كانت وظيفة حكومية
لازم فيها التقدير وبعدين انتا لو ظبطت نفسك كورسات انجلش و icdl + cma
اوعدك انك تلاقى الشغل مستنيك
عاااااااااااادي جدا جدا انا كنت جايب مقبول وبشيل مواااااااد وبعد التخرج لقيت نفسي ضايع والحمد الله دلوقتي بحضر الدكتوراه وربنا كرمني اتعب وانت هاتلاقي من غير تعب انسي وربنا معاك
يا عم زى الفل
المهم المهارات والمؤهلات هما دول اللى بيعترف بيهم سوق العمل
ده لو بالمقبول يبقى انا كده هفتح سوبر ماركت :d
طب تنصحونى اعمل حاجة فى الصيف شهادات و كدة عشان احاول اضيع فرق التقدير عشان السى فى تبقى شكلها حلو بدل المقبوووول ؟
انا اخدت icdl
و بظبط الانجلش
تمام كده
امال ليه الحاجة محسساني اني في الضياع و اني ياعالم تلاقي شغل ولا لا
ولا هيفرق صدقنى خالص وبكره هتعرف كلامى
صيدله وهندسه بيشتغلوا كول سنتر فى موبينيل وتقديرات جيد وجيد جدا
وقاعد جنبيهم حقوق وتجاره مقبول وكلوا زى بعضوا وكله بياخد نفس المرتب
زى ماقلتلك قبل كده سيبك من ال icdl تماما لانها ملهاش اى قيمة دلوقتى
وخد Cambridge IT Skills او Office 2010 وده ممتاز اوى اوى وامتحن امتحاناته الدوليه وخد شهادته بتاعت مايكروسوفت وخد كمان كورسات محاسبه ولا تنسى كورسات السوفت سكيلز دى كتر منها على قد ماتقدر بس خدها فأرخص اماكن لمجرد الاستفاده وليس الشهاده ولانها ثانويه مش اساسيه
وكمان حاجة منى ليك متاخدش مجال معين وتمشى فيه بس..بمعنى اشتغل فكل حاجة تجيلك عشان ظروف البلد وسوق العمل عايز كده
توضيح اكتر
انا خريج تربيه عين شمس واشتغلت كالاتى
منسق ديكور فى فنادق فشرم - vodafone agent فى بى تك - IT فى شركة سياحة - مبيعات فى العديد من الشركات اللى بتقدم منتجات وخدمات يعنى كل انواع المبيعات - مدير وحده انتاجيه فى اليكو للتأمين - سكرتير فى شركة بترول - Data Entry فى توماس كوك للسياحة - منسق افراح فى شركة متخصصة فى اقامة الافراح - استقبال فى مركز طبى كبير - منسق ومتابعة تدريب فى مركز تعليمى كبير
وحاجات تانى كتير صدقنى انا مش فاكرها من كترها
يعنى كده هتبص تلاقينى دخلت مجال خدمة العملاء والاستقبال والسكرتاريه وال IT و منسق ديكور ومنسق افراح ومبيعات داخليه وخارجيه ومنسق تدريب وديكور وكول سنتر
وخدت كورسات hr و اداره عشان ادخل المجالات دى
بص صديقى
نمى نفسك فكل حاجة واى كورس عليه تخفيض فأى مكان خده ومتترددش وولا تهتم بشهاده اى كورس لان محدش بيبص عليها ابدا ودى خبره اكتر من 200 انترفيو وشغل كتير
لكن اهتم بالكورس نفسه وان لو حد فى انترفيو سألك تعرف ترد عليه
والانجلش اهتم بيه اوى واوعى تتغر بأسم مكان زى القوات المسلحة او الجامعة الامريكية لالالا خالص وسيبك من شهاده الكورس وليفل كام
فى اماكن صغيره وجمعيات خيريه بتدى انجلش بمدرسبن اجانب بس ايه تحفة جدا وبأجور رمزيه
خطط صح دلوقتى عشان متتعبش بعدين
وربنا يوفقك
الف الف الف مبرووووك يا متريكس باشا ، يالله ومستنين الشربات بقة بمناسبة انك جبت تقدير مقبول وربنا يوفقك في حياتك يارب وياتلاقي وسطة حلوة تشغلك ياتلاقي قهوة حلوة. تزبطك في المشاريب ، بس المهم لازم بقة يابطل تقوي نفسك وتاخدلك كام كورس كده اي حاجة تفيدك وتنمي مهاراتك وربنا يوفقك يارب
ابتدى بالانجلش بالتوازى مع الاوفس 2010 لانه اول خطوه هتحطك على برامج المحاسبهاقتباس:
شكرا جدا ليك تعبتك معايا بس حسيت انك توهتنى و فتحتلى مجالات كتير
دلوقتى مش عارف اخد كورسات الخاصة بالكلية ولا اخد كورسات عامة زى office 2010 , cambridge it skills ? عشان دلوقتى مش هعرف ابدا فى الاتنين حاجة حاجة
الاوفس مش هياخد معاك شهرين لو مكثف لانه 4 مواد كل ماده بتاخد حوالى 18 ساعة ..
خلصة وادخل السوفت سكيلز هتلاقيهم مش هياخدوا معاك شهر بالكتير لانهم كورسات عدد ساعاته قليله
جزء زى خدمة عملاء 9 ساعات يعنى 3 محاضرات اسبوعيا وهكذا على مهارات البيع وفن التفاوض ومهارات الاتصال والتواصل ومهاره حل المشكلات والاداره وهكذا
خلصه وادخل بقى على المحاسبه وخلص كورس مثلا زى accounting computerized و بعدين ادخل على workshop hr صغيره مش هتاخد شهر معاك وسعرها بيكون صغير..طبعا كل ده بالتوازى مع الانجلش
المهم انا قصدى امشى فمجال المحاسبه والانجلش ودول الاساس عندك
ومعاهم الثانويات زى السوفت سكيلز وال hr وغيره
وحاول تعرف كل المجالات على قد ما تقدر واى
يعنى نوضح اكتر
انجلش اساسى مفيش خلاف عليه
office 2010 وبعديه على accounting computerized وبعدين كمل فى الكورسات الاعلى للمحاسبه
وفى وقت الفراغ مابين كورسات الاوفس والمحاسبه ادخل على السوفت سكيلز
معلش هتتعب شويه بس هتفرح بعدين لما تلاقى ال cv بتاعك مليان كورسات وتلاقى اى interviewer قاعد قدامك منبهر بال cv بتاعك وهتلاقى وانت بتعمل ال cv انت مش عارف تحط الكورسات فين من كترها..:)
اسمع من مجرب
لو فيه استفسار اسأل وانا معاك
اشكرك يا بيشو انا والله تعبتك معايا !! لو فيه حاجة جت فى دماغى هسئلك عليها
انا تحت امرك فأى وقت
بس نصيحة اخويه ابتدى من دلوقتى ومتأجلش..عشان متلاقيش نفسك مضطر تاخد كل ده فسنه واحده عشان تعرف تشتغل
وربنا يوفقك
يا ريت حضرتك تقولي اسعار و اماكن cambrige it skills و computarized accounting ?
اعتبرة محصلش وعيش حياتك :)