الناس تخلى بلها ان الزيوت اليومين دوا مضربوبين حتى اللى فى النبزينه وبشهادة الميكانيكى كمان وواحد صاحبى جايب زيت فيتس من بنزينه شل وطلع مضروب وفى واحد اشتكى من الزيت بتاع موبيل وكان جايبه البنزينه الزيت تجيبه زى الفل اول لما يشم الحراره بيبقى ميه
عرض للطباعة
الناس تخلى بلها ان الزيوت اليومين دوا مضربوبين حتى اللى فى النبزينه وبشهادة الميكانيكى كمان وواحد صاحبى جايب زيت فيتس من بنزينه شل وطلع مضروب وفى واحد اشتكى من الزيت بتاع موبيل وكان جايبه البنزينه الزيت تجيبه زى الفل اول لما يشم الحراره بيبقى ميه
كلام صح وجربته فى شل الاصفر ابو 120 جنيه
التاريخ كان ممسوح من على الجركن
وبعد كده نيل العربيه وغيرته بعدها بمده قصيره
كلام صحيح عن تجربه
يادى النيلة
أنا متعود انى ببعد عن بتوع الزيوت
وبغيره بنفسى كمان
لما بيشترى زيت موبيل من بنزينة موبيل بكون مطمن
أو شيل من بنزينة شل
أمال نجيب زيت مضمون منين ؟
يا نهار أبيض
طب نجيب زيت نضيف منين؟
نجيب تعاون و خلاص و لا إيه؟؟
هو الموبيل الxhp بكام
علشان انا ياجيبة ب110 والميكانيكي بيبيعة ب120 وبيقولي ابو 110 دا مضروب مع اني باجيبة من موزع جملة كبير
سعره 120 جنيه من بنزينة موبيل
وللأمانه كنت بشترى من بتاع زيوت وكان كويس
ومحصلش مشاكل
بس بعد انتشار الغش بقيت بخاف منهم و بشك فيهم
ويمكن يكون علشان تاجر كبير بياخد بسعر جملة ةفيه مكسب كبير
علشان كده بينزلك فى سعره
والله اعلم
شوف الصورة ديه فيها اسعار موبيل
http://img696.imageshack.us/img696/5007/064f1.jpg
بصراحة الموضوع ده شاغلنى من فترة ، وكنت بدأت أبحث عن بديل مناسب حتى لوكان أعلى فى السعر من موبيل وشل ، ووجدت فيه كذا نوع :
أولا : فالفولين .. وده زيت أصله أمريكى وله وكيل فى مصر بيستورده من مصنع هولندا
وهذا رابط موضوع إعلانى له فى المنتدى
http://www.nilemotors.net/Nile/245367-valvoline.html
وهذا رابط آخر لأصل وفصل وقصة حياة هذا الزيت
Valvoline.com > Heritage
ثانيا : ليكوى مولى .. وده أصله ألمانى ويستورد رأسا من المانيا
وهذا رابط موضوع إعلانى له فى المنتدى
http://www.nilemotors.net/Nile/254684-liqui-moly.html
وهذا رابط آخر لموقع الشركة
LIQUI MOLY - Motor Oils, Additives, Car Care - Quality made in Germany. For more than 50 years.
وطبعا على قدر علمى فى أنواع أخرى من الزيوت المستوردة موجودة فى مصر بس ماأقدرش أتكلم عنها لأننى لم أقرأ عنها .
وميزة الأنواع دى إنها تأتى مصنعة ومعبأة بالكامل فى بلادها ولا تعبأ هنا فى مصر
أنا شخصيا نويت بإذن الله فى أول تغيير للزيت أحول لأحد تلك الأنواع
أرجو أن أكون قد إستطعت الإفادة ..
وتقبلوا تحياتى ،،،
ـــــــــــــــــــــــــ ـــ
بالإضافة إلى ما ذكرته بالمشاركة السابقة فأنا شخصيا جربت الزيت المعدنى إللى بيقعد 5000 كم فى سيارتى الكيا على أساس إنها موديل قديم وماينفعش معاها زيت تخليقى الآن وهذا الزيت هو الأنسب لها بالنسبة إلى عمرها .
http://www.nileup.com//uploads/images/s04a1222973.jpg
بصراحة أنا لسة حاطه من يومين فقط ولسه ماأقدرش أحكم عليه إلا بعد فترة ، ولكن مبدئيا حاسس إن العربية فاقت بعد تغيير الزيت .. بس ده عادى بعد تغيير الزيت أيا كان نوعه .. المهم يستمر بكفائته حتى آخر عمره .
أما بالنسبة إلى سيارتى النيسان فأنا أصلا أستعمل زيت تخليقى لها ونويت بإذن الله فى أول تغيير للزيت أبعد عن موبيل وشل وأحول لأحد تلك الأنواع .
وتقبلوا تحياتى ،،،
ـــــــــــــــــــــــــ ــ
شكرًا على مجهودك يا هيشوو