قدر الله وماشاء فعل عملت حادثه بسيطه والحمد لله ..... ارجو المساعده

**ابو ليلى** · 15-04-2012 03:42 AM

المشاركة الأصلية كتبت بواسطة sara2001

ما انا عملت اخطار بالميل والتليفون لكن مفيش صوره ليه
الشركه اعطتني رقم اتابع بيه الإخطار وابلغهم ان العربيه راحت الوكيل علشان يبعتوا المندوب للمعاينه هناك هل ده كافي هناك
ده كافى فعلا وده اللى بيحصل

والشركه بتدفع بعد ما كيا تبعتلهم الفواتير وانا بدفع في الوكيل النسبه المطلوبه مني وبعد كده بستلم
اللى اعرفه انك بتدفعى كامل القيمة لان التوكيل بيتعامل معاكى انتى مش مع شركة التأمين ومندوب الشركة بيروح اول مرة بس وقت عمل المقايسة يقول لا دى تتصلح او تتغير او اى ملاحظات مع المهندس فى التوكيل
لكن مش عارفه الإجراءاتخلال الوقت ده هتم ازاي
يعني متوقع انها تاخد وقت شهر فعلاً ؟

المشاركة الأصلية كتبت بواسطة sara2001

وبدون حجز مش كده
انا اتمنى طبعا تكون اقل من الوقت ده ولكن كان حصل لبعض الاعضاء معانا
انهم صلحو فى التوكيل وكان اقل من اللى عندك واخدت الوقت ده
ولما تروحى ادخلى الى المهندس خالد فاروق وحاولى تكون المتابعة معاه

**nevozaky** · 15-04-2012 03:46 AM

قدر الله وما شاء فعل يا سارة
والحمد لله على كل شىْ المهم سلامتك انتى وسلامة اى شخص تانى

**ابو ليلى** · 15-04-2012 03:51 AM

المشاركة الأصلية كتبت بواسطة ls1090

انا واحد صحبى تامين غبور انا حضرت الاتفاق او لما عمل الوثيقة مهندس التامين قال
احنا بناخذ 0.5% زيادة مقابل ان التكلفة تكون 0 و لقدر الله حصل حاجة بتسلم العربية وتتصلح ومبتدفعشى مليم ولا بنعوز محضر اقل من 10 الاف ووووووو ...... الخ
الكلام كان حلو فى الاتفاق
العربية اتخبطت روحت معاه ننفذ الكلام المتفق عليه روحنا قليوب اقرب
اول حاجة فين المحضر قلنا الوضع كدا لا لا مفيش الكلام ده طيب فين الوثيقة مفيش وثيقة قال روح هات صورة من ابورواش روحنا وكانت المفجاة الكبرى وثيقة تامين عادية تبع مصر للتامين رجعنا تانى قليوب قالى احنا كلمنه مصر للتامين وهيبعته المهندس بكره الساعة 10 انا سالته وانت اش عرفك ان العربية تبع مصر للتامين قال دخلت على الكمبيوتر وشوفت قتل طيب ليه بعتنا ابو رواش قال اجراءت
روحنا تانى يوم للمهندس التامين ومهندس التوكيل قال العربية هتتكلف 8000 ج قلنا كويس مفيش محضر مهندس التامين قال فين المحضر قلت العربية اقل من 10 تلاف لا لا لازم روحت اعمل محضر فى القسم قال فين الطرف التالت والتانى اقلت اهلا وسهلا و تاريخ المحضر هيكون بعد التسليم ....
طبعا كلمت واحد صحبى ظابط قالى روح قسم ... للامين كذا .... وكلمنى على اتلفيون وهكلمه ولازم يشرب شاى ..مش مشكلة ..روحنا كلمناه قال عايز تكتب ايه فى المحضر
عمل المحضر وجاب الطرف التانى والتالت نمر وهمية وختم الصورة وقطع الاصل
بعد كدا و هو رايح يستلم العربية المهندس قال فى نسبة تحمل 5% ومصاريف ادارية
....

محمد كلامك ده معناه ان شركة التامين متعاقدة مع غبور وهما شركة واحده اصلا
علشان كده لاازم يسال عن وثيقة التامين والمحضر ويطلع اى كلاكيع وخلاص
( زى الموضوع اللى موجود فى القسم هنا )
وطبعا زميلك غلطان انه دفع النسبة دى طالما مش مكتوبة فى الوثيقة
انما شركة كونتكت مش متعاقدة مع كيا وهنا الاختلاف

**sara2001** · 15-04-2012 04:13 AM

المشاركة الأصلية كتبت بواسطة ابو ليلى

اللى اعرفه انك بتدفعى كامل القيمة لان التوكيل بيتعامل معاكى انتى مش مع شركة التأمين ومندوب الشركة بيروح اول مرة بس وقت عمل المقايسة يقول لا دى تتصلح او تتغير او اى ملاحظات مع المهندس فى التوكيل

هتأكد من مندوب التأمين تاني لأني فهمت منه انه بيدفع للتوكيل مباشرة وبعد كده يسمحولي بإستلام العربيه

انا اتمنى طبعا تكون اقل من الوقت ده ولكن كان حصل لبعض الاعضاء معانا
انهم صلحو فى التوكيل وكان اقل من اللى عندك واخدت الوقت ده
ولما تروحى ادخلى الى المهندس خالد فاروق وحاولى تكون المتابعة معاه

ربنا يسهل ويكون موجود في اليوم ده

المشاركة الأصلية كتبت بواسطة ابو ليلى

الهياكل مفيهاش حجز
العربية بتاخذ دور اول لما بتدخل التوكيل

الف شكر انا حبيت اتأكد قبل ما اروح
الموظفين هناك كل واحد برأي

المشاركة الأصلية كتبت بواسطة nevozaky

قدر الله وما شاء فعل يا سارة
والحمد لله على كل شىْ المهم سلامتك انتى وسلامة اى شخص تانى

ميرسي يا نيفو على ذوقك انا متضايقه والله جدا من اللي حصل والحمد لله على كل شيء

**Donzi** · 15-04-2012 05:18 PM

ماتضايقيش نفسك خالص يا سارة و الحمد لله على كل شىء قضا اخف من قضا

و الحمد لله ان الخساير مادية فقط و اللي يجي في الشيش بقشيش زي ما بيقولوا و اهم حاجة سلامتك

**sara2001** · 16-04-2012 02:41 AM

المشاركة الأصلية كتبت بواسطة M.Akef

كل ده و انت خارج من الجراش!!
الفنوس اظن كان الصيني ب350 و الاكصدام ب600 دا الجديد بس يفضل انك تاخد اكصدام بلون العربيه من نص عربيه نفس اللون جايه استيراد
الحمد لله علي سلامتك و الحمد لله انها جت علي اد كدا

الحمد لله على كل شيء
بإذن الله هصلحها في التوكيل علشان التأمين

المشاركة الأصلية كتبت بواسطة m_bander

الحمد لله على سلامتك

تقريبا شركات التامين ممكن تغطى الحادثة بتاعت الطرف التانى ممكن تساليهم على الموضوع ده اهو توفرى شوية فى التصليح

و فى النهاية كله قدر ربنا والحمد لله على انها جات على كده

الحمد لله انها جت على قد كده
انا سألت في كونتكت التأمين مش بيغطي الحادثه بتاعة الطرف التاني

المشاركة الأصلية كتبت بواسطة Donzi

ماتضايقيش نفسك خالص يا سارة و الحمد لله على كل شىء قضا اخف من قضا

و الحمد لله ان الخساير مادية فقط و اللي يجي في الشيش بقشيش زي ما بيقولوا و اهم حاجة سلامتك

الله يسلمك يا دونزي الحمد لله على كل شيء
انا مش متضايقه والله من الخسائر الماديه انا متضايقه من الخطأ اللي حصل مني وبحمد ربنا تماما ان مفيش حد كان واقف مكان العربيه كان اتصاب لا قدر الله
ومتضايقه جدا علشان العربيه الأخرى اللي خبطها وصاحبها مالوش اي ذنب
وبالعكس انا اتمنى يصلحها بالطريقه اللي تناسبه حتى لو كلفت اكتر علشان يكون راضي ويسامحني وما اتحملش ذنبه

اللي حصل ان من فتره نزلت العربيه في جراج منزله حاد جدا علشان في اكتر من عربيه اتسرقت في المكان اللي كنت بركن فيه
وكنت بطلع من الجراج عادي بسهوله والمنزل هو اللي كان بيتعبني شويه في النزول
قبل ما بطلع كنت بجيب الأول علشان العزم واحاول اقف على آخر المطلع علشان اشوف العربيات اللي جايه في الشارع وانقل على الd وادخل شمال بعد كده
في اليوم ده وانا في آخر المطلع قبل ما اقف ماما قالتلي ادخلي يمين ادخلي يمين احسن ونفذت بالحرف الواحد بدون اي تفكير
لفيت الدريكسيون يمين والعربيه لسه واخده عزم الأول واندفاع المطلع وبوووووووووووووم طااااااخ دششش .... مش فاكره ايه اللي حصل ولا متأكده كله في ثواني
كل اللي فاكراه اني كنت بحاول اوقف اندفاعها بدون اي فايده نجحت بس اني اوقفها قبل ما تخبط في صف العربيات اللي على الناحيه التانيه في اليمين
والحمد لله قدر الله وما شاء فعل

-

-

-

-

الموضوع: قدر الله وماشاء فعل عملت حادثه بسيطه والحمد لله ..... ارجو المساعده

LinkBack

أدوات الموضوع

عرض

-

-

-

-

-

-

المواضيع المتشابهه

عملت حادثه على الماشي والحمد لله

عملت حادثه والحمد الله

اشمعنى وليد عمل حادثه انا كمان عملت حادثة (قدر الله وماشاء فعل)

البيكانتو اتخبطت ...والحمد لله قدر الله وماشاء فعل

عملت حادثه النهارده وقدر الله وماشاء فعل

الكلمات الدلالية لهذا الموضوع

المفضلات

المفضلات

ضوابط المشاركة