الموضوع: بنزين ابيزا 2000

الف مبروك يا ايهاب
بس ازاى يا عم بنزين 80 فى ابيزا 2000 ... اية اللغز دة
انت متأكد حالتها كويسة من تحت ايد الراجل دة !!!!

على العموم بعد كدة طبعاً تحط 92 على طول
ويفضل انك تغير فلاتر دلوقتى على طول

وبالنسبة للمانيوال ..لو فى اى حاجة ماعرفتهاش
ابعتهالى و انا هاقولك عليها

الله يبارك فيك يا عمرو .
حكاية البنزين ال80 ان الراجل تاجر وهو اشتراها وقعدت معاه 10 ايام فقط فمش فارقه معاة حاجة فحط 80 .
وبالنسبة للعربية انا كان معايا اتنين قالوا عليها كويسة.
معلشى هاتعبك معايا يا عمرو انا كان عندى حبة اسئلة :
1 - ايه تأثير البنزين ال80 على عربية زى دية.
2 - السنتر مش شغال من المفتاح اعملة ازاى وكمان لوك الاطفال مش شغال وكمان رفع الزجاج الخلفى من الوحدة الامامية وقف دلوقتى ممكن اكون دوست على حاجة وقفته.
3 - عايز اعمل طقم سيرفيس الكاتينة والبيجوهات - فيه واحد قالى ان البيجوات كويسة ولو جبت جديد مش هاتلاقى الاصلى - اعمل الموضوع دوة فين (انا فى القاهرة الجديدة)
4 - زيت الباور بيقل ولما قلتله كدة قالى انه عايز يتعمل عند الميكانيكى - اولسيل عايز يتغير.

عموماَ انا مش عندى خبرة قوى فقولتلك اللى اتقلى وشكراَ ليك يا باشا.

بص يا ايهاب

1 - ايه تأثير البنزين ال80 على عربية زى دية.

لو البنزين 80 كان على قد فترة بسيطة كدة فا مفيش مشاكل ان شاء الله
هتحتاج تغير فلتر بنزين فقط (اضمن )
وبعد ما تغيرة تحط بنزين 92 عادى ... عشان طبعاً هايفرق معاك جامد فى العربية

2 - السنتر مش شغال من المفتاح

اتأكد الاول من بطارية المفتاح ..يعنى بتنور لما تدوس على الزرار اللى فى المفتاح ولا لآ

لوك الاطفال مش شغال وكمان رفع الزجاج الخلفى من الوحدة الامامية وقف دلوقتى ممكن اكون دوست على حاجة وقفته.

-لوك الاطفال لو نزلت الدراع و فتح من جوة ..يبقى عيب ميكانيكى فية ..عايز الباب يتحل و يتشاف فية اية
- رفع الزجاج الخلفى ...هتلاقى قدامك فى الكونسول (عند الطفاية ) فى زرار فى النص عريض ..دوس علية ... عشان اللى ورا يقدر يرفع و ينزل الزجاج الورانى
-بالنسبة لشغل الميكانيكا انا الصراحة ماعرفش حد قريب منك ..انما فى ميكانيكية كويسين الاخوة الاعضاء قالوا عليهم هنا فى مصر الجديدة و الجيزة

4 - زيت الباور بيقل ولما قلتله كدة قالى انه عايز يتعمل عند الميكانيكى - اولسيل عايز يتغير.

لما بتحرك الدركسيون لفات كاملة ..بتسمع ورة او وش كدة ...ولا مفيش
لو مفيش والزيت بينقص بس ..يبقى فعلاً محتاج اولسيل

اية الجمال ده يا عمرو
طمنتنى يا باشا.
بالنسبة للمفتاح فالبطارية بتنور بس لما اشتريتها من التاجر قالى هى البطارية عايزة تتغير بس.
بالنسبة للزجاج اللى ورا فالمفتاح اللى فى الوسط عند الولاعة فى موقعة السليم لكن المشكلة ان فى الاول كنت بقدر ارفع الزجاج الخلفى من الوحدة الامامية عند الولاعة لكن دلوقتى ما بقدرش لكن اللى ورا يقدر يرفع ويننزل ما فهوش مشاكل
بالنسبة للباور انا ما بسمعشى حاجة لما باجى الف خالص ولكن هو بيقل
سؤال اخير يا عمرو لو رحت لميكانيكى علشان الحاجات اللى قلتهالك دية اعمل حسابى فى كام تقريباَ .
وشكراَ على وقتك يا باشا.

شوف يا سيدى
حاول تجرب المفتاح قريب اوى من العربية (مكن تكون البطارية ضعيفة ) لو ماشتغلش برضو يبقى المشكلة فى وحدة استقبال الريموت
- بالنسبة للزجاج اللى ورار ..المشكلة فى ان مفتاح الكونسول عندك فاصل و مش واصلة كهربا (لازم الكونسول يتفك و يتشاف اية المشكلة )
-الباور كدة شكلة محتاج اولسيل فعلاً
-بالنسبة للتكلفة
(فاتر بنزين +طقم بوجيهات اصلى +سير كاتينة ) يعملو حوالى 270 ج
واى حاجة تحتاجها قولى ... (وافتح رسايل الخاص بتاعتك )

ايهاب باشا الف مبررررررررررررروك عربية ممتازة :)

تاني حاجة بنزين 80 ده اكيد راجل.......................مش هتكلم بقي بس لو حاجة بسيطة مش مشكلة انما علي طول هيحصل الاتي

1-هتجيب منك رشاشات
2-طرمبة بنزين
3-السحب هيبقي مقرف جداااااااااااااااااااااا
4-التانك هيتملي رواسب و اوساخ

استمر علي بنزين 92 عشان احسن للطرمبة و طقم الرشاشات لكن لو عايز تحط 90 حط اساسا اول العربية ما نزلت مكانش في بنزين 92 و كان كله يحط 90 و البنزين 92 ده لسه طالع مبقالوش سنتين ولا حاجة

اما حوار الازاز الوراني ده تبع الكهرباء تتظبط عادي

اما زيت الباور متعدش تزود كده و خلاص اكيد العربية عايزة اويلسيل غيره و اخلص عشان كده مش كويس

عايز تعمل صيانة اعمل مفيش مشاكل عادي يعني بس لو ملهاش لازمة يبقي بلاش مصاريف علي الفاضي عموما لو عايز تعمل صيانة و تحسن السحب و الاداء اعمل الاتي

1-فلتر هواء
2-منظف كربراتير و انجكشن من بنزينة توتال ب 20 جنيه امريكي الصنع و نظف هيد الانجكشن و الحساسات
3-بوجيهات flag الماني 3 شمعة او ngk بس يكون اصلي انا اعرف اجيبلك الflag لو تحب و لو سكنك قريب مني او تقدر تيجي الجيزة تحديدا البحر الاعظم الميكانيكي بتاعي هناك و شغال فيها و فاهمها لو احتجت اي حاجة انا موجود و هبقي فاضي تماما يوم 20\6 تحت امرك في اي طلب و اهلا بيك معانا في نايل موتورز:)

شكراَ ليك يا محمد على ردك الجميل والوافى وان شاء الله هاشوف هاقدر اعمل ايه وهابقى اقولك طبعاَ لو عرفت حد جنبى ولا لأ .
فية استفسار صغير
مكتوب على تانك البنزين 95 او 98 احط 92 ويمشى الحال ولا لأ
تانى حاجة لو انا اشتريت المنظف اللى انت قلتلى علية هاقدر استخدمه بنفسى ولا محتاج حد متخصص وبعدين هى الإنجيكشن فيها كاربريتار بردة.وشكراَ ليك

لا شكر علي واجب يا ابيزاوي:)

التانك فعلا مكتور عليه 95\98 انا عارف كده بس امشي علي 92 متخافش مش هيحصل حاجة و لو مشيت ب 90 كمان مش هيحصل حاجة العربية موديل 2000 شوف البنزين 92 ده نزل امتي لسه مفيش سنتين الملاك بقي من سنة 2000 اكيد مكانوش بيستوردوا بنزين كانوا بيحطوا 90

اما المنظف اشتريه و بلاش تلعب في حاجة انت مجربتش قبل كده لحسن يضيع منك حساس ولا حاجة تبقي مشكلة و العربية انجكشن لا ذكر للكربراتير فيها اصلا الكربراتير ده نظام حقن الوقود القديم اللي عندي في الابيزا 94 و استهلاك البنزين في الكربراتير بيبقي اعلي اما الانجكشن بالراشيو كده بيديك علي اد دوستك بظبط موفر في البنزين اوي اوي انت عندك نظام حقن الوقود الكتروني او انجكشن ملوش علاقة بالكربراتير و خلي حد ينظفلك الانجكشن متلعبش فيه بنفسك