عرض للطباعة
يادكاترة المنتدي
بقالي فتره لما بقعد علي الأرض واجي اقوم الاقي نفسي مش قادر افرد رجلي الشمال من عند الركبه بيبقي فيها الم جامد قوي
انا بقالي فتره مغير المكتب بتاعي في الشغل بمكتب تاني اضيق ومش بفرد رجلي طول النهار
النهارده الألم ذاد قوي وفي صلاة الجمعه مكنتش قادر اقعد او اتني رجلي خالص وطول الخطبه فارد رجلي ودلوقتي قاعد علي الكرسي برده بتوجعني
ياريت تقولولي ده ايه بقي واكشف عليه فين او اجيبله علاج ايه عشان مش بفضي خالص وكل يوم اروح الشغل مرجعش غير 11 بالليل
مفيش حاجه يا عم الحاج
ده مجرد ارهاق من كتر القعده
بس في نقح في ركبتي شغال غلي طول وبيذيد يبقي ازاي مفيش حاجه !
خد حاجة نيوروتونيك
وامشي كتير...
لو ماجبش نتيجة .. إكشف عند أخصائي عظام
اقتباس:
المشاركة الأصلية كتبت بواسطة a7med_pharma
ده زي اليوريسيلفين ولا حاجة تانية اصل الاملاح ابتدت تشد حبتين
صدقني مفيش حاجه
انت حاول تريحلك يومين و كل حاجه هتبقي تمام ان شاء الله
انت قاعد طول الوقت صح ؟ من العربيه للمكتب و من المكتب للعربيه
مفيش مشي خالص ؟ لازم يحصل كده
الموضوع ده غالبا ملوش دعوة بالاملاح
بص يازميلي
تاخد الأتي
علبة ديبوفيت ..أمبول ..تاخد حقة عضل كل 3 أيام
وشريط سبوندكس ..كبسول
وشريط جينيوفيل .. أقراص
بس كده
وإن شاء الله تلاقي نتيجة
لو مالقتش نتيجة .. يبقا تستشير أخصائي عظام زي ماقولتلك
اعمل تحليل
ESR
Serum Uric acid
مؤقتا ممكن تاخد
aloben tablet 3 times after meals
olfen da tablet 3 times after meals
شكرا جزيلا ان شاء الله هجيب الألوبين واولفين وهجرب
وللاسف مش هيفع اريح لاننا مزنوقين في مشروع مهبب وبنشتغل حتي جمعه وسبت ومفيش راحه خالص طبعا من العربيه للبيت للشغل مش بمشي خالص
نفس المشكلة كانت عندي في ركبتي الشمال وجربت كل العلاجات مرتحتش غير على كريم واحد جبهولي من السعودية مستخلص من عشبة الشاي الاخضر اسمو دقيقه كده لمن اقوم اشوفوا
اهو ياسيدي اسمو.
TE A
T R E E
مكتوب عليه انتاج ماليزيا
وادي ياسيدي السايت. بتاع الكريم
Welcome to DXN
اه ومعليش ياباشا كمان برضو ، الله يخليك اركب اي عربية لزميل ليك وشوف الدبرياج عندو اخف من عندك ولا انتا عندك تقيل لان مرات الدبرياش بتاع العربية بيكون تقيل بس الواحد مبيحسش غير لمن يبتدي يعاني من الام الركبة وبالشفا انشاء الله
اكيد من كتر القعده زي ما قلت و ممكن كمان من الكلاتش برضه
دبرياج عربيتي تقيل فعلا بس انا مشواري يادوب 2 كيلو وسالك يعني يادوب بغير 10 مرات مثلا ولا حاجه
حبيب قلبي مش بقلك اني انا كمان كان عندي مشكلة في ربكبتي الشمال بس الحمدالله خفيت وربنا يخففك يارب ويخفف عن كل مريض كل دي عوامل لوجع الركبه ياريس بس جرب الكريم الي قلتلك عليه وادعيلي
جرب اللى الأخوة قالولك عليه وإن شاء الله تتحسن كتير
فى حالة - لا قدر الله - مافيش تحسن عرفنى بس وأنا أدى لحضرتك بيانات دكتور ((علامة)) فى موضوع الركبة من الآخر والله .
شفاك الله وعافاك
عامل ايه يا باشا دلوقتى بعد الالوبين الاولفين ؟
الحمد لله احسن دلوقتي بفضل الله ثم التمارين اللي بعملها الصبح
الحمد الله ربنا يطمنا عنك دايماً ويشفيك ويعافيك قادر ياحق
جزاك الله كل خير يااخي الكريم ولك مثله