الموضوع: بداية الثورة ضد غبور (موضوع للشكاوي ضد التوكيل)

المشاركة الأصلية كتبت بواسطة Nashaat Rady

- الاسم : نشات راضي
- نوع السيارة :النترا md
- سنة الصنع :2012
- الكيلومتر ١٩٠٠٠

المشكلة: الكشافات الأمامية نملت و شققت من الداخل.. المهندس طاهر استقبل العربية من شهرين و اخد صور و حركات و قاللي حابعتهالك للحاجة كوريا للدراسة و سيتم الرد عليا في خلال اسبوعين.... رحعتلهم بعد شهر و نص لاقيت البرنس بيقولي: "معلش اصلي نسييييت".
قابلني المهندس مينا و و عدني في خلال ايام قليله سيتم الرد عليا... عدي اسبوع و عم مينا نفض..... روحت واخد بعضي و رحت قابلت المهندس محمود و قاللي الموضوع اترفض.... قولتله ازاي؟؟؟.. قاللي هو كده انت اللي بوظتهم بعامل خارجي.... قولتله حضرتك الحالة ده متكررة و انتم كُنْتُمْ بتغيروهم من غير مشاكل، انكر و قاللي انت اول واحد يشتكي من الموضوع ده و من هنا العفاريت أطنتت قدام عنيا و قولتله انا رايح اشوف حد كبير أكلمه....

قابلت المهندس عصام فرحات المحترم الخلوق جداً مدير المركز ... و شرح لي ان الناس في كوريا بيدرسوا المواضيع ده لسا و ان شاء الله نوصل معاهم لحاجة و انا حتابع معاك الموضوع بنفسي و ما تفكرشي تغيرهم.

نصيحة لمهندسي الاستقبال التوكيل فرع العبور: انتم ابعد ما يكون عن الاحترافية و ابعد ما يكون عن حرفية التعامل مع العميل....
بل انتم محترفون في استفزاز العميل...
انتم اخركم صيانة الألف كيلو مع العميل.

شكراً

العيب ده موجود فى السيراتو كمان و القشرة الشققت دى هى عبارة عن ultra violet coating عشان يحمى الكشاف من الصفرار.
وانها تشقق هى عيب كناعة بنسنة 10000000%, العلربيات دى من التوكيل يعنى موصفات مصر يبقى لازم تستحمل الشمس و المياة زيها زى غيرها
ابعت شكوة للشركة بالصور

المشاركة الأصلية كتبت بواسطة Nashaat Rady

هي الثورة نامت ليه يا رجالة؟؟

اديكم معانا كده. واهو العيار اللي مايصيبشي يدوش....

احنا بنروح التوكيل لسبب واحد فقط و هو الضمان، طب لما الضمان كمان يطلع فشنك، يبقي احنا بنذكي علي عم غبور الغلبان. ...

علي العموم وراهم وراهم....

والله كرهوني في العربية بغبائهم الشديد و قلة خبرتهم في احترام العميل....

جاتهم القرف.....

بفكر جديا في البيع و اجيب عربية توكيلها يكون محترم بغض النظر عن ماركتها.....

صديقي المواطن الثورة شكلها سقعانة حبيتين وعندها برد من الجو
ياثورة ماتمت

المشاركة الأصلية كتبت بواسطة Nashaat Rady

هي الثورة نامت ليه يا رجالة؟؟

اديكم معانا كده. واهو العيار اللي مايصيبشي يدوش....

احنا بنروح التوكيل لسبب واحد فقط و هو الضمان، طب لما الضمان كمان يطلع فشنك، يبقي احنا بنذكي علي عم غبور الغلبان. ...

علي العموم وراهم وراهم....

والله كرهوني في العربية بغبائهم الشديد و قلة خبرتهم في احترام العميل....

جاتهم القرف.....

بفكر جديا في البيع و اجيب عربية توكيلها يكون محترم بغض النظر عن ماركتها.....

والله نفس الأحساس والتفكير فى البيع لذات السبب
لكن قولى هتجيب ايه علشان الحيرة اللى انا فيها

بداية كده أنا رايح التوكيل الاسبوع ده و هأحاول أتكلم مع حد هناك بالنسبة للمشاكل دي

و الخطوة اللي جاية هاتكون أكيد بالتصعيد و هأقول لكوا عليها في وقتها

المشاركة الأصلية كتبت بواسطة nashaat rady

و الله تبقي عملت معروف كبير فينا يا هندسة.... انا اخر مرة قابلت مهندس عصام فرحات مدير المركز راجل قمة في الاحترام و و عدني بمتابعة الموضوع بس مستعجل علي طول... بس علي الاقل فاهم يعني ايه زبون.... مش طقم الهواة اللي بيستقبل الناس بره ده.....

باشمهندس نشأت ..

ممكن تبعت لي رقم الشاسيه و الموتور لعربيتك ؟

و كمان أي حد عنده مشكلة ياريت يكتب رقم الشاسيه و الموتور علشان المفروض أنا رايح التوكيل الاسبوع ده و ناوي أجمع مشاكلكم و أتكلم فيها