يا رجاله نايل موتورز كل اللى معايه 34000 اجيب بيهم ايه ابيزه ولا كليو ولا اكسل ايه الاحسن وايه الفرق بينهم فى كل حاجه...
عرض للطباعة
يا رجاله نايل موتورز كل اللى معايه 34000 اجيب بيهم ايه ابيزه ولا كليو ولا اكسل ايه الاحسن وايه الفرق بينهم فى كل حاجه...
ماحدش رد عليه!!!!!!!!!!
حسب احتباجاتك من السيارة لو عايز عربية عائلية قطع غيار رخيصة وعربية اقتصادية اعادة بيع ممتازة اى حد بيشتغل فيها يبقى اكسيل مفيش كلام عايز حاجة شبابى جرى وشد وممكن تسقط موتور اعلى وتعمل فيها حركات روشنة بس قطع غيار اعلى شوية ابيزا خد كمان عندك لو عائلية وواسعة وقطع غيار رخيصة فيات يبقى تمبرا
كليو علشان موديل احدث و قطع غيارها معقولة الاكسيل قديمة اوي و الابيزا قطع غيارها صعبة
بسم الله الرحمن الرحيم
انا فى رائي لا دة ولا دة ولا دة
شوف دايو لانوس وان
انا كنت فى السوق النهارده ولاقيت العربيات كلها الى فى رنج الفلوس اللى معايه تعبانه قوى والتجار مبهدلين السوق ورافعين الاسعار قوىىىىىىىىىىىىىىىىىىىىىىى ىىىى
لو حابب تسال على الكليو ادخل قسم الرينو واسال اكيد اللى معاه العربية ادرى طبعا مننا ويمكن يكون فيه حد عايز يبيع اهو التعامل هنا مع الاخوة فى المنتدى احسن من السوق طبعا
عندك حق يا باشا.... وشكرا على المساعده
انا شايف ان الكليو مناسبه جدا بس لو حالتها كويسه لان لو حالتها تعبانه هخليك تكره اليوم الى ركبت فيه عربيات
مميزات الكليو ثبات افضل من الاكسيل -ناعمه على الطريق - قطع غيار معقوله خارج التوكيل وداخل التوكيل متوسطه - تقفيل افضل - استهلاك بنزين ممتاز جدا جدا -كماليات معقوله يعنى كلها فيها ايموبلزر واير باج للسواق
عيوبها الكبنه الخلفيه ضيقه جدا - اعاده بيه صعبه شويه بس بتباع -
هيه طبعا قطع غيارها اعلى من الاكسيل ولانوس
بس انت لو حسبت سير الكاتينه ب450 ده اصلى من التوكيل وبيعد 60 الف كم وبره ممكن تلاقيه ارخص من كده بكتير جدا بس مش اصلى
كمان سير كاتينه الاكسيل لو ب45 جنيه اكيد مش اصلى ومش هيعمر معاك
عموما قطع غيار الرينو غاليه عن الكورى القديم بس مش نار زى ما الناس متصوره والدليل انى معايا كليو من الزيرو وبتعملها صيانه فى الوكيل لغايه دلوقتى والعربيه بسم الله ما شاء الله زى الفل وكان معايا لانوس من اربع سنوات ومكنش حاسس ان الكليو قطع غيارها نار بالنسبه للانوس مثلا
عموما ربنا يوفقك فى الى فيه الخير وتلاقى حاله كويسه سواء كليو او اكسيل او اى ماركه تانيه