السلام عليكم :
انا من يومين لقيت البطارية نايمة ففتحت ابص عليها ملقتش فيها مياه خالص فجبت مياه مقطرة و رجعت اشتغلت بس بتنام تاني برضه , في ناس نصحوني اجييب واحدة جديدةa 70 بدل ال55ِِِa عشان انا مركب نور عالي مع إني مركب كتاوت لكن هل كده هيبقي في مشاكل ولا إيه ؟!!
ان شاء مفيش مشاكل انا ركبت واحده acdeloc 70 وتمام التمام وربنا يوفقك
البطارية ال 70 امبير هتركب عادي بس هتلاقيها ارتفاعها اعلي من ارتفاع ال 50 امبير وده ممكن يسببلك مشكلة لو فيه شاب تيت قعد علي الكبوت ناحية البطارية
انصحك اوعى تعملها لان البطاريه 70 امبير محتاجه دينمو 65 امبير وده مش فى عربيتك والنتيجه ان الدينمو اللى موجود مش هيقدر يشحن البطاريه شحن كامل ابدااااااااااااا وده بياثر على عمر البطاريه انا وقعت فى الموضوع ده والنتيجه ان البطاريه بتام لو سبت العربيه اسبوع وهى جديده وطبعا دوخت لغاية لما عرفت ان السبب عدم شحن البطاريه بالكامل والله اعلم
متهيالى ملهاش اى لازمه
لان حتى لو مركب نور عالى مش هتفتحه الا و انت مشغل العربيه
ال 70 هترهق الدينامو جامد و كمان فلوس على الفاضى علشان ال 55 هتقضى نفس الغرض طالما الدينامو سليم
وفر فلوسك وخلاص ---انا كنت عملتها قبل كدة لما كانت البطاريات رخيصه---لا يوجد اى فرق الا فرق بسيط النور العالى كان اقوى شويه ومتقليش ازاى --بس تركيبها لن يسبب ضرر --فضلت سنتين فى عربيتى -ولم تؤثر على شىء وبعدين دة فيه عربيات بطاريتها 35 امبير واكبر حجما من الانوس
مش هتفرق غير في الفلوس فقط
شكرا جدا علي الردود و جزاكم الله كل خير , تمام و هجيب واحدة 55 امبير