اعزائي الشباب
دلوقتي اخوكم طول حياتو بيتعلم انجليزي ، من ونا في سنة اولى اعدادي ، وبعد ما اتخرجت من الجامعه دخلت البريتش كانسيل. وقاعدت لغايت. ليفل خمسة
ولسه لغايت دلوقتي كل ما دخلي كلمتين انجليزي في دماغي. ابص الاقيهم. اتمسحو بسرعة كاني دخلتهم من عنيا واتزحلقو من قفايا ، والي خلاني اشك في الامر اني مكنتش واخد بالي ان عندي حته في دماغي من ورى ابتدى الشعر يخف فيها لغايت مابقت قرعة غير لمن الحلاق نبهني وقالي. على فكرة ياستاذ محمد شعرك ابتدى يبيض والحته الي ورى فضيت خالص. فقلتلوا الحته الي ورى ولمن حطلي المرايا ورى دماغي وشفت الصلعه الي ورى. كان هيغمى عليا ازاي الزمن يعمل فيا كده. طب يبيض وقلنا ماشي كمان الشعر يروح بمنتهى البساطة دي
المهم. انا بقول يمكن السبب ان المعلومات بتطلع من دماغي الحته الي مش متغطية ديا ( الصلعه )
ولا يمكن انا بزاكر انجليزي غلط. وعيب اوووي لمن ابني الصغير بيتكلم انجليزي. وانا بقلوا ياس ونووووو وهور يوو ده حتى بنتي النونه بتغني بالانجليزي اغنية لشب جديد اسمو انيمم ومش فاهم منها حاجة
فياريت كل واحد يقلي هو بيحفظ انجليزي ازاي. وازاي بيثبتو جوة مخووو. وبيعمل ايه علشان ماينسهوش الله يبارك لكم. ايه انسب طريقة لمزاكرة الانجليزي